Read Uab Meto YEHEZKIEL 35 Bible Online

YEHEZKIEL 35 - Uab Meto bible

YEHEZKIEL 35

¹UISNENO nakua In a'an nak,

²“Hoi mansian amates, amsukat Edom nai.

³Mutiaba neu in to sin sa' le Au UISNENO Anesit Afinit uton neu sin mak, ‘Au le i hi musu es Kau, hoi tuafen abit tubu Edom! Hi pah of Au mo'e anfani mnino maten kan mu'i fa atuas anbine, ma ho kot-kot sin of anfani fatu tutnae. Ma of hi mihin mak Au le i UISNENO Kau.

⁵Na'ko afi ahunut hi mimusu mok Israel ma hi mifetin sin ma anlolo sin anbi tabu sin napeni lasi amle'ut anfani on kasat amsoput neu sin sanat-sanat sin.

⁶Es nane te, natuin Au, Uisneno amonit, UISNENO Anesit Afinit, lasi maten nane ho monim, ma hi ka nabe'i fa he mifetnom na'ko in. Hi misanab milali natuin hi mimate atoni, ma lasi mate atoni nane amsa of anli'u ki.

⁷Hi kot-kot sin anbi tubu Edom of Au mo'e sin anfani mnino ma ale atoni le anao nok bale nane of Au umate sin.

⁸Of Au tobe tubu-tubu sin eki hi aom amates, neten ma nonof of Au uhenu eki maten anbi makenat in nanan.

⁹Ho pah of Au mo'e anfani mnela hufui talan te nabal-bal, ma ho kot-kot sin of atoni ka natua anteni fa sin. Ma of hi mihin mak Au le i UISNENO Kau.

¹⁰Hi miton mak leko Yehuda ma Israel nok in pah mese-mese nane sin ini kun, ma of hi mu'i in maski Au, UISNENO, nane sin Uisneno.

¹¹Es nane te, natuin Au, Uisneno amonit, UISNENO Anesit Afinit, of Au seunbanin Au to'as neu ki, natuin hi mito', miktino ma him nek nanan Au to. Sin of nahin nak Au kas ki natuin hi taos neu sin.

¹²Ma of hi mihin mak Au, UISNENO, Au nen ulali hi lasi si'ut leka hi mimolok mak: Tubu-tubu Israel sin anfani mnino maten nalali ma nana'at sin anfani hit bukae.

¹³Hoi to Edom, hi amfefa naebom ma hi mimolok neka moko' neu Kau. Au nen ulali ale lasi nane ok-oke.

¹⁴Au UISNENO Anesit Afinit ukua Au a'ak ak: Pah pinan ok-oke of anmalin anbi tabu hi pah ok-oke Au mo'e anfani mnela le mnino maten,

¹⁵papmese onle hi amsa anmalin leka hi mit Israel Au ini nane, anfani mnino maten. Tubu-tubu Seir, pah Edom ok-oke of anfani mnino maten. Ma ale atoni ok-oke of sin nahin nak Au le i UISNENO Kau.’ ”