Read Uab Meto BILANGAN 1 Bible Online

BILANGAN 1 - Uab Meto bible

BILANGAN 1

¹Anbi neno mese fun nua anbi ton nua leka atoni Israel sin nasaitan nalali Mesir, UISNENO nakua a'an neu Nai Musa anbi Um-ume UISNENO anbi mnela snaen Sinai. In nakua a'an nak,

²“Ho ma Nai Harun mes hem so'i smanaf to Israel ok-oke, natuin nonot ma ume mese-mese. Anmo'e sul kanaf,

³atoni ok-oke le ton bo'nua nekin sae le nabe'i hen fani solalus. Mes amtui sin natuin sin pukan mese-mese.

⁴Na'ko uf mese-mese, amtoti kanaf mese hen tuntaku ki.”

⁵Le i kanaf atoni-atoni le anbeti sin na'ko nonot hen tuntaku Nai Musa ma Nai Harun ma le anfani nakaf neu uf mese-mese, esle': [Uf] — [Nakaf] Nai Ruben — Nai Elizur Nai Syedeur anah Nai Simeon — Nai Nai Selumiel Nai Zurisyadai anah Nai Yehuda — Nai Nahason Nai Aminadab anah Nai Isakhar — Nai Netaneel Nai Zuar anah Nai Zebulon — Nai Eliab Nai Helon anah Nai Efraim — Nai Elisama Nai Amihud anah Nai Manasye — Nai Gamaliel Nai Pedazur anah Nai Benyamin — Nai Abidan Nai Gideoni anah Nai Dan — Nai Ahiezer Nai Amisyadai anah Nai Asyer — Nai Pagiel Nai Okhran anah Nai Gad — Nai Elyasaf Nai Rehuel anah Nai Naftali — Nai Ahira Nai Enan anah

¹⁷Nok tuntakus na'ko atoni bo'es am nua le nane, Nai Musa ma Nai Harun

¹⁸anlenu nonot Israel ok-oke nabuan anbi neno mese fun nua, oke te sin tu'an ma sin naon antui natuin asal nonot anbi uf mese-mese. Kanaf na'ko ale atoni le ton bo'nua nekin sae antui sin ma anso'i sin,

¹⁹onle UISNENO naplenat nani. Ale nane ok-oke Nai Musa anmo'e nani anbi mnela snaen Sinai.

²⁰Ale atoni le ton bo'nua nekin sae le nabe'i anfani solalus, antui sin kanken natuin asal nonot ma ume mese-mese, naubon na'ko Nai Ruben, Nai Yakub anmone nae talante Nai Naftali. Sin amfauken esle' i: [Uf] — [Atoni amfaun] Nai Ruben — 46.500 Nai Simeon — 59.300 Nai Gad — 45.650 Nai Yehuda — 74.600 Nai Isakhar — 54.400 Nai Zebulon — 57.400 Nai Efraim — 40.500 Nai Manasye — 32.200 Nai Benyamin — 35.400 Nai Dan — 62.700 Nai Asyer — 41.500 Nai Naftali — 53.400 Ok-oke — 603.550

⁴⁷Atoni Lewi kan tui fa sin nok uf-uf bian,

⁴⁸natuin UISNENO nakua nalali a'an neu Nai Musa nak,

⁴⁹“Anbi tabu hom tui kanaf atoni-atoni le nabe'i hen fani solalus, uf Nai Lewi ka nabe'i fa hem tui sin.

⁵⁰Amlenu sin he nabalab Au Um-ume nok ale in bale' sin. Sin mepu esle' anloi Au Um-ume nok ale in bale' sin ma nabalab nani. Sin mes antao sin um-ume anfun natef nan Au Um-ume.

⁵¹Leka hi mitnani, atoni-atoni Lewi nane sin mes anpukai Au Um-ume, oke te antao nafani anbi bale me le nahakeb um-ume fe'u. Naik na'ko sin sekau esle' anhaumak Um-ume nane mes namate nani.

⁵²Atoni-atoni Israel bian mes nahakeb sin um-ume pukan-pukan, es-es anbi kun sin pukan kun nok anfun natef nan sin pen-pene.

⁵³Mes atoni-atoni Lewi mes nahakeb sin um-ume anfun natef nan Au Um-ume. Sin mes hen panat he nati' kan mu'i fa atoni le anhaumak nani talante antao ma anmo'e Kau Au uto' ma kas nonot Israel.”

⁵⁴Mes atoni Israel sin antao ma anmo'e ale lasi le UISNENO anlenu ma naplenat nani neu Nai Musa.