Read Uab Meto YEHEZKIEL 16 Bible Online

YEHEZKIEL 16 - Uab Meto bible

YEHEZKIEL 16

¹UISNENO nakua In a'an anteni neu kau nak,

²“Hoi mansian amates, muton nai neu Yerusalem ale lasi amle'ut le in anmo'e nalali sin.”

³UISNENO Anesit Afinit anlelu kau utiaba han ba'an i neu Yerusalem ak, “Hoi Yerusalem, nahonis ko anbi pah Kanaan. Ho Ama atoni Amori ma ho aina atoni Het.

⁴Leka nahonis ko katit fa es hen lefi ho usam, ai he naniu ko, ai naniu ko neki masi, ai antainus ko neki klo'e.

⁵Katit fa es amsa he nek namnau ko talan te hen mo'e ale lasi-lasi nane neu ko. Leka nahonis ko, katit fa es he nek namnau ko, mes anpolin ko neu lene.

⁶Nalali te Au nao ok bale nane ma Au it ko hom feunsom ambi ho na' in nanan, mes Au ka ufetin ko fa he nati' ho mate.

⁷Au aiti oe oke te Au boe ani na' na'ko ho aom. Au nose ho aom eki mina bub fua mina. Au unaeba ko onle sena le namlia. Ho moni nok amliat, am aomin ma am ao leko, ma anfani fetnai munif mese'. Ho basam anpok ma ho nakam funun namnanu, mes ho monas ko. Leka Au nao ok nane anteni, Au kiso it nak in tabu antelen he nati' amaliaba es nok es. Au amu ho aom le monas nane eki Au sobalu betkone, ma Au utiaba Au han manba'an Au nek maliaba neu ko. Namneo, Au futun lasi manba'an lasi mafet mamonet ok ko, ma hom fani Au ini kun. Au, UISNENO Anesit Afinit ukua ulali Au a'ak.

⁸

⁹

¹⁰Nalali te Au pake ko eki sobalu betkone malulat, peni haef na'ko pasu malula abainesit, futu nakaf na'ko pilu mate malula, ma sobalu betkone na'ko pilu amasat.

¹¹Au pake ko eki fatu klima amasat, heke ma niti.

¹²Au fe neu ko kleli amasat neu ho panam, falo ma sobe mnatu amasat.

¹³Onle nane Au pake ko eki mnatu ma noni muti; ho bale pake nane na'ko pilu muti malula ma pilu muti le malulat. Ho nabe'i ambukae utunu' na'ko ut alekot, nok oni hau ma mina bub fua mina. Ho masmu lo matani le'uf ma hom fani on fetnai.

¹⁴Ale uf naliatas ho masam alekot nane, ma Au es anmo'e ko mumas amfini onane. Au UISNENO Anesit Afinit ukua ulali Au a'ak.

¹⁵Mes hom pake amsan ho masan matani le'uf ma ho kanam fomeni nane. Hom tup mok ale atoni me le anao nok bale nane.

¹⁶Hom pake ho bale pake bian hem pake noas bale luli besa neu fatu le'u hau le'u. Hom fani bife amapaisa ma hom fe ho aom neu ale atoni.

¹⁷Na'ko ale pake noas mnatu ma noni muti le Au fe neu ko, ho mo'e le'u mahuma atoni mone, oke te hom mapaisa mok le'u mahuma nane.

¹⁸Hom pake le'u mahuma nane meki bale pake malulat le Au fe ulali neu ko. Ho mutulu neu sin mina bub fua mina ma atu fomeni le hom simo na'ko Kau.

¹⁹Au fe neu ko bukae na'ko ut alekot bainesi, oni hau ma mina bub fua mina le leok le'uf. Mes ale nane ok-oke ho mutulu sin neu fatu le'u ma hau le'u nane he ho malinab sin nekan. Au UISNENO Anesit Afinit ukua ulali Au a'ak.

²⁰Nalali te ho mutulu hit anah-anah sin he atoni ma bife, anfani fua tulu neu fatu le'u ma hau le'u nane. Ai fe ka noka fa ka ho ka mu'ki neu Kau fa?

²¹Mes ho maiti Au anah sin ka ma ho mutulu sin neu fatu le'u ma hau le'u nane?

²²Anbi ho monim le amainisit on bife amapaisa nane, an-ana mese amsa ho ka mumnau fa neu afi ho monim fe ho an-ana ko, leka ho monas ko ma amfeunson ambi ho na' in nanan.”

