Read Uab Meto YEHEZKIEL 13 Bible Online

YEHEZKIEL 13 - Uab Meto bible

YEHEZKIEL 13

¹UISNENO nakua In a'an neu kau nak,

²“Hoi mansian amates, amlaban mafefa-mafefa Israel le naton ale sin uab molok le sin naiti na'ko sin nekan kun. Amlelu sin he sin nen Au a'ak.”

³UISNENO Anesit Afinit nakua In a'an nak, “Amle'ut neu mafefa-mafefa amonot le nane! Sin penit nane na'ko kun sin tenab anmeskun ma sin mnitas nane mo'el ma poi kun.

⁴Hoi Israel ale ho mafefa sin le nane ka maota fa, sin onle meo asu le sin anmoni anbi fatu tutnae kot in nanan.

⁵Sin kan panat fa bale-bale le ale baki lape natkua, ma sin ka naloitan fa baki lape amle'ut nane. Es nane te, Israel of kan hake nahel fa leka makenat anbol anbi neno Au, UISNENO aum ma fe kasat.

⁶Ale sin lasi mnitas nane mo'el ma sin uab molok nane luman ma poi kun. Sin nateb nak sin neki han ba'an na'ko Kau, mes Au ka lelu it fa sin. Onme sin napane ma nafnek neu sin uab molok nane of anbol?

⁷Au, UISNENO Anesit Afinit Au ukua Au a'ak neu sin ak, ‘Ale hi lasi mnitas nane mo'el ma hi uab molok nane luman ma poi. Hi mak ale nane Au han ba'an, mes Au ka umolok it fa ok ki! Es nane te of Au laban ki.

⁹Of Au fe neu ki kasat, hoi mafefa mo'el le hi mitiaba uab molok mo'el ma lasi mnitas natuin kun hi tenab! Hi ka nabe'i anteni fa he mok hem fe lasi tfeka anbi buat Au nonot sin. Hi kanam of manose na'ko atoni Israel sin sul ainaf ma of hi kam fani fa meu hi pah ma hi nifu. Ma of hi mihin nak Au le i UISNENO Anesit Afinit Kau.

¹⁰Hoi mafefa-mafefa mo'el! Hi misekeb milali Au nonot natuin hi miton mak ale sa' tainine ma ka sa'-sa' fa. Mes ka onfa le nane! Au nonot nahakeb nalali baki lape neki fatu-fatu me' le ka nahel fa, namuni te hi aim ma amnose ao neune.

¹¹Hoi, mafefa-mafefa mo'el, hi baki lape nane of natkua. Of Au usanut ulan anae le'uf. Baki lape nane of anin nautus antoman ma ula sene-sene of antoman

¹²talan te natkua, ma atoni mese-mese te of natoti nak maota sa' ka es baki lape nane manose neki ao ka.’ ”

¹³UISNENO Anesit Afinit nakua In a'an nak, “Anbi Au to'as in nanan, of Au sonu anin nautus, ulan anaek ma ulan sene-sene he nati' nale'un baki lape nane.

¹⁴Au utenab he utseleb baki lape le him nose milali meki ao nane, ma usana ani talan te al in tu'in es nabalah. Baki lape nane of nameku ma namate ki ok-oke. Ma of hi mihin nak Au le i UISNENO Kau.

¹⁵Baki lape nane ma hi le amnose ao neune ho him naben Au to'as in matanin. Nalali te of Au ak neu ki ak baki lape nane namneku nalalien, papmese onle hi le him nose ao neune,

¹⁶hoi mafefa-mafefa mo'el! Hi miuab ma mimolok mak Yerusalem antainine ma ka sa'-sa' fa, mes ka onfa nane!” Onle nane UISNENO Anesit Afinit In nakua In a'an.

¹⁷UISNENO nakua In a'an nak, “Tabu le i, hoi mansian amates, amkiso ma ampanat bife-bife le antaonok on mafefa anbi hi to sin atnanan. Amlaban sin,

¹⁸ma mutiaba neu sin sa' le Au, UISNENO Anesit Afinit utiaba neu sin mak: ‘Amle'ut neu ki! Hi mo'e neu ale atoni ume-ume le'u ma tobe nakaf le'u he nati' atoni le anpake nabe'i in naplenat atoni bian in monin. Him lomi he miplenat Au to he sin moni ai hen mate, ma kuasat nane him pake neu hi aom kun.

¹⁹Hi misi'u Kau anbi Au to sin human sin matan al he nati' hi mipeni mnahat ma utunu' pisa fauk-fauk. Atoni-atoni le ka nasanab fa, hi mimate sin mes atoni-atoni le namneo-namneo hen mate he mifetin sin ma sin anmoni. Oke te hi mimo'e Au nonot ma sin nateb neu ki.’ ”

²⁰UISNENO Anesit Afinit nakua In a'an neu bife-bife le antaonok on mafefa bife nane nak, “Au uto' leka Au kiso it niti-niti le'u le him pake he miplenat Au to sin monin hen moni ai hen mate. Niti-niti nane of Au usik ani na'ko hi nimam, ma atoni-atoni le hi miplenat sin of Au ufetin sin.

²¹Hi tobe nakaf le'u nane of Au pisu ani sin, ma Au nonot of Au ufetin sin na'ko hi taos hi mo'et amle'ut talan te nabal-bal. Ma of hi mihin mak Au le i UISNENO Kau.

²²Atoni-atoni alekot le Au ka mo'e fa sa'-sa' neu sin, hi mo'e sin nekan talan te nabau natuin hi lasi mo'el sin. Atoni-atoni amle'ut him neka naeb sin nati' he sin anmo'e sanat piut ma ka nafetin fa sin.

²³Tabu le i mnitas-mnitas mo'el ma uab molok luman ma poi namsopu nalalien. Au ufetin Au nonot na'ko hi taos hi mo'et amle'ut. Ma of hi mihin mak Au le i UISNENO Kau.”