Read Uab Meto MIKHA 5 Bible Online

MIKHA 5 - Uab Meto bible

MIKHA 5

¹UISNENO nakua a'an nak, “Hoi Betlehem Efrata, hom fani kot a'baut mese anbi Yehuda! Mes na'ko ho amsa of Au fe ana' aplenat mese neu Israel le in sanut mofut nane na'ko un-unun.”

²Es nanet, UISNENO of nafetin In to he nati' sin musu-musu sin naplenat sin talantia fenai le Au lek ani anfani on ainaf neu ana' aplenat le nane nahonis nani In. Nalali onane te atoni-atoni na'ko sin uf le anbi bale mapolin of nameseb nafani sin nok sin uf.

³Leka ana' aplenat nane nem, In of naplenat In to neki be'it matani ma kuasat na'ko UISNENO anmes kun. In to nane of anmoni nok nek amneot, natuin ale atoni anfun natef pah pinan of na'tebes In anaet,

⁴ma of In anfe nek halan. Leka solalus Asyur anlaban hit pah ma nale'un hit kot, of hit atfe hit atopus-atopus abe'it sin he nati' anmaken nok sin. Hit atopus-atopus sin nane of nane of anli'u solalus Asyur neki kenat le naloitan nalali ma of nafetin kit na'ko sin niman.

⁶Atoni Israel bian le nafetin sin onle tani ma akum le neki oe tene na'ko Uisneno neu uf namfau ma onle ulan le nasaunton ma anpofi hau sena. Sin of ansonlaitok neu UISNENO, ma ka neu fa mansian.

⁷Atoni Israel le fe namaika anbi pah-pah sin atnanan of onle meo asu anbi mu'i fui abit nasi sin atnanan ai onle pukan bibi kase anbi mnela hufui. Meo asu nane antam anbi pukan bib kase nane sin atnanan anteli ma anpisu; ma kan mu'i fa es neu he nati' nafetin bibi kase nane.

⁸Israel of anli'u sin musu-musu sin ma naskuku sin ok-oke.

⁹UISNENO nakua a'an nak, “Anbi leku ma tabu nane Au of umate ho bib kase sin ma Au ule'un ho aklet-aklet makenat sin.

¹⁰Of Au uskuku ho kot sin anbi pah le nane, ma Au ukuab ani ho kot amatanit sin.

¹¹Of Au uneku ho le'u-le'u sin ma Au of uneku ma u'lob ho mnane sin.

¹²Of Au uskuku ho hau ma fatu mahuma ma ho fatu le'u sin, of hi ka mibes amteni fa neu sa'-sa' le hi mo'e meki hi nukum.

¹³Fatu le'u uisneno teta Asyur anbi ho pah of Au u'belat ani ma Au of uskuku ani ho kot-kot malape sin.

¹⁴Of Au seunbanin neu uf-uf le ka na'ki fa neu Kau anbi Au to'as ma Au maunu in nanan.”