Read Uab Meto AMOS 8 Bible Online

AMOS 8 - Uab Meto bible

AMOS 8

¹Au upeni mnitas mese anteni na'ko UISNENO Anesit Afinit. Au it ki'u mese le nahenu nok hau fua le namnatu.

²UISNENO natoti kau nak, “Ho mit sa' ka, Amos?” Au utae ak, “Au it ki'u mese le matua nok hau fua le namnatu.” UISNENO nak, “To Israel in tabu antia nalali. Of Au ka ubaina fa Au salit anteni ma namneo of Au kas sin.

³Anbi tabu le nane sit pules anbi sonaf-sonaf of anfani kaet kulut. Aon nitu of mapolin anbi me-me nok amnes-amnes.”

⁴Amnen nai, hoi hi le misusu' atoni amamu'it talante sin anmoni nok nukat ma susal.

⁵Hi mimolok neu hi aom mak, “Lo matani kun neno ekut buat nane lo in lo le'uf kun. Hit atsali he tasosa tani hit ane kase lab-labah, mes neno naek le i ka oke nit fa. Of leka ka Neno Sabat nane namsopu, he nati' hit tasosa ateni? Hit lomi het lakan, ma atfuli teki su'at ma tapoibok teki atnais.

⁶Ane kase le namle'u hit tasosa nok upa naek. Hit tami atoni amamu'it le kan baen nabe'i fa sin tusa', maski nak tusa le nane alkun neu peni haef pasan mese in upan, ma hit atsostan sin anfani hit ate.”

⁷UISNENO, atoni Israel sin Uisneno, naiti nani han sukat nak, “Of Au ka nikan fa sin mo'et maufinu le nane.

⁸Pah pinan of anlilitai ma ale atoni of nasusab sin nekan. Ale pah anfun natef of anainun ma of an oki on Noe Nil.

⁹Antia in tabu of manas antes anbi neno namtetu ma pah pinan of namesok anbi tabu manas. Au, UISNENO Anesit Afinit, es ukua ulali Au a'ak onane.

¹⁰Ho ekut buat sin of Au ubaina anfani buat susal ma ho sit-sit sin anfani kaet kulut. Hi nakan nafun of maeu' ma of him pake kalo anfani taka' neu hi nek tu'as. Of him fani onle amaf ma ainaf le sin ankae natuin sin anah mese la anmate. Neno nane of namsopu neki nek tu'as ma susal.”

¹¹UISNENO Anesit Afinit nakua a'an nak, “Antia in tabu of Au usanut snama amnahas neu pah le i. Atoni of namnah, mes ka namnahan fa amnahat. Atoni of anmeno, mes kan menon fa oe. Sin namnahan ma anmenon Au fef ba'an.

¹²Atoni of anfun natef na'ko neno kabenan a'li neu kabenan ne'u ma na'ko neno saet neu neno tesan he naeku nok Au fef ba'an nane mes of sin ka naeku nokan fa.

¹³Anbi neno le nane ale atoni munif ma ale aomina sin of sin natselan natuin sin anmenon.

¹⁴Atoni-atoni le naiti sukat natuin uisneno teta Samaria le namolok nak, ‘Natuin uisneno teta uf Dan’, ai ‘Natuin uisneno teta Bersyeba’ — of sin natselan ma kan fen anteni fa.”