²³UISNENO Anesit Afinit nakua In a'an nak, “Amle'ut, neu ko! Namneo of ho mumle'u! Hom mo'e mulali ale lasi amle'ut nane.

²⁴Anten-teni amsa, anbi kot in nanan ma anbi ale lanan in ninen ho muhakeb ale bale he mululi mubes neu fatu le'u ma hau le'u ma anmo'e mapaisa.

²⁵Ho mule'un ho masam. Ho musosa ho aom neu ale atoni le nao nok nane, ma ho ka musnas fa na'ko makaket.

²⁶Mesir, le anhaumak ko in sinmakat nane nae le'uf, hom tup mulali mok in. Hom asafanu mapaisa hem kiso Kau he Au uto'.

²⁷Tabu le i Au fe he kas ko ma aiti tetus le Au fe ulali neu ko. Au una'at ko neu atoni Filistin le nato'an ko ma kan lomi fa hen kiso ho mo'et amle'ut nane.

²⁸Mes hom naben ho nekam ka nanokbon fa; es nane te hom li'u piut atoni Asyur. Hom fani bife amapaisa neu sin, mes hom naben ka nanoka fa amsa.

²⁹Oke te hom fani bife amapaisa neu atoni Babel, atoni asosa nane. Mes sin ka nabe'i fa he nanokab ho lasi sinmakat.”

³⁰UISNENO Anesit Afinit nakua In a'an nak, “Ale nane ok-oke ho mo'e mulali on bife amapaisa mese le kan mae nahin fa.

³¹Anbi kot in nanan ma lanan in ninen ho muhakeb ale bale he mululi ma mubes neu fatu le'u ma hau le'u ma amapaisa. Mes ho ka on ko fa bife amapaisa sin hem toti noni.

³²Ho on ko bife le an aneb in mone ma in anmo'e lasi mapaisa nok atoni bian.

³³Bife amapaisa mese napeni noni piut, mes i ho kum es ambaen mufani atoni le ho mapaisa mokan, anesi na'ko nane hom fuli sin meki noni he nati' sin nem na'ko me-me hen tup nabua nok ko.

³⁴Ho bife amapaisa naik na'ko ale bian-bian. Es ka naseke ko fa hem fani bife amapaisa. Kan baen ko fa, somak ho es ambaen sin. Namneo, ho maikum na'ko ale bian-bian.”

³⁵Hoi Yerusalem, bife amapaisa, amen nai sa' le UISNENO Anesit Afinit nakua a'an neu ko, “Ho mupoitan mulali ho sobalu, ma on bife amapaisa ho muna'at ho aom neu sin le hom nek sin ma ho fatu le'u ma hau le'u ahainisit nane. Ho anah-anah sin ho mumate sin ma ho mutulu sin neu fatu le'u ma hau le'u nane.

³⁶

³⁷Es nane te, of Au nibun sin le hom nek sin, leko le hom lomi ai le ho muto'an. Sin of anhake anfun natef ko ma of sin napoitan ale ho bale pake sin, talan te nabe'i sin nit ho aom le monas.

³⁸Of Au fe kasat natuin lasi kake ma lasi maten le ho mo'e mulali nane. Anbi Au to'as ma Au maunu Au of a'kas umate ko.

³⁹Of Au una'at ko neu sin le hom nek mani sin le nane, ma sin of natseleb bale-bale le ho mapaisa ma le ho mululi ma mubes neu fatu le'u ma hau le'u. Ale ho bale pake ma ho bale pake noas sin of sin nasik nan sin, talan te ho monas ko.

⁴⁰Of sin anlelu atoni amfaun anpoli ko neki fatu, ma of sin naknutu ho aom neki suni.

⁴¹Sin of notu ho ume-ume sin ma anlelu ale bife hen saksi kasat neu ko. Onle nane of Au usnasab ho lasi mapaisa nane. Ho of kam baen amteni fa atoni-atoni le hom nek mani sin.

⁴²Oke onane te of Au to'as nasnas, ma of Au tainine fani. Of Au ka uto' ateni fa ma ka uktino ko fa.

