Read Uab Meto YEHEZKIEL 44 Bible Online

YEHEZKIEL 44 - Uab Meto bible

YEHEZKIEL 44

¹Nalali te atoni nane in antopu kau anteni neu eno naek abit mone aon neno saen na'ko Ume UISNENO. Eno naek nane maeka.

²UISNENO nakua In a'an neu kau nak, “Eno naek le i mes maeka piut ma ka nabe'i fa he nati' amfai. Ka nabe'i fa atoni mese amsa antam nao nok eno nane, natuin Au, UISNENO Israel, Au tam ulali neu Au Ume nao ok eno naek nane. Es nane te, eno naek i mes maeka piut.

³Mes akuasat le ana' aplenat nabe'i nao neu eno naek nane hen bukae, bukae knino anbi Au humak Au matak. In mes antam nao natuin ke'an anaek ma neki anfani nao nok lanan nane amsa.”

⁴Nalali te atoni nane in neki kau neu eno naek bian a'li le anbaina nok Ume UISNENO. Au kiso, ma au it Ume UISNENO nane nahenu nok pina alimat le anfani taka' neu UISNENO anhake anbi bale nane. Oke te au ululi ubes ma li'tu,

⁵ma UISNENO nakua In a'an neu kau nak, “Hoi mansian amates, amkiso leko-leko sa' le ho mit ma le hom nen. Of au uton neu ko ale lekat lulut ma plenat antom neu Au Ume le i. Amtui leko-leko sekau am sekau le Au ufetin sin hen tam neu Au Ume ma sekau am sekau le ka nabe'i fa hen tam.

⁶Muton neu to Israel le anlomi hen laban nane mak Au, UISNENO Anesit Afinit, Au ka lomi teni fa ufetin sin hen mo'e lasi lahi.

⁷Sin nalahi nalali Au kanak, natuin leka fe sisi afa ma na' fua tulu natulu neu Kau, sin nafetin atoni ka mahapi ma maheli, ma le sin ka natuin Kau fa, sin antam neu Au Ume. Natuin sin taos sin mo'et le neki hainisit nane, sin antanhai nalali Au lasi manta'en ok sin.

⁸Fun sin kan mese fa es nanaoba lasi luli besa knino nane anbi Au Ume, mes atoni-atoni anao amnemat le sin anlek he nanaoba lasi nane.

⁹Au, UISNENO Anesit Afinit, Au uton ak atoni anao amnemat le ka mahapi ma ka maheli fa ma atoni-atoni le ka natuin Kau fa, ka nabe'i fa he sin tam neu Au Ume. Lasi nane antom amsa neu atoni anao amnemat le natua nabalah anbi to Israel sin atnanken.”

¹⁰UISNENO nakua In a'an neu kau nak, “Of Au fe kasat neu atoni-atoni Lewi nok atoni-atoni Israel bian anteni, le sin nasaitan nalali Kau ma naluli ma nabes neu fatu le'u ma hau le'u.

¹¹Anbi Au Ume nanan, sin al antuthae Kau on ameput ma apanat eno naek. Sin nabe'i anlolo mu'it neu fua tulu mnotu ma fua tulu ma namneo sin antuthae Au to piut.

¹²Mes natuin sin anmo'e nalali luli besa neu fatu le'u ma hau le'u neu to Israel, ma nok lasi nane te sin anhel to nane antam neu sanat in nanan, es nane te Au, UISNENO Anesit Afinit, Au sup ak sin mes Au kas sin.

¹³Sin ka nabe'i anteni fa hen tuthae Kau on Ana' fuat knino ai an ono sa' le aknino neu Kau, ai antam neu Bale Le Aknino Le'uf. Nane kasat neu sin taos sin mo'et le neki hainisit le sin anmo'e nalali.

¹⁴Tabu le i Au lek sin he nanaoba mepu mafena le he nanaoba anbi Au Ume.”

