Read Uab Meto BILANGAN 2 Bible Online

BILANGAN 2 - Uab Meto bible

BILANGAN 2

¹UISNENO nakua a'an neu Nai Musa ma Nai Harun nak:

²“Anbi tabu atoni Israel nahakeb sin um-ume, anfun natef nan sin uf sin pen-pene nok asal nonot sin takaf kun. Ale um-ume nane mes nahakeb nani anfun natef nan Au Um-ume, mes na'ko akle'o na'kon.”

³Anbi neno saen, le naneo ma nahaofton anbi pen-pene uf Yehuda sin mes anmo'e um-ume matom nok sin to pukan nok sin anakaf mese-mese le anlek ma anlulu sin on i: [Uf] — [Nakaf] — [Atoni amfaun] Yehuda — Nai Nahason Nai Aminadab anah — 74.600 Isakhar — Nai Netaneel Nai Zuar anah — 54.400 Zebulon — Nai Eliab Nai Helon anah — 57.400 — Ok-oke: — 186.400 To pukan Yehuda sin mes anfen ma sin nao nahun.

¹⁰Anbi bian a'li, solalus le naneo ma nahaofton anbi pen-pene uf Ruben, sin mes anmo'e um-ume matom nok sin anakaf mese-mese le anlek ma anlulu sin on i: [Uf] — [Nakaf] — [Atoni amfaun] Ruben — Nai Elizur Nai Syedeur anah — 46.500 Simeon — Nai Selumiel Nai Zurisyadai anah — 59.300 Gad — Nai Elyasaf Nai Rehuel anah — 45.650 — Ok-oke: — 151.450 Uf Nai Ruben sin mes anfen ma sin nao on to pukan le nua.

¹⁷Namuni te, anbi solalus Israel sin atnenken ok-oke, uf Nai Lewi sin nao nok ma anloi Um-ume UISNENO. Onle sin antao ma anmo'e um-ume, onane amsa sin anao, es-es anbi sin balan natuin sin pen-pene mese-mese.

¹⁸Anbi neno tesan, solalus sin naneo ma nahaofton anbi pen-pene uf Efraim, sin mes anmo'e um-ume matom nok sin to pukan nok sin anakaf mese-mese le anlek ma anlulu sin on i: [Uf] — [Nakaf] — [Atoni amfaun] Efraim — Nai Elisama Nai Amihud anah — 40.500 Manasye — Nai Gamaliel Nai Pedazur anah — 32.200 Benyamin — Nai Abidan Nai Gideoni anah — 35.400 — Oke-oke: — 108.100 Uf Efraim sin mes anfen ma sin nao natuin uf Lewi kotin.

²⁵Anbi bian a'ne'u, solalus le naneo ma nahaofton anbi pen-pene uf Dan mes anmo'e um-ume matom nok sin to pukan nok sin anakaf mese-mese le anlek ma anlulu sin on i: [Uf] — [Nakaf] — [Atoni amfaun] Dan — [Nai Ahiezer Nai Amisyadari anah] — 62.700 Asyer — [Nai Pagiel Nai Okhran anah] — 41.500 Naftali — [Nai Ahira Nai Enan anah] — 53.400 — Ok-oke: — 157.600 Uf Dan sin mes anfen ma sin nao namuni on amsoput.

³²To Israel le antui sin kanan sin amfauken ok-oke natuin uf mese-mese, esle' atoni 603.550

³³Onle UISNENO anfe plenat neu Nai Musa, atoni Lewi kan tui fa sin kanken nok atoni-atoni Israel bian.

³⁴Atoni Israel antao ma anmo'e ale plenat le UISNENO anfe nani neu Nai Musa. Mese-mese sin anmo'e sin um-ume anfun natef nan sin pen-pene, ma sin anfen ma sin nao natuin uf mese-mese ma asal nonot mese-mese.