Read Uab Meto BILANGAN 9 Bible Online

BILANGAN 9 - Uab Meto bible

BILANGAN 9

¹Anbi funan ahunut anbi ton nua leka nonot Israel anpoi nasaitan Mesir, UISNENO nakua a'an neu Nai Musa anbi mnela snaen Sinai. UISNENO nakua a'an nak,

²“Anbi neno bo'es am ha funan i, leka neno antes, atoni Israel mes naliatas Paskah natuin lekat lulut le natetab nalali.”

⁴Ma Nai Musa anlenu nonot Israel naliatas Paskah.

⁵Sin naliatas anbi mnela snaen Sinai anbi neno anmabe neno bo'es am ha funan ahunut nane. Ale sa' le sin antao ma anmo'e anmatom onle UISNENO naplenat nani neu Nai Musa.

⁶Mes anbi sin anmu'i atoni fauk-fauk le malahi ai amle'ut natuin sin anle'o nitu, talante ka nabe'i fa he naliatas Paskah anbi neno nane. Sin le nane anao naeku nok Nai Musa ma Nai Harun ma sin nak,

⁷“Hai le i hai malahi kai natuin hai amle'o nitu amates. Mes nansa' nakain kai talante ka nabe'i fa hai mitulu fua tulu neu UISNENO mok hai bia benu sin?”

⁸Nai Musa natae sin nak, “Ampo fe talante au simo plenat na'ko UISNENO.”

⁹UISNENO anlenu Nai Musa

¹⁰natonan nonot Israel nak, “Kalu anbi ki ai hi sanut mofut anmu'i le malahi natuin anle'o nalali nitu amates ai in fe anbi lanan, in amsa mes naliatas Paskah neu UISNENO.

¹¹Mes neno naek nane mes naliatas funan mese namuni na'ko nane, esle' anbi fai neno bo'es am ha anbi fun nua. Miliatas neno naek nane nok hi miah bibi kase Paskah nok utunu' le kan pake fa lalu haef ma utan amenut.

¹²Kais mihena sa'-sa' na'ko mnahat nane talante noka fa, ma kais am ipu nuif mese amsa na'ko mu'it le natulu neu Kau. Miliatas Paskah nane anmatom nok ale in lekat lulut sin

¹³Ma neu atoni le ka malahi fa ma kan bi fa nao lanan amsa, mes sin ka naliatas fa Paskah, Au ka so'i teni fa in on es na'ko Au nonot, natuin in ka natulu fa fua tulu neu Kau anbi tabu le anlek nani. Atoni nane mes in ansutai kun in amnekin na'ko in sanat.

¹⁴Leka anbi ki anmu'i atoni anao amnemat mese le anlomi he naliatas Paskah, in mes naliatas anmatom nok ale lekat lulut ma ale sa' le natetab nalali. Plenat nane nanaobon neu atoni mese-mese, leko neu atoni Israel ai neu atoni anao amnemat.”

¹⁵Anbi neno nahakeb Um-ume UISNENO, nope ansanu ma an amu nan Um-ume nane. Anbi fai talante nok-noka Um-ume nane atkisot onle ai.

¹⁷Anbi tabu nope nane ansae, atoni Israel sin anpukai sin um-ume, oke te sin anfen ma sin anao.

¹⁸Natuin UISNENO In aplenat nonot Israel nane anpukai sin um-ume ma natuin UISNENO In aplenat amsa sin nahakeb nafani sin um-ume. Leka nope nane fe anbi Um-ume UISNENO fafon, sin natua nabala anbi bale nane.

¹⁹Kalu nope nane nasnasbon a lo anbi Um-ume nane fafon, sin natuin lekat lulut UISNENO ma sin kan fen ma ka nao fa na'ko bale nane.

²⁰Mes haefes-haefes te al neno fauka nope nane anbi Um-ume nane. Maski onane amsa, UISNENO In aplenat es natetab sin natua anbi bale es ai hen fen he nao.

²¹Haefes-haefes te nope nane al nabala na'ko neno anmabe talante noka fa, sin amsa anfen ma sin anao. Anbi tabu leka nope nane ansae, leko nok manas ai nok fai, sin anfen ma sin anao.

²²Leka nope nane fe anbi Um-ume UISNENO fafon, ai anbi neno nua in a'lon, ai funan mese, ai ton mese ai anesi, anbi tabu le nane in a'lon amsa sin natua anbi bale nane. Kalu nope nane ansae, oke te sin anfen ma sin anao.

²³Sin natua anbi bale mese ma sin anfen ma sin anao neu bale bian anmatom nok UISNENO In aplenat le UISNENO anfe nao nok Nai Musa.