Read Uab Meto YEHEZKIEL 15 Bible Online

YEHEZKIEL 15 - Uab Meto bible

YEHEZKIEL 15

¹UISNENO nakua In a'an neu kau nak,

²“Hoi mansian amates, hau tua min kase in anesi sa' ka na'ko hau bian anbi nasi nanan?

³Nabe'i ka in hau nane anpake hen mo'e sa'-sa' es ka? Nabe'i ka atmo'e anfani hau boni he taboni bale klo'e?

⁴Kan mu'i fa in otan al atmo'e anfani hau hopit. Ma kalu in panken namsu nalali, ma in atnanan anfani atu, fe anmu'i in otan ka?

⁵Kan mu'i anteni fa! Fun nahun na'ko fe ka mnotu fa, in ka maota fa. Sa' anteni leka totu talali ma ai notu nani!”

⁶Es nane te UISNENO Anesit Afinit nakua In a'an nak, “On hau tua min kase le mnaiti na'ko nasi ma notu, onane amsa of Au mo'e neu tuafen Yerusalem!

⁷Of Au fe neu sin kasat. Maski sin nafetnok nalali na'ko ai, mes ai amsa of nale'un sin. Ma of hi mihin mak Au le i UISNENO Kau.

⁸Sin ka na'ki neu Kau fa, es nane te, pah nane Au mo'e anfani mnela snaen. Au UISNENO Anesit Afinit ukua ulali Au a'ak.”