Read Uab Meto HOSEA 11 Bible Online

HOSEA 11 - Uab Meto bible

HOSEA 11

¹UISNENO nakua a'an nak, “Au nek Israel na'ko afi in fe nabau, Au boin upoitan Au anah le nane anpoi na'ko pah Mesir.

²Mes leka Au boin in piut in na'lobon piut na'ko Kau. In neki fuat ma notu klali neu Baal ma uisneno teta bian.

³Au le i es unoina Israel le nane ma anse' in haen ma nao, ma Au abul an in nok manekat. Au es a'paloli in mes in kan tebes fa.

⁴Au haumakan in neu Kau, eki ale Au manekak. Au ha'kaf ani in nukat, ma Au hao in nok nek mahoe.

⁵Atoni-atoni Israel nane kan lomi fa hen fani nem neu Kau, es nane te so sin nao anfani neu pah Mesir, ma Asyur of naplenat sin.

⁶Makenat of antam antia sin kot-kot sin nanan, ma eno-eno naek of namle'u, ma Au nonot of sin namle'u. Lasi nane anbol natuin sin lomin anmes kun,

⁷ma namanub sin nekan he nati' nasaitan Kau. Of anhamu'i sin, mes of kan mu'i fa es he nati' nafetin sin maski nak sin anbai antoti hen bab sin.”

⁸UISNENO nakua a'an nak, “Hoi Israel, of Au ka ufetin ko ai Au ka usaitan ko. Ai oni Au he ule'un ko onle Nai Adma? Ai Au mo'e ko onle Zeboim? Ka nabe'i fa he nati' Au mo'e lasi nane, natuin Au manekak nane naek neu ko!

⁹Of Au ka kas ko fa anbi Au to'as ma Au maunu in nanan; of Au ka uskuku ko fa anteni. Natuin Au Uisneno Kau ma ka mansian Kau fa: Au, Le Knino Kau, ma of Au ok ko, ma ka uto'an ateni ko fa.”

¹⁰UISNENO nakua a'an nak, “Au to of natuin Kau leka Au anbai onle meo asu ma mo'e sin musu natai. Au to nane of nem na'ko neno tesan neu he nati' nabes neu Kau.

¹¹Na'ko Mesir sin of nem onle kolo, ma na'ko Asyur onle pukan kolo ot kase. Ma of Au eki ufeni sin neu sin ume. Au, UISNENO, es umolok onane.”