Read Uab Meto ZAKHARIA 11 Bible Online

ZAKHARIA 11 - Uab Meto bible

ZAKHARIA 11

¹Hoi Libanon, amfai ho eno-eno sin, he nati' ai notu ale ho hau amtasa sin!

²Hoi hau lete, amkae ma amkul nai, natuin ale aijao natsel nalali, hau-hau naek nane natsel nalali. Ho hau naek-hau naek abit Basan, amkae ma amkul nai. Natuin ale nasi-nasi naek an ote nani sin ok-oke.

³Amnen nai kaet kulut ale ana' aplenat sin apinat nane namneku nalali! Amnen nai ale meo asu sin anbai anbi nasi in nanan; natuin sin kuna anbi Noe Yordan in nonon nane namle'u nalali.

⁴UISNENO nakua a'an neu kau nak, “Ho moesom amfani atukus le natuku bibi kase le of malolo.

⁵Ale in asosat sin namate ale bibi kase nane mes ka napeni fa kasat. Sin le nasosa bibi kase nane sin sisi sin namolok nak, ‘Ampules nai UISNENO! Tabu le i hit amaus nane masato!’ Atukus-atukus nane sin nekan kan mofu fa neu ale bibi kase le sin anpanote.

⁶Au ka nek ateni fa sekau ma sekau anbi pah le i. Au of una'at ani in to sin neu ale ana' aplenat. Sin of naskuku pah le i, Au of ka usik ani fa na'ko sin kuasat.”

⁷Au, Zakharia, es ale a'sosa bibi kase nane anfe neu kau upa' he utuku ale bibi kase le of malolo. Au mu'i kuk tias nua; es au ukanab “Athoes” ma es anteni “Futus”. Nalali te au fatan paot ma panat neu ale bibi kase nane.

⁸Atukus tenu le sin nek nanan kau sin nalali au neka none. Au li'u sin anbi funan mese in nanan.

⁹Nalali te au umolok neu pukan bibi kase nane ak, “Au of ka utuku teni ki fa. Le hen mate namaut he in anmate, ma le he namle'u namaut he namle'u. Oke te in nesin nane namaut he sin mamaten es nok es.”

¹⁰Oke te tias le au ukanab ak “Athoes” nane au aiti ma au ipu he nati' eka fef bela le UISNENO anmoe nani neu ale uf.

¹¹Anbi neno le nane amsa fef