Read Uab Meto YEHEZKIEL 1 Bible Online

YEHEZKIEL 1 - Uab Meto bible

YEHEZKIEL 1

¹Anbi fun ha antam neno nim ton bo'tenu, anbi ton nim tabu Kesel Nai Yoyakhin neki in neu bale polin, Ana' Fuat Knino Nai Yehezkiel Nai Busi anmone, in anbi Noe Kebar in ninen anbi Babel nok atoni-atoni Yahudi bian sin le mapolin. Nok askeken neno tunan natfai ma au upeni mnitas antom Uisneno. Au nen UISNENO nakua In a'an neu kau ma au naben In kuasat in be'in in matanin.

⁴Au baisenu ma au it nautus le anfu nem na'ko aon bian a'li. Ken neno nalim ma ansimo es nok es na'ko nope bua' mese le anae le'uf, ma neno atnanan anfun natef anmeusin anae le'uf. Anbi limat le anpin-pin nane au it sa'-sa' esle' nalim-lim on noni molo.

⁵Anbi nope in atnanan au it ahake neno tunan ha nane amonit mese namas on mansian,

⁶mes es-es te in anmu'i kun humaf ha ma ninef pasan nua.

⁷In haen nenuon ma nalim-lim on noni molo le manose. In haen klulun maknusa on bijae aknusan.

⁸Naik na'ko humaf ha ma ninef pasan nua en nane, sin anmu'i nimaf on mansian anbi ninef mese-mese in apinan.

⁹Ninef pasan mese na'ko amonit nane naufon ma sin tunken anmaonon nok amonit bian sin ninen, talan te amonit ha en nane sin anmo'e si'uf ha. Leka sin nabloli, sin es-es nabloli nenu on nao neu mat ka nabaina fa in aon.

¹⁰Amonit mese te in anmu'ikun humaf ha le es-es te in naik kun; humaf mansian anbi mat, humaf meo asu anbi a'ne'u, humaf bijae anbi a'li ma humaf kaka tasi panis anbi kotin.

¹¹Ninef pasan mese na'ko amonit nane mese-mese nauf anbi fafon talan te an ono ninef na'ko amonit bian anbi in aon bian, ma ninef pasan mese anteni an uku'on antobe nan in aon.

¹²Smanaf amonit nane es-es te anbaina neu neno kaben ha sin, talan te nabe'i sin anao neu me le sin anlomi nok ka nabaina fa sin aoken.

¹³Anbi smanaf amonit nane sin atnanan anmu'i sa' es onle ai flae, ai on paku apinat le in nabloli ka nas-nas fa. Ai nane anpin-pin ma napoitan limat ma ken neno.

¹⁴Ale smanaf amonit nane sin nabloli neu am nem onle limat in manoen.

¹⁵Leka fe au kiso ale nane ok-oke, au it haef ha na'ko aklet anbi afu in fafon, haef mese na'ko aklet nane anhaumak smanaf amonit mese-mese.

¹⁶Haef ha na'ko aklet nane papmese ma sin naklima on fatu muti klima, ma es-es te anmu'i haef mese anteni le nakbaton anbi atnanan.

¹⁷Nok nane te haefen na'ko aklet nane nabe'i sin naoinsok ansali neno kabenan ha sin.

¹⁸Aklet haef nane anfun natef nok mataf.

¹⁹Smanaf amonit sin nane nabe'i sin anao neu me le sin ansali, ma aklet haefen nane natuin piut natuin smanaf amonit sin nane es ankuas sin. Anbi ale tabu leka smanaf-smanaf amonit nane ansae neu neno atnanan ai nasnasan, aklet haefen nane natuin sin amsa.

²²Anbi smanaf-smanaf amonit nane sin anakan onle neno kupun muti nalim-lim.

²³Anbi neno kupun nane smanaf amonit es-es te nenu in ninen pasan mese neu smanaf amonit le anbi in aon bian ma ninef pasan mese antobe sin aon.

²⁴Leka sin naplelen, au nen sin ninen aslutun; sin aslutun onle solalus pukan naek mese sin aslutun, onle Uisneno Akuasat Afin-finit In hanan. Kalu sin nasnasan sin anli' sin ninen,

²⁵mes na'ko neno in kupun le anbi sin nakan in fafon, fe'at atnen aslutuf.

²⁶Anbi neno kupun nane anmu'i sa' es onle toko' na'ko fatu klima mate molo, ma anbi in tunan sa' es antoko ma atkisot onle mansian.

²⁷Anbi in fafon au kisot nalim onle noni molo le mapese anbi ai in nanan. Anbi in pinan anmu'i pina le meusine naek,

²⁸ma anmu'i humaf namfau onle enus. Nane meusine le naton nak UISNENO anhake anbine.