¹⁵UISNENO Anesit Afinit nakua In a'an nak, “Anbi tabu to Israel nasaitan Kau, ale Ana' fuat knino na'ko Nai Zadok in sufan sin na'ki piut antuthae Kau anbi Au Ume. Es nane te sin esle' anbi tabu le i mes hen tuthae Kau ma sin nem anbi Au humak ma Au matak he natulu sisi afa ma na' na'ko ale fua tulu nane.

¹⁶Al sin es nabe'i antam neu Au ume, antuthae Kau anbi Au baki tulu, ma ana' lasi luli besa anbi Au Ume.

¹⁷Anbi tabu sin antam eno naek an ali nao neu po'an abit nanaf, sin mes hen pake bale pilu muti malula. Ka nabe'i fa sin anpake bale pake na'ko pilu manafu leka sin fe anmepu anbi po'an abit nanaf, ai anbi Au Ume nanan.

¹⁸He nati' sin kais anmaputu ma anpuse, sin mes hen pake noso na'ko pilu muti malula.

¹⁹Kalu sin anao neu po'an abit mone, bale to sin nabua, ale Ana' fuat knino nane sin mes napoitan sin bale pake mepu nane, he nati' bale pake le anbeti nateta nane ka neki fa amle'ut neu to.

²⁰Ale Ana' fuat knino ka nabe'i fa hen eu sin anakan monas, ai nafetin sin nakan funu namnanu. Sin nakan funu nane mes hen eu sin natuin lekat lulut le anlek nalali.

²¹Ka nabe'i fa he sin ninu tua mina mtasa leka sin hen tam neu po'an abit nanaf.

²²Ale Ana' fuat knino al nabe'i sin anmafe nok li'feto-li'feto Israel le fe ao temef ai bife banu na'ko Ana' fuat knino. Sin ka nabe'i fa hen mafe nok bife le anmapolin.

²³Ale Ana' fuat knino mes nanoina Au to hen beti nahin me es anbeti nateta neu Kau ma me kahaf, me le aknino natuin lasi knino ma me esle' nalahi.

²⁴Kalu anmu'i matoes talan te napoitan lasi, sin mes naleko nani anmatom nok Au plenat-plenat sin. Sin mes he naliatas fesat-fesat lasi knino, natuin lekat lulut ma Au plenat-plenat sin, ma naliatas Neno Snasat on neno le anbeti nateta neu Kau.

²⁵Ana' fuat knino mese ka nabe'i fa hen ono aon nitu amates, somak aon nitu na'ko in amnasi, in anah, in olif ma in tataf ai in fetof le fe kan mamone fa.

²⁶Leka in naknino anfani, in mes anpao anteni neno hitu fe,

²⁷oke te anao neu po'an Au Ume, ma natulu fua tulu he naknino in aon he nati' in anmepu anteni anbi Au Ume. Au, UISNENO Anesit Afinit ukua ulali Au a'ak.

²⁸Ale Ana' fuat knino nane sin ansimo mepu Ana' fuat knino anfani on pa' neu sin na'ko sa' le anfe neu Israel na'ko batan anao neu batan. Sin ka nabe'i fa hen mu'i sa'-sa' anbi Israel: Au fani maus neu sin.

²⁹Sin mes anmoni na'ko fua tulu ane kase, fua tulu sako sanat, ma fua tulu seka lukit; ma ale sa'-sa' le anbeti nateta neu Kau, mes amfe neu sin.

³⁰Ale Ana' fuat knino mes sin he napeni sa' alekot bainesi na'ko pah in afan ahunut, ma na'ko sa' am sa' le natulu neu Kau. Leka to Israel anmo'e utunu', utunu' ahunut nane neu ale Ana' fuat knino. Onane te of Au fe tetus neu ume-ume Israel.

³¹Kolo ma mu'it-mu'it bian le in anmese anmate kun, ai le mu'it abulalut anpisu, ka nabe'i fa Ana' fuat knino sin anbukae.”