Read Uab Meto YEHEZKIEL 27 Bible Online

YEHEZKIEL 27 - Uab Meto bible

YEHEZKIEL 27

¹UISNENO Anesit Afinit nakau In a'an neu kau nak, “Hoi mansian amates, amsi sit i neu hen sub Tirus, kot tasi ninen le nasosa nok atokos anbi tasi ninen: Tirus, nok amoko ho muuab mak, ‘Namneo au umas kuk nok leko!’

⁴Neu ko tasi anfani on ho ume. Nafena ko on bnao amasat.

⁵Ho klipit na'ko hau amasat Tubu Hermon ma ho ni pilu le anmo'e bnao he nao na'ko hau aijob Libanon.

⁶Ho sepo' sin nane anmo'e sin na'ko hau naek sin anbi Basan. Ho po'an nane anmo'e na'ko hau aijob, nem na'ko pah Sirus, in pake noas na'ko sikal le maosa.

⁷Pilu le anmo'e bnao hen nao ma ho taka' nane na'ko pilu muti malula Mesir, nok sot amasat huma-huma. Ho pilu obet nane na'ko pilu malula, pilu kanalu na'ko Siprus.

⁸Ho sepo' sin na'ko Sidon ma Arwad. Ho ameput sin ameput-ameput bnao le mahine.

⁹Ameput-ameput hau le anmepu anbi bnao nane amakoet sin na'ko Gebal. Ale bnao nem na'ko pah-pah nem hen tao ma anmo'e malutas lasi sosa.

¹⁰Solalus-solalus na'ko Persia, Lidia ma Libia sin antam anfani ho solalus sin. Sin naboni ben besi tika ma sin sobe besi neu ho kot in baki lape sin. Sin antuntaku ko nis ma anbe'u ho musu-musu sin ma sin ansato ho kanam mateka.

¹¹Solalus-solalus na'ko Arwad sin anpao ma anpanat anbi ho baki lape sin; ma ho el fatu sin atoni-atoni na'ko Gamad es anpao sin. Sin ben besi tika sin naboni'ok natnoe es nok es anbi ho baki lape sin. Sin le nane es ansato ho masam nane.

¹²Ho musosa ho bale-bale sosa sin le nathoe nane anbi Spanyol, ma seunbanit neu nane hom simo noni muti, besi, afu muti ma lit besi metan.

¹³Ho musosa ambi Yunani, ambi Tubal, ma ambi Mesekh, ma seunbanit neu nane hom simo na'ko sin anfe neu ko sin ate-ate sin ma bale-bale na'ko noni molo.

¹⁴Ho mutuki ho bale-bale sin nok bikase ahel aklet, bikase neu hem sae ma bikase luke mnanu na'ko Bet-Togarma.

¹⁵Tuafen Rodus sin naso'sen amsa nok ko ma tuafen anbi pah tasi ninen sin ansos ho bale sosa sin neki sikal ma hau metan.

¹⁶Ale asosa na'ko pah Siria sin ansos ho bale-bale sosa sin ma ale ho mepu in nesan le amfaun nane. Sin baen neki fatu klima na'ko fatu klima mate molo, pilu me kanalu, pilu sot mabuna, pilu muti malula, fatu klima na'ko fatu boko ma futu me' amtasa.

¹⁷Yehuda ma Israel sin antuki ho bale sosa neki ane kase, oni hau, mina bub fua mina ma atu fomeni.

¹⁸Tuafen Damsyik sin ansos ho bale sosa sin ma ho mepu in nesan ma sin anbaen neki tua min kase na'ko Helbon, bibi kase in nafun na'ko Sahar, besi tutu ma atu fomeni.

²⁰Tuafen Dedan sin anbaen ho bale sin neki pilu peni bikase.

²¹Atoni Arab ma ana' aplenat pah Kedar sin ansos ho bale sin neki bibi kase ana, bibi kase keso, ma bibi. Neu hen sos ho bale sin asosa na'ko Syeba ma Raema sin neki ale fatu klima, mnatu ma atu fomeni le leko anbainesi.

²³Kot-kot Haran, Kane, Eden, asosa na'ko Syeba, kot-kot Asyur ma Kilmad, sin anmasosa nok ko.

²⁴Sin nasosa neu ko bale pake amasat bainesi, pilu me' kanalu, pilu sot mabuna, nahe na'ko bibi kase nafun le nakano nok malula huma-huma le na'ben anbi ume, ma tani namfau le nabe'i ma matani.

²⁵Ho bale sosa sin neki sin nok ale bnao anaek le au nao an ma'akatuin. Ho onko bnao le in baut mafena, bnao le anlak tasi.

²⁶Ho atoni sin le ansepo bnao neki ko neu tasi atnanan. Anin amaunut na'ko neno saen anfu ko nok matani.

²⁷Ho bale sosa sin le ho musaeba sin, ale ho atoni tasi sin nok ale ho ameput sin, ale ho amepu hau sin ma ho asosa sin, ale solalus abit bnao nane, sin anlem namneku ok-oke anbi tabu ho amlem ambi tasi in nanan.

²⁸Ho atoni tasi sin ankoa natuin sin namtau ma sin anbait manena anbi tasi in ninen.

²⁹Tabu le i bnao nane sin nasaitan, ho atoni tasi sin ansae neu afu meto.

³⁰Sin ankae neu ho monim, ansakoi ma ankae ma ankulu nok nek susal. Sin antao afu neu sin nakan ma anliloe anbi afu nanan anfani taka' nek susal.

³¹Natuin ho sin eu boko sin anakan, anpake bale kalo nahenu nok susal nukat. Sin ankae nok nek susal ma akulu ma ankae neu ho monim.

³²Oke te sin ansi sit mese neu hen sub ko nak, ‘Tirus, sekau es hen laban ko? Tirus anbi tasi in nanan ho ka mumolok fa sa'-sa'.

³³Anbi tabu hom lak tasi, nok baut nahenu ma manesa, ho munokab uf-uf sin a'lomin; kesel sin amsa ho mo'e sin ma sin anfani amu'it.

³⁴Tabu le i hom lem mulali ambi tasi in nanan, ho muskuku anbi tasi in tu'in. Ale ho ameput sin ma ale baut ok-oke sin namneku ok-oke nok ko anbi tasi in atnanan.’

³⁵Ale atoni le sin natua anbi pah tasi ninen sin anlilitai leka sin nen neu ho monim. Sin kesel sin amsa namtau nok matani; lasi amtaus natonon anbi sin humken.

³⁶Ho mumneku amfini talan te nabal-bal. Asosa-asosa anbi pah pinan ok-oke sin naskeken natuin sin namtau natuin of sin naeku monit onane.”