Read Uab Meto HABAKUK 2 Bible Online

HABAKUK 2 - Uab Meto bible

HABAKUK 2

¹Au he sae neu fatu elak le au malinat, ma pao neu UISNENO he namolok sa' neu kau ma In han taes onme ka neu au sakoit.

²UISNENO natae kau onle i, “Amtui ma amlun nok alekot anbi afu makli'at pisa mese, sa' le Au uton ani neu ko, he nati' nabe'i hom so'i.

³Amtui nai le nane, natuin tabu le i ka fe antia fa in etin. Mes in etin nane mes anbol. labah, ma sa' le Au uton ulali neu ko namneo of anbol Maski nak anbi kisot fe na'lo, mes ampao nai! In etin nane of nem ma of ka naskotu anteni fa.

⁴Ma mimnau nai: Atoni amaufinut of ka napeni fa honis, mes atoni le nanaoba Uisneno In lomin of napeni honis natuin in nek aki'at neu Uisneno.”

⁵Amaus nane anfuli atoni piut. Atoni apalu nane in neka naebon ma an ole. Onle maten, in amsa kan len nit fa; in nasik nan ale uf-uf sin.

⁶Mes neu alsin le in ankuas sin of naslaet ma nasi'u in. Sin of namolok nak, “Sukat neu ko natuin hom nibun ale amaus le ho ka ini fa! Leka anteni ka ho he mumu'ib ho aom nok lasi natuin atoni-atoni he natus na'ko ko neu he nati' anbaen sin tusa?”

⁷Mes ho ka muhin fa, hom kuas mulali atoni bian, of natus amsa ma ho museke sin he nati' anbaen noni sufan. Ho musu-musu sin of anhakatau ko. Ma sin of nasik nan ho mu'im!

⁸Ho musik mulali uf namfau, mes uf-uf le nafetnok of nasik nan ko, natuin lasi malolot le ho mo'e mulali, ma natuin ho maufinut neu pah-pah, kot-kot in a'maika sin.

⁹Sukat neu ko! Ho mumu'ib ho ume nanan meki mnisat le ho mupeni nok bulalut he nati' ho ume nanan napeni tainine ma nafetnon na'ko nukat ma snama.

¹⁰Mes ho salit nane al neki lasi mae neu ho ume nanan. Nok ho musik man uf namfau, ho muneku kum ho aom anmes.

¹¹Ma fatu-fatu anbi baki lape amsa ansukat ko, ma ume in ninu amsa ankakan lasi nane.

¹²Sukat neu ko! Ho muhakeb kot ma amsukin anbi maufinu ma ho mufena in meki malolot.

¹³Uf-uf le hom kuas sin nasusbok son-sona, ma ale sa' le sin nafena nane ai of notu nani. Ale lasi nane salit ma lomit na'ko UISNENO Akuasat Afin-finit.

¹⁴Mes onle tasi nahenu nok oe, onane amsa pah pinan of nahenu nok hinet neu UISNENO ma In kuasat.

¹⁵Sukat neu ko! Ho musi'u ma mumaeba ume-ume le anhaumak nok ko; ho mo'e sin nasni'an onle atoni-atoni amafut.

¹⁶Tabu le i ho eti antia neu ho he mumaebom, ma ka neu he nabes fa neu ko. Ho apinat nane of nabaina anfani si'ut. UISNENO of naseke ko he minu na'ko klas mninut le matua kasat neu ko. Ho of minu ma musni'.

¹⁷Hom ote mutseleb hau-hau anbi nasi Libanon, ma tabu le i ho of anse' ko. Ho mumate in mu'it-mu'it sin, ma tabu le i mu'it-mu'it nane of anhakatau ko. Ale lasi nane of anbol natuin malolot ma bulalut le ho mo'e mulali neu pah-pah, kot-kot ma atokos-atokos sin.

¹⁸Sukat neu ko! Ho mumolok neu hau tuka mese mak, “Amfen nai!” ai neu fatu naek mese mak, “Amhake nai!” Nabe'i ka fatu mamasab mese naton ko sa' es neu ko? Oni fatu mamasab nane an amu neki mnatu ma noni muti, mes in ka masnasa fa. Fatu mamasab fuat nane in otan sa' ka? Nane alkun mansian es anmo'e nani. Le hom simo na'kone alkun lasi poi. Palsait neu uisneno teta le mamo'ek neki nimaf nane son-sona kun, le ka nabe'i fa he namolok sa'-sa'.

²⁰UISNENO natua anbi In Ume knino in nanan; so ale atoni anbi pah pinan anta' anbi In matan.