Read Uab Meto BILANGAN 22 Bible Online

BILANGAN 22 - Uab Meto bible

BILANGAN 22

¹Nalali te to Israel sin anfen ma anao anteni ma nahakeb sin um-ume anbi mnela Moab, anbi pah Noe Yordan aon bian, anhaumak kot Yerikho.

²Leka kesel Moab le in kanan Nai Balak, Nai Zipor anmone, in nen neu onme to Israel antao ma anmoe nalali atoni Amori, ma neu atoni Israel sin amfaun matani, in ma in to ok-oke sin namtau.

⁴Oke te atoni Moab nak neu mnasi-mnasi atoni Midian nak, “Ka lo fa anteni atoni pukan amfaun nane of sin neku nani ale hit sa'-sa' funam natef hit pah onle bijae neku hun anbi mnela.” Ma Kesel Nai Balak

⁵ansonu haef he no'en Nai Bileam, Nai Beor anmone, le natua anbi kot Petor anhaumak Noe Efrat anbi pah Amau. Anlenu sin he natiaba neu Nai Bileam a'at na'ko Nai Balak nak, “Ho muhin, neu anmu'i uf mese sin nem na'ko Mesir; in atoni-atoni sin nao neu me-me ma sin nape' hai pa.

⁶Sin nabe'i nesein kai. Es nane te, aum nai! Amfe sukat neu sin natuin au. Oni nabe'i hai mis ma ambe'u sin ma amle'u sin na'ko pah le i. Natuin au uhin atoni le hom fe neu sin tetus of sin napeni tetus, ma atoni le hom fe neu sin kasat of sin napeni kasat.”

⁷Ma ale ana' fuat atoni Moab ma Midian nane sin anao ma sin neki upa' neu Nai Bileam he nati' in anlomi hen sukat atoni Israel. Leka sin nem antia Nai Bileam, sin natiaba neu in Kesel Nai Balak in fef ba'an.

⁸Nai Bileam nak neu sin nak, “Amtup nai ambi i. Noka fa of au utiab neu ki sa' le UISNENO naton neu kau.” Ale amnasi Moab nane sin namaika anbi Nai Bileam in balan.

⁹Oke te Uisneno nem neu Nai Bileam ma natoti in nak, “Sekau ka esle' atoni-atoni nane le sin natua anbi ho balam, Bileam?”

¹⁰Nai Bileam in natae nak, “Sin le nane haef na'ko Kesel Nai Balak sin nem na'ko Moab le sin neki hanaf

¹¹nak uf mese le nem na'ko Mesir sin nasan'ok anbi me-me. Kesel Nai Balak anlenu kau he nati' au sukat uf nane neu in, he nati' in anmaken nok sin ma anli'u sin.”

¹²Uisneno nakua a'an neu Nai Bileam nak, “Kais hom nao mok atoni-atoni nane, ma kais hom sukat uf nane, natuin Au fe ulali tetus neu sin.”

¹³Noka fa onane te Nai Bileam nak neu ale haefen Nai Balak nane nak, “Amfani nai, UISNENO ka nafetin kau fa he nati' au nao ok ki.”

¹⁴Onane te sin anfani neu Nai Balak ma sin natonan in neu Nai Bileam kan lomi fa he nem bua'-bua' nok sin.

¹⁵Oke te Nai Balak ansonu haef namfau nesi anteni ma le sin makana nesi anteni na'ko le ahunut sin.

¹⁶Sin natiaba neu Nai Bileam han totis i na'ko Nai Balak nak, “Au toti ko nok matani: aum nai, ma kais amtite au han totis.

¹⁷Of au fe neu ko baen anae le'uf, ma au tao ma moe ale sa' le ho muton neu kau. Aum nai, ma amsukat uf nane neu kau.”

¹⁸Mes Nai Bileam in natae nak, “Maski ale noni muti ma mnatu le anbi Kesel Nai Balak in sonaf anbaen nani oke neu kau, au ka nabe'i fa he tanhai plenat UISNENO, le au ululi ma ubes neune. Maski anbi lasi le an-ana amsa ka nabe'i fa he au laban.

¹⁹Mes leko him tup ambi i onle afi amneki haef ahunut sin anmoe. Au lomi he uhin ai fe anmu'i sa' le UISNENO he naton neu kau.”

²⁰Anbi fai nane Uisneno nem neu Nai Bileam ma nakua a'an nak, “Atoni-atoni nane sin nem ma antoti ko he hom nao mok sin. Es nane te muloitan nai he hom nao. Mes amtao ma amoe ale sa' le naplenat neu ko.”

