Read Uab Meto BILANGAN 35 Bible Online

BILANGAN 35 - Uab Meto bible

BILANGAN 35

¹Anbi mnela Moab, anbi Noe Yordan ninen, anhaumak kot Yerikho, UISNENO nakua a'an neu Nai Musa nak,

²“Mutiaba nai neu to Israel mak na'ko pah bale bela le of sin ansimo nane fauk-fauk na'ko in kot nok mnela hun anfun natef mes sin anfe neu atoni Lewi he nati' sin natua anbi nane.

³Kot-kot nane anfani atoni Lewi sin ini neu bale he sin natua. Mnela hun anfun natef nane neu mu'it ma ale sin mu'it ok-oke.

⁴Mnela hun nane in menuan meter 450 funam natef, anleti na'ko baki lape kot.

⁵Pah atoni Lewi in kabenan ha sin papmese, le maleti meter 900 kabenfes nok in kot anbi atnanan.

⁶Neu atoni Lewi mes hi amfe neu sin kot ne anteni on bale mnaenat neu atoni-atoni le ka nok asafanu namate atoni bian. Neu atoni Lewi amsa mes amfe neu sin kot bo'ha am nua bian anteni nok in mnela hun.

⁷Es nane te amfaun bua'-bua' kot bo'ha am fanu neu atoni Lewi.

⁸Kot-kot Lewi amfaun anbi pah mese-mese uf Israel mes anlek natuin kot in amfaun ma pah nane in anaen.”

⁹UISNENO anlenu Nai Musa nak,

¹⁰mutiaba neu to Israel a'at i, “Leka hi amlak milali Noe Yordan ma amtam meu pah Kanaan,

¹¹hi mes mitetab kot-kot aninit he nati' atoni-atoni le ka nok fa asafanu namate atoni bian, nabe'i in naen neu bale nane.

¹²Anbi kot-kot nane atoni nane of antainine na'ko biaf benuf amates nane le hen seunbanin neki to'es. Natuin atoni le natlak natuin namate atoni bian, ka nabe'i fa he namate leka in lasi fe ka nafek anbi buat laef lasi sin matan.

¹³Mitetab nai kot aninit ne,

¹⁴tenu anbi Noe Yordan aon neno saen ma tenu anteni anbi pah Kanaan.

¹⁵Kot ne eun nane anfani kot aninit neu ki, atoni Israel, ma neu atoni anao amnemat le natua nabala nok ki anbi hi sonam hi atnanam. Sekau am sekau le namate atoni bian ka nok asafanu, nabe'i in naen neu kot mese na'ko kot-kot nane,

¹⁶Ma leka atoni anpake besi aikan ai fatu ai hau he namate atoni bian, atoni nane atoni amate atoni; in nasanab ma mes namate in.

¹⁹Biaf-benuf le anhaumak nok atoni amates nane nabe'i in nanaoba lasi tfeka lasi maten nane. Leka in natef nok atoni a'otes nane, in nabe'i namate in.

²⁰Leka atoni mese in an unto'an neu atoni bian, oke te namate in natuin neson natupa in ai anpolin sa' es neune,

²¹ai neso in neki in niman kabubun, atoni nane atoni amate atoni; in nasanab ma mes namate in. Atoni amates nane in biaf in benuf le anhaumak in nabe'i nanaob lasi tfeka maten nane. Leka in natef nok atoni a'otes nane, in nabe'i namate in.

²²Mes oni atoni mese ka nok fa asafanu namate atoni bian le in ka na'un fa to'an neune, oni natuin neson natupa atoni nane ai natuin anpolin bale sa' es neune.

²³Ai oni atoni mese in ka nit fa, in namofu fatu mese talantia namate atoni bian le ka in musu fa, ma in amsa ka natenab fa he nale'un atoni nane.

²⁴Anbi lasi-lasi onle nane buat na'ko to mes nafek lasi neu atoni amates, ma neu atoni le hen seunbanin atoni le namate amates nane.

²⁵Buat na'ko nonot nane mes nanini atoni le namate nalali ka nok fa asafanu nane na'ko salit biaf-benuf atoni le anmate nalali nane. Atoni nane mes neki nafani neu kot aninit, bale in naen neune. In mes natua anbi nane talantia atoni le anbi tabu nane anfani Ana' Fuat knino Amnanut in anmate. oke onane te in nabe'i anfani neu in kuan. Mes leka in nasaitan kot aninit bale le in naen neune, oke te atoni amates nane in biaf in benuf natef in ma namate in, onane te lasi ma seunbanin nane ka lasi maotes ma mamaten fa.

²⁹Lekat lulut nane nanaobon neu hi ma hi sufam sin anbi bale me le hi mitua ambine.

³⁰Anbi lasi maotes ma mamaten, atoni le natlak on amatas, al nabe'i nasanab in ma nafek lasi maten neune leka in taos mo'et nane nabe'i nalile ma naton natuin atoni nua ansaksi ai anesi na'ko nane. Atoni mese ansaksi nane ka nanokab fa neu hen saksi ma naton nak lasi tlakas nane namneo.

³¹Atoni aotes ma amates mese mes namate in. In ka nabe'i fa hen soi lasi maten nane neki noni.

³²Leka atoni mese in naen neu kot aninit mese, kais mifetin in hen fe noni he nati' nabe'i in anfani neu in ume leka Ana' Fuat knino Amnanut fe kan mate fa.

³³Leka hi mo'e onane, hi mile'un pah le hi mitua ambine. Maotes ma mamaten nale'un pah, es nane te kan mu'i fa lanan bian he naknino pah nane ai naneku smanaf atoni aotes nane.

³⁴Kaisa mile'un pah le hi mitua ambine, natuin Au UISNENO kau, ma Au utua anbi to Israel sin sonan sin atnanan.”