Read Uab Meto YEREMIA 47 Bible Online

YEREMIA 47 - Uab Meto bible

YEREMIA 47

¹Nahunu na'ko Kesel Mesir he nape' Gaza, UISNENO nakua In a'an neu kau antom pah Filistin.

²UISNENO nakua In a'an nak, “Amkiso, oe ansai nem na'ko neno aonbian a'li ma ansae on noe le ansako antom pah nok in nesan ok-oke, kot-kot nok in tuafen. Atoni of ankoa antoti tuntakus ma to ok-oke ankulu ma ankae.

³Of sin nen bikase aslutun, ma aklet in hanan, ma aklet besi in haen na'kilo. Mnasi-mnasi of sin an ole ma ka namnau anteni fa sin anah.

⁴Tabu antelen he nale'un uf Filistin ok-oke, talan te Tirus ma Sidon ka napeni anteni fa tuntakus. Au, UISNENO Kau, of ule'un ani atoni Filistin ok-oke le fauk fe nabalah na'ko Kreta.

⁵Atoni Gaza susal mafena naek nem neu sin; tuafen Askelon sin anmono anmate. Talan te leka ka atoni Filistin sin fauk le fe nabalah of fe he nasusab sin piut ka?

⁶Him hunun mak, ‘Hoi suni UISNENO, talan te leka ka ho hem laban? Amfani nai meu ho tapam ma mutua ambi nane nok tainine!’

⁷Mes nabe'i ka in antainine, leka Au fe plenat neu in hen laban Askelon ma tuafen tasi ninen?”