Read Uab Meto BILANGAN 26 Bible Online

BILANGAN 26 - Uab Meto bible

BILANGAN 26

¹Leka lasi amle'ut nane namsopu, UISNENO nakua a'an neu Nai Musa ma Nai Eleazar, Ana' fuat knino Nai Harun anmone nak,

²“Hi mes amso'i to Israel ok-oke natuin na'ko ume mese-mese. Ale atoni le ton bo'nua nekin sae le nabe'i anfani solalus, mes amtui mani sin.”

³Nai Musa ma Nai Eleazar sin nanaoba plenat nane. Sin no'en ale atoni le ton bo'nua nekin sae ma nibun nabuab sin anbi mnela Moab anbi Noe Yordan aon bian, anhaumak kot Yerikho. Le i atoni-atoni Israel na'ko Mesir:

⁴

⁵Na'ko uf Nai Ruben, Nai Yakub anmone nael: Ume Nai Henokh, Nai Palu,

⁶Nai Hezron ma Nai Karmi.

⁷Atoni anbi um-ume toko nane sin amfaun 43.730.

⁸Nai Palu in anah es Nai Eliab,

⁹ma Nai Eliab in anah sin es Nai Nemuel, Nai Datan ma Nai Abiram. Nai Datan ma Nai Abiram nane to anbeti nalali sin, mes sin nabua nok atuin-atuin Nai Korah sin anlaban Nai Musa ma Nai Harun ma anlaban UISNENO.

¹⁰Oke te nain natfai ma an olo nan sin talante sin anmate nabua nok Nai Korah ma in atuin-atuin sin leka ai nale'un atoni 250. Lasi nane anfani lasi mnaut neu to Israel.

¹¹Mes Nai Korah in anah-anah sin ka namate fa sin.

¹²Na'ko uf Simeon: Ume Nai Nemuel, Nai Yamin, Nai Yakhin,

¹³Nai Zerah ma Nai Saul.

¹⁴Atoni anbi ume-ume toko nane sin amfaun 22.200.

¹⁵Na'ko uf Gad: Ume Nai Zefon, Nai Hagi, Nai Syuni,

¹⁶Nai Ozni, Nai Eri,

¹⁷Nai Arod ma Nai Areli.

¹⁸Atoni anbi ume-ume toko nane sin amfaun 40.500.

¹⁹Na'ko uf Yehuda: Ume Nai Syela, Nai Peres, Nai Zerah, Nai Hezron ma Nai Hamul. Nai Yehuda anmu'i anah nua, es Nai Er ma Nai Onan sin anmate anbi pah Kanaan.

²⁰

²¹

²²Atoni anbi ume-ume toko nane sin amfaun 76.500.

²³Na'ko uf Isakhar: Ume Nai Tola, Nai Pua,

²⁴Nai Yasub ma Nai Simron.

²⁵Atoni anbi ume-ume toko nane sin amfaun 64.300.

²⁶Na'ko uf Zebulon: Ume Nai Sered, Nai Elon ma Nai Yahleel.

²⁷Atoni anbi ume-ume toko nane sin amfaun 60.500.

²⁸Na'ko Nai Yusuf in sufan, le anmu'i anmone nua: Uf Manasye ma uf Efraim.

²⁹Na'ko uf Manasye: Nai Makhir, Nai Manasye anmone, nane Nai Gilead amaf; ma ume-ume toko i nane Nai Gilead in sufan sin.

³⁰Ume Nai Iezer, Nai Helek,

³¹Nai Asriel, Nai Sekhem,

³²Nai Semida na Nai Hefer.

³³Nai Zelafehad Nai Hefer anmone, in kan mu'i fa anmone, al anfeto. Sin kankenu bi Mahla, bi Noa, bi Hogla, bi Milka ma bi Tirza.

³⁴Atoni anbi ume-ume toko nane sin amfaun 52.700.

³⁵Na'ko uf Efraim: Ume Nai Sutelah, Nai Bekher, ma Nai Tahan.

³⁶Ume Nai Eran nane Nai Sutelah in sufan.

³⁷Atoni anbi ume-ume toko nane sin amfaun 32.500. Nane ume toko na'ko Nai Yusuf in sufan.

³⁸Na'ko uf Benyamin: Ume Nai Bela, Nai Asybel, Nai Ahiram,

³⁹Nai Sefufam ma Nai Hufam.

⁴⁰Ume Nai Ared ma Nai Naaman nane Nai Bela in sufan.

⁴¹Atoni anbi ume-ume toko nane sin amfaun 45.600.

⁴²Na'ko uf Dan: Ume Nai Suham.

⁴³Atoni anbi ume toko nane sin amfaun 64.400.

⁴⁴Na'ko uf Asyer: Ume Nai Yimna, Nai Yiswi ma Nai Beria.

⁴⁵Ume Nai Heber ma Nai Malkiel nane Nai Beria in sufan.

⁴⁶Nai Asyer anmu'i anfeto mese kanan bi Serah.

⁴⁷Atoni anbi ume toko nane sin amfaun 53.400.

⁴⁸Na'ko uf Naftali: Ume Nai Yahzeel, Nai Guni,

⁴⁹Nai Yezer ma Nai Syilem.

⁵⁰Atoni anbi ume-ume toko nane sin amfaun 45.400.

⁵¹Atoni Israel ok-oke sin amfaukenu 601.730.

⁵²UISNENO nakua a'an neu Nai Musa nak,

⁵³“Ambati pah nane neu uf-uf to Israel natuin uf mese-mese sin amfaukenu.

⁵⁴Anmo'e lasi nane nok lanan amhel sulat. Neu uf le amfaukenu anaek hom fe neu sin pa' le anaek, ma neu uf le nabau, hom fe neu sin pa' le nabau.”

⁵⁵

⁵⁶

⁵⁷Uf Lewi sin maso'ik na'ko ume Nai Gerson, Nai Kehat ma Nai Merari.

⁵⁸Anbi sin sufan nane nok ume Nai Libni, Nai Hebron, Nai Mahli ma Nai Musi ma Nai Korah. Nai Kehat amaf es Nai Amram.

⁵⁹Nai Amram in fenai bi Yokhebed, Nai Lewi anfeto. Bi Yokhebed nane nahonis in anbi Mesir. Nai Amram ma bi Yokhebed sin anmu'i anmone nua: Nai Harun ma Nai Musa, ma in anfeto mese, kanan bi Miryam.

⁶⁰Nai Harun anmu'i anmone ha: Nai Nadab, Nai Abihu, Nai Eleazar ma Nai Itamar.

⁶¹Nai Nadab ma Nai Abihu sin anmate leka sin natulu ai le Uisneno kan lomi fa.

⁶²Atoni na'ko uf Lewi na'ko funan mese nekin sae sin amfaun 23.000. Antui naikan sin na'ko atoni-atoni na'ko sin nonot natuin sin ka napeni fa nain pa' bela mnasi anbi Israel.

⁶³Nane sul so'i amnaf le Nai Musa ma Ana' fuat knino Nai Eleazar anmo'e neu atoni Israel leka sin anso'i smanaf anbi mnela Moab anbi Noe Yordan ninen anhaumak kot Yerikho.

⁶⁴Na'ko atoni-atoni le afi Nai Musa ma Nai Harun anso'i sin anbi mnela snaen Sinai katit fa es amsa le fe anmoni.

⁶⁵UISNENO nakua nalali a'an nak sin al sin of anmate anbi mnela snaen. Ma namneo sin anmate ok-oke, al Nai Kaleb Nai Yefune anmone ma Nai Yosua Nai Nun anmone.