Read Uab Meto YEHEZKIEL 45 Bible Online

YEHEZKIEL 45 - Uab Meto bible

YEHEZKIEL 45

¹Nahunu na'ko pah nane hen bati hen fani pah bale bela neu uf mese-mese, mes hen beti nateta pah pisa mese neu UISNENO. Pah pisa nane in amnanun mes kilometer 12,5, ma in menuan kilometer 10. Pah nane ok-oke in aknino kun.

²Neu Ume UISNENO naloitan bale na'ko nani nane bian si'uf ha, amnanum meter 250 anbi siuf mese-mese ma anbi bale nane mes nafena Ume UISNENO.

³Bian na'ko nani nane, le in amnanun kilometer 12,5, ma in menuan kilometer 5 mes naloitan he nafena Ume UISNENO, esle' bale le aknino le'uf.

⁴Nani nane in knino kun, ma naloitan neu ale Ana' fuat knino le anmepu nanaoba luli besa anbi Ume UISNENO. Bian na'ko nani nane of anfani bale neu sin ume, ma bian anteni neu Ume UISNENO.

⁵Bian anteni na'ko afu nane a'naen kilometer 12,5, ma menuan kilometer 5 mes naloitan neu atoni-atoni Lewi le anmepu anbi Ume UISNENO in nanan. Anbi nane of nahakeb kot-kot anbi nane nabe'i sin natua.

⁶Anbi nani knino nane in aon bian so anbati anteni nani pisa mese anteni le in amnanun kilometer 12,5 ma in menuan kilometer 2,5, he nafena kot mese le nabe'i sekau am sekau na'ko to Israel natua anbine.

⁷Neu akuasat le nanaoba aplenat mes naloitan neu sin nani amsa. Nani nane na'ko nakat neno tesan le anbeti nateta nani neu UISNENO, talan te Tasi Tnana, ma na'ko neno saen bale le anbeti nateta nane, talan te nakat neno saen bale nane. Es nane te in amnanun papmese nok nani pisa mese le anfe nani neu uf-uf Israel in amnanun.

⁸Nani nane anfani akuasat le nanaoba plenat anbi Israel in-ini, he nati' in kais anhamu'i anteni Au to, mes in anfe nani nane in nesin anfani on uf-uf Israel sin ini.

⁹UISNENO Alatan Amnanut nakua a'an nak, “Musnasab ho sanat-sanat sin nai, hoi ale ana' aplenat Israel! Musnasab ale ho taos ho mo'et le kan matom fa nane ma le hom hamu'i to nane. Amtao ma mo'e sa' le namneo ma namnono. Ka nabe'i fa anteni him li'u Au to sin na'ko sin nani. Au, UISNENO Alatan Amnanut Au fe plenat nane neu ki.

¹⁰Ampake nai tai ma su'at le namneo:

¹¹Efa mese neu hen tai bale meto mes in nesan papmese nok bat mese hen su' ale bale oe. In su'at nane mes homer mese. Es nane te, su'at-su'at mes on i: homer mese = efa 10 = bat 10.

¹²Hi su'at nane mes on i: syikal mese = gera 20 mina mese = syikal 60

¹³I anfani on uf su'at he natetab ale fua tulu: 1/60 na'ko ho abul ma ho sekit jawawut: 1/60 na'ko ho abul ma ho sekit mina bub fua mina: 1/100 na'ko ale hau in osan. (Amsu' mituin bat: 10 bat = 1 homer = 1 kor) bibi kase: bibi kase mese na'ko bibi kase 200. Hi mes he mitulu fua tulu ane kase, fua tulu mnotu, ma fua tulu halan, he nati' hi sanat sin masako. Au, UISNENO Anesit Afinit Au es a'fe plenat neu lasi nane.

¹⁶To ok-oke anbi pah in nanan mes neki ale fua tulu nane neu akuasat le nanaoba plenat anbi Israel.

¹⁷In es mes hen sos mu'it neu fua tulu mnotu ma bian anteni neu fua tulu ane kase ma fua tulu tua mina mtasa neu to Israel anbi neno-neno naek. Neno naek Funan Fe'u, Neno naek Neno Snasat ma neno-neno naek bian anteni. In mes he naloitan fua tulu sako sanat, fua tulu ane kase, fua tulu mnotu, ma fua tulu halan hen toti sako sanat neu to Israel.”

¹⁸UISNENO Anesit Afinit nakua In a'an neu In to nak, “Anbi fun mese antam neno mese, so hi miknino Au Ume meki fua tulu bijae keso tipu mese le kan mu'i fa in amle'un.

¹⁹Ana' fuat knino mes naiti na' na'ko fua tulu sako sanat nane, oke te au nose neu ni'nu anba Au Ume in nesu, ma anbi baki fua tulu in susun ha amsa, ma anbi ni'nu anbi eno naek anao neu po'an nanan.

²⁰Amtao ma mo'e onane amsa anbi funan le nane antam neno hitu, neu atoni mese-mese le anmo'e sanat nalali ka nok asafanu ai natuin ka nahin fa. Nok lasi nane hi of ampanat Au Ume in akninon.

²¹Anbi fun mese antam neno bo'es am ha, hi mes he miliatas Fesat Neno naek Paskah. Neno hitu in a'lon atoni ok-oke mes anbukae utunu' le kan pake fa lalu haef.

²²Anbi neno ahunut, akuasat le nanaoba plenat in mes natulu bijae keso mese neu fua tulu sako sanat neu in aon ma neu to ok-oke.

²³Leka fe nanaoba luli besa anbi neno hitu in a'lon nane, anbi neno mese te in mes he natulu neu UISNENO bijae keso hitu ma bibi kase keso hitu le kan mu'i fa in amle'un, oke te notu sin teme-teme. Anbi neno mese te in amsa mes he natulu bibi keso mese neu fua tulu sako sanat.

²⁴Naik na'ko nane in mes natulu ane kase liter 17,5, neu bijae keso mese-mese ma mina bub fua mina liter 3 neu bibi kase keso mese-mese.

²⁵Anbi Neno naek Fesat La' Hau No', le nauba na'ko fun hitu antam neno bo'es am nim, anbi neno hitu in a'lon neno mese-mese te akuasat le nanaoba plenat in mes natulu ale fua tulu le papmese, esle' fua tulu sako sanat, fua tulu mnotu, ma fua tulu ane kase ma mina bub fua mina.”