Read Uab Meto BILANGAN 13 Bible Online

BILANGAN 13 - Uab Meto bible

BILANGAN 13

¹UISNENO nakua a'an neu Nai Musa nak,

²“Na'ko uf Israel mese-mese ansonu mese na'ko ale sin nakaf he nati' sin natnu' pah Kanaan le of Au fe neu atoni Israel.”

³Fun anmatom nok plenat Uisneno nane, Nai Musa ansonu sin na'ko mnela snaen Paran. Ale atoni nane sin anakaf kun anbi atoni Israel sin: [Uf] — [Nakaf] Ruben — Nai Syamua Nai Zakur anmone Simeon — Nai Safat Nai Hori anmone Yehuda — Nai Kaleb Nai Yefune anmone Isakhar — Nai Yigal Nai Yusuf anmone Efraim — Nai Hosea Nai Nun anmone Benyamin — Nai Palti Nai Rafu anmone Zebulon — Nai Gadiel Nai Sodi anmone Manasye — Nai Gadi Nai Susi anmone Dan — Nai Amiel Nai Gemali anmone Asyer — Nai Nai Setur Nai Mikhael anmone Naftali — Nai Nahbi Nai Wofsi anmone Gad — Nai Guel Nai Makhi anmone

¹⁶Nane ale atnu'us le Nai Musa ansonu sin he natnu' pah nane. Nai Hosea Nai Nun anmone, Nai Musa anseka in kanan anfani Nai Yosua.

¹⁷Leka Nai Musa anlenu sin anao, sin anba'an sin nak, “Amnao nai amsali bian a'li, amsali pah Kanaan bian a'ne'u, oke te amnao piut meu bale pah neten.

¹⁸Amtae milek-leko pah nane in onme, in tuaf sin namfau ai kahaf, ai sin atoni abe'it ai sin alima'et.

¹⁹Amtae milek-leko amsa pah nane naleko ai kahaf, ma sin tuaf sin natua anbi kuan-kuan le ka naninbon fa ai sin natua anbi kot le mabaki lape.

²⁰Mihelan hi nekam. Amkiso sin pah nane pah maafa ka ma pah nane anmu'i hau namfau ka. Kais amnikan leka him fani aim hi meki kit hau fua akle'o le anmoni anbi pah nane.” Tabu nane tabu ahunut hau tua min kase in nafua.

²¹Ma atoni-atoni nane sin anao neu bian a'li ma antae nalek-leko pah nane nauba na'ko mnela snaen Zin anbi bian a'ne'u nao neu bian a'li antia kot Rehob, anhaumak lanan nao neu Hamat.

²²Ahun-hunut sin nao neu bian a'ne'u pah nane ma sin nem antia kot Hebron, bale atoni Ahiman, Sesai ma Talmai, Nai Enak in sanut mofut sin natua anbine. Nahakeb kot Hebron ton hitu nahun na'ko kot Zoan anbi Mesir fe ka nahakeb fa.

²³Oke te sin nem antia Eskol. Anbi nane sin anlefi nan hau tua min kase in fuan toef mese le ma'fen le'uf kun, talante sin nasaeb neu hau uf mese ma atoni sin anloi. Sin amsa neki lin kase fuan fua fauk

²⁴ma bub fua mina in fuan amsa. Bale nane antek nak Anonof Eskol natuin toef tua min kase in fuan le atoni Israel anlefi nan anbi nane.

²⁵Leka sin antae nalek-leko pah nane neno bo'ha in a'lon, ale atnu'us nane sin nekin fanin

²⁶ma sin natiaba ale lasi nane neu Nai Musa, Nai Harun ma neu to Israel le fe sin nabuan anbi Kades, mnela snaen Paran. Sin nanu'un ale sa' le sin nit nalali ma sin nalile ale hau fua le sin neki.

²⁷Sin nak neu Nai Musa nak, “Haim kiso milek-leko pah nane milalien ma hai mit nak pah nane maafa ma namlia, ma i hau fua akle'o le hai meki na'ko bale nane.

²⁸Mes kot nane in tuafen abe'it ma matani kun. Sin kot anae ma mabaki lape. Oke anteni amsa, hai mit atoni-atoni anbi nane sin sanut mofut na'ko atoni-atoni anae le'uf sin.

²⁹Atoni Amalek sin natua anbi pah nane bian a'ne'u; atoni Het, Yebus ma Amori sin natua anbi bale neten; ma atoni Kanaan sin natua anbi tasi ninen ma anbi Noe Yordan ninen.”

³⁰Mes Nai Kaleb in anfe nek tainine neu atoni-atoni le ansakoi neu Nai Musa. Nai Kaleb nak, “Pah nane hit mes tape' ma mes hit tasik tani anbi tabu i amsa, natuin hit tabe'i matani neu het be'u sin.”

³¹Mes atoni-atoni le sin anfani nem nok Nai Kaleb nane sin nak, “Kahaf, hit ka nabe'i fa het laban sin. Tuafen pah nane sin nabe'i nesin kit.”

³²Oke te sin nanu'un nu'un amoel neu atoni Israel antom pah le sin natnu' nalali nane. Sin nak, “Pah nane nahenu nok lasi amle'ut nae le'uf, nes-nesi tuafen pah nane. Atoni-atoni le hai mit sin anbi nane sin aoken nae le'uf kun.

³³Namneo hai mit atoni-atoni le sin nae leufen, sin le nane sanut mofut atoni Enak. Tanes'ok tok sin, haim naben hai onle fokat, ma namneo sin ankiso kai onle nane.”