⁴³Au fe neu ko kasat natuin ho ka mumnau fa neu afi Au paloli ko leka ho fe munif ko. Ho mo'e Kau ma Au uto' natuin ale ho taos amle'ut nane. Nansa' ale ho taos ho mo'et hainisit nane fe hom sato amteni meki lasi kake? Au UISNENO Anesit Afinit Kau ukua ulali Au a'ak.”

⁴⁴UISNENO nakua In a'an nak, “Hoi Yerusalem, ale atoni of antek nel i neu ko nak, ‘On in ainaf, onane amsa in anfetnai.’

⁴⁵Namneo, ho le nane anfetnai na'ko ho aina. In nato'an in mone ma in anah-anah sin amsa. Ho mumnes mok ho biaf fenai sin le nato'an sin mone ma sin anah-anah sin. Ho mok ho biaf ho benuf sin, esle' kot-kot le anhaumak ko hi mu'i ainaf atoni Het ma hi amaf atoni Amori.

⁴⁶Ho tataf es Samaria anbi bian a'li nok ale in sanat sin. Ma ho olif es Sodom anbi kabenan a'ne'u nok ale in sanat sin.

⁴⁷Hom naben ho nekam nanokbon ka leka ho mutuin sin nobin ma ho mutuin sin mo'et ahainisit nane? Fe ka nanoka fa! Ka lo fa anteni ho of ho monim namle'u nesi anteni na'ko sin.

⁴⁸Natuin Au, Uisneno amonit, UISNENO Anesit Afinit In nakua a'an, ho biaf Sodom nok in kuan sin maufinu nane ka papmese fa on ho mok ho kuan sin.

⁴⁹Sodom nok in kuan sin naneabok natuin sin anmu'i bale hen painote mnahat le namfau ma anmoni nok tainine ma halan. Mes sin kan kiso ma kan panat fa atoni amamu'it ma anukat sin.

⁵⁰Sin nanaebok ma sin nakan fatu, ma sin anmo'e lasi-lasi le Au ka lomi fa. Es nane te Au ule'un sin onle ho mit mulali.

⁵¹Namneo Samaria anmaufinu, mes sin sanat kan bati nua fa na'ko hi sanat. Hi monim nane in namle'u nesi anteni. Hi fetof sin onle ka nasanab fa leka tanesa sin nok ko. Ho mes he mumaebom ma mubaunom!”

⁵²

⁵³UISNENO nakua a'an neu Yerusalem nak, “Sodom ma Samaria ma sin kuan sin of Au mo'e ma anmoni nok athoes anfani. Nalali te, of Au mo'e ko ma ho moni nok athoes amsa.

⁵⁴Nok nane te of ho mae neu ho aom anmes, ma ho nukat nane of natonon neu ho biaf sin neu sin monin naleko kun.

⁵⁵Sin ma sin kuan-kuan sin of anmoni nok athoes anfani, onane amsa ho ma ho kuan-kuan sin.

⁵⁶Ai ho ka manis fa Sodom leka ho fe munaebom

⁵⁷ma ho lasi amle'ut fe ka natonon fa? Tabu le i ho papmese ko on in; atoni Edom sin anmanis ko, atoni Filistin ma sin le anhaumak ko sin nato'an ko.

⁵⁸Ho mes amnaben susal on seunbanit neu ho mo'et amle'ut ma hainisit nane. Au UISNENO ukua ulali Au a'ak.”

⁵⁹UISNENO Anesit Afinit nakua In a'an nak, “Of Au mo'e ko anmatom nok ho taos ho mo'et, natuin ho musuan mulali ho lasi supat ma amtanhai Au lasi manta'en ok ko.

⁶⁰Mes of Au umnau lasi manta'en le Au mo'e ulali ok ko anbi neno ho fe munif ko ma Au mo'e lasi manta'en ok ko le nanaobon talan te nabal-bal.

⁶¹Ho of mumnau ale ho taos ho mo'et sin ma hom naben lasi mae anbi tabu Au fe ufani ho biaf ho benuf sin neu ko. Of Au mo'e sin on ho anah-anah sin, maski nak lasi nane kan tam fa anbi lasi manta'en Au ok ko.

⁶²Of Au mo'e lasi manta'en fe'u ok ko. Ma of ho muhin nak Au le i UISNENO Kau.

⁶³Of Au sako ho sanat sin ok-oke, mes of ho kam nikan fa sin ma of hom naben lasi mae he muton lasi sa' es amsa. Au UISNENO Anesit Afinit Kau ukua ulali Au a'ak.”