Read Uab Meto HOSEA 4 Bible Online

HOSEA 4 - Uab Meto bible

HOSEA 4

¹UISNENO anmu'i lasi nok amaika anbi pah le i. Hoi Israel, amnen nai sa' le In namolok nani, “Anbi pah le i kan mu'i fa nek aki'at ai manekat, ma to nane kan au fa sin nekan neu Kau on sin Uisneno.

²Sin anmoe supat, mes ka natiab nani fa; sin namolok nok poi, sin namate es nok es, sin nabakan, ma anmapaisa. Sin maufinu nane ansato ma nao piut, sin mamaten es nok es piut-piut.

³Es nane te pah le i anfani auf luman, ma ale sa' le anmoni anbine of anmate. Ale mu'it abit neno tnanan, abit pah meto ma tasi of namneku.”

⁴UISNENO nakua a'an nak, “Hoi ale Ana' fuat knino, anmu'i le misanab ai mito'an Au to, natuin hi of es Au usanab ki!

⁵Anbi manas ma fai hi mo'e sanat, onane amsa neu ale Mafefa knino sin. Natuin onane, au of uleum Israel, ho aina.

⁶Hi, Ana' fuat knino, hi kam filoli Kau fa, onane te Au to kan filoli Kau fa talantia Au ule'un sin. Him tite Au noina-noina sin. Es nane te, of Au tite ki, es nane te hi anah-anah sin of Au ka tek fa sin anfani Au Ana' fuat knino sin.

⁷Leka him sato ma mimfau piut, hi sanat nane neu Kau ansato piut amsa, hoi ale Ana' fuat knino! Es nane te of Au ubaina hi monim: Atoni of ka naupab anteni ki fa, mes of sin naakan ki.

⁸Him fani atoni amu'it natuin Au to sin sanat, es nane te him lomi he nati' sin nasanab piut.

⁹Es nane te of hi minukbom onle to! Of Au kas ki namnes nok hi mo'et-mo'et sin.

¹⁰Of hi mipeni mnahat na'ko ale fua tulu le natulu sin, mes of hi mimnah mibalah. Of hi mibes neu smanaf le napokab afu, mes atokos anbi pah of kan sato teni fa natuin hi misaitan milali Kau ma mibes neu uisneno teta bian.”

¹¹UISNENO nakua a'an nak, “Hoi Au to, leko tua min kase mnane tua min kase fe'u naneku nalali ho be'im ho matanim he nati' mutenab nok aomina.

¹²Him toti lekat ma lulut na'ko hau tuka mese! Tias mese naton neu ki ale sa' le him lomi he mihin. Hi onle bife mese le anlomi lasi mapaisa; hi misaitan Kau ma mina'at hi aom neu uisneno teta.

¹³Anbi bale luli besa anbi fatu le'u ma hau le'u anbi nu'af ma tubu sin tunan, hi mitulu fuat, ma motu klali fomeni anbi hau naek sin hafon natuin anbi bale nane hi mihaoftom. Mes in amnekin nane sa' ka? Ho anfeto sin anfani amapaisa ma ho naenfenu anfani bife amapaisa.

¹⁴Mes of Au ka kas fa sin mo'et nane, natuin hi amsa amnao meu ale amapaisa le anmepu anbi fatu lape-fatu lape, ma mibua mok sin ma mitulu fuat neu smanaf uisneno teta. Molok le i namneo antom: ‘Pah le kan mu'i fa hine neu Uisneno nane of natsel.’

¹⁵Hoi hi atoni-atoni Israel, hi ka mi'ki fa neu Kau! Mes Au utenab Yehuda nati' kais anmoe sanat le namnes! Kais naluli nabes anbi Gilgal ai anbi Betel. Kais anmoe supat anbi nane neki UISNENO amonit In kanan.

¹⁶Hi, hoi atoni Israel, hi nak fatu ki matani! Nabe'i ka he Au utuku ki onle bibi kase abit mnela?”

¹⁷To Israel sin anfutun nalali sin nekan neu fatu le'u ma hau le'u. Es nane te mufetin sin.

¹⁸Leka sin anmofu natuin ninu nalali tua min kase, oke te sin mapaisa nok nek malinat. Sin anlomi nesi hen simo si'u na'ko naupab sin.

¹⁹Es nane te of sin namneku onle anin es anfu. Of sin namaebok natuin fuat-fuat le sin natulu nalali neu smanaf-smanaf.