Read Uab Meto HOSEA 6 Bible Online

HOSEA 6 - Uab Meto bible

HOSEA 6

¹Atoni-atoni Israel namolok nak, “Aim he hit atfani neu UISNENO. In es namenab kit, mes In es of naleko kit amsa. In es napapa' kit, mes In es of anpaloli hit papa'-papa' sin.

²Anbi neno nua ai tenu le i In of naleko kit, ma of In naneo ma nahafo kit anbi hit monik.

³Es nane te aim nai nok nek amneot hit tatuin UISNENO In lomin. In of nem neu kit onle manas in pinan, ma onle ulan le anpofi pah pinan leka oefat namsopu.”

⁴Mes UISNENO nakua a'an nak, “Hoi Israel ma Yehuda! Au he moe sa' neu ki? Hi nek maliaba nane neu Kau of namneku labah onle nipu ai akum anbi nok-noka.

⁵Es nane te Au lelu ulali Au Mafefa knino sin he naton neu ki Au lasi fekat neu of Au kas ki ma ule'un ki. Le Au lomi na'ko ki naknino'on nalali:

⁶Au lomi nesin he hi mihin Au salit ma amnek Kau piut, na'ko hi motu ma mitulu fua tulu neu Kau.

⁷Mes onle Nai Adam, hi misuan hi lasi manta'en mok Kau.

⁸Gilead nane kot le nahenu nok maufinu ma malolot.

⁹Ale ana' fuat anbi kot nane onle pukan asikat le an eka atoni le sin nao natuin bale nane. Anbi lanan le nao natuin bale knino Sikhem amsa anmu'i malolot anbine! Nok nek be'et sin anmoe maufinu nane.

¹⁰Anbi Israel Au it lasi mese le neki amtaus esle': Au to nalahib sin monin natuin sin naluli nabes neu fatu le'u ma hau le'u.

¹¹Neu ki, hoi atoni Yehuda, Au lek ma lulu ulali tabu neu he nati' Au kas ki amsa natuin hi taos ma hi mo'et sin.”