Read Uab Meto HOSEA 14 Bible Online

HOSEA 14 - Uab Meto bible

HOSEA 14

¹Samaria of Au kas ani natuin in anlaban Kau. In to nane of anmate anbi makenat in nanan; in anah-anah sin of mahapun, ma ale bife a'aput sin tain of anpe'.”

²Amfani nai neu hi UISNENO, hoi to Israel! Hi sanat sin anmo'e ki anmo'e him pastun ma mitsel.

³Amfani nai neu UISNENO ma mitiab onen totis le i anfani tulu tnatas neune, “UISNENO, amsako kai ale hai sanat sin, ma amsimo man hai onen totis le i, es nane te of haim pules Ko onle afi haim ta'en milali.

⁴Asyur of ka nabe'i fa he nafetin kai, ma bikase makenat nane of kan tuntaku kai fa. Hai of ka mimolok amteni fa neu fatu ma hau mamasa le hai mo'e sin meki hai nimam nak sin le nane hai Uisneno. Koi UISNENO, Ho es amnek atoni-atoni le ka nafnek fa neu sekau am sekau.”

⁵UISNENO nakua a'an nak, “Au to le anbeo, of Au aiti ufani ma Au nek ani eki Au nekak oke; ma of Au ka uto'an ateni fa sin.

⁶Of au fani ulan neu atoni Israel le napetab afu ametos. Sin of anbo onle tuna ma onle aijao le in ba'an ansenon.

⁷Of Sin anmoni ma namlia onle hau sena le anmoni anbi me-me, in masan onle hau saitun ma in fobonan onle hau aijaob.

⁸Of sin anfani nem neu Kau ma of Au uneo ma uhafo sin. Sin athoes nane of ansaton piut, onle ane kase le anmoni anbi afu maafa ma onle lene tua min kase. Sin kanan of mateka onle tua min kase Libanon.

⁹Atoni Israel of anpolin sin hau ma fatu mamasa; of Au panat sin ma utae sin onen totis. Onle hau le in non nate'un, Au of uneo ma uhafo sin. Au le i uf tetus le he fe ani neu sin. Au, UISNENO, es ukua ulali Au a'ak onane.”

¹⁰So nati' ale atoni nek ahinet sin nahin sa' le matui anbi sulat le i, ma anpanat nani. Lekat lulut na'ko UISNENO nane amneot kun, ma atoni le in anmoni nok nek ateb knino of natuin lekat lulut le nane. Mes atoni asanat of kan panat fa talantia in anpastun ma natsel.