²¹Noka fa onane te Nai Bileam na'peni in bikase luke mnanu, oke te in nao nok ale anakaf Moab nane.

²²Mes leka Nai Bileam in anao, Uisneno nato'. Leka Nai Bileam in fe ansae neu in bikase luke mnanu, atuthaes nua natuin in, ahake UISNENO anhake anbi lanan atnanan ma an eka in.

²³Leka in nit ahake neno tunan anhake anbi nane nok suni le nosu nani anbi in niman, bikase luke mnanu nane anbeo na'ko lanan, ma nabain'on anao kun neu lene. Nai Bileam antepo bikase luke mnanu nane ma neki nafani in neu lanan.

²⁴Nalali te ahake UISNENO anhake anbi lanan malelat, anbi lene tua min kase nua sin atnanan nok baki lape bian am bian.

²⁵Leka bikase luke mnanu nane nit ahake UISNENO, in anbeo talante anhapi Nai Bileam haen neu baki lape. Nai Bileam antepo anteni bikase luke mnanu nane.

²⁶Oke te ahake UISNENO natnani, ma anhake anbi bale malel le'uf kun talante kan mu'i fa lanan neu hen fini anbi a'li ai anbi a'ne'u.

²⁷Leka nit ahake UISNENO, bikase luke mnanu nane in antup. Nai Bileam nato' ma antepo bikase luke mnanu nane neki in tias.

²⁸Oke te UISNENO anmoe bikase luke mnanu nane namolok. Mu'it nane nak neu Nai Bileam nak, “Au moe sa' neu ko Usi talante Usi meso kau antia hae tenu?”

²⁹Nai Bileam natae nak, “Ho mumaeba kau! Kalu anmu'i suni anbi kau namneo au umate ulali ko!”

³⁰Bikase luke mnanu natae nak, “Ait au le i Usif ho bikase luke mnanu kau le lo leufen Usif hom sae meu kau? Ait au laban it au Usif ko ka?” “Kahaf,” Nai Bileam natae.

³¹Oke te UISNENO anmoe Nai Bileam nabe'i in nit ahake UISNENO anhake anbi nane nok suni le nosu nani anbi in niman. Nok labah Nai Bileam anmofu ansanu neu nain ma in nabes.

³²Ahake UISNENO natoti in nak, “Nansa' hom meso ho bikase luke mnanu antia hae tenu? Au aum he tu' ma eka ko, natuin Au utenab, ka leko fa he hom nao.

³³Anbi tabu ho bikase luke mnanu nit Kau, in anbeo hae tenu. Kalu kahaf, Au umate ulali ko, mes ho bikase luke mnanu nane Au ufetin.”

³⁴Nai Bileam natae nak, “Au usanab ulalien. Au ka uhin fa neu Usi hom hake ambi lanan atnanan neu hem tu' ma ameka kau. Mes tabu le i, kalu natuin Usi ho tenab ka nabe'i fa he au ufinib ma ukonob au naot le i, of au nao fani.”

³⁵Mes ahake UISNENO nak, “Mutuin kau nai mok atoni-atoni le nane. Mes al ho muton sa' le Au lenu ko he muton.” Ma Nai Bileam anao anfini nok Nai Balak in haefen nane.

³⁶Leka Nai Balak in nen nak Nai Bileam of in nem, in nao ma ansenu Nai Bileam anbi kot Moab, le anbi Noe Arnon ninen, nakat nok pah Moab.

³⁷Nai Balak nak neu in nak, “Nansa' ho ka aum fa anbi tabu au boin ko anbi hae ahunut? Ai ho mutenab mak au ka ube'i fa he baen ho upa' ka?”

³⁸Nai Bileam natae nak, “Nah, tabu i au aum ulalien. Mes au ka mu'i fa kuasat he u'uab sa' amsa al sa' la Uisneno anlenu he au uton.”

³⁹Nai Bileam nok Nai Balak sin anao neu kot Huzot.

⁴⁰Anbi nane Nai Balak natulu bijae fauk-fauk ma bibi kase. Sisi bian anfe neu Nai Bileam ma ale anakaf le nabua nokin.

⁴¹Noka fa onane te Nai Balak neki Nai Bileam ansae neu tubu Bamot Baal. Na'ko nane Nai Bileam ankiso nit to bian na'ko nonot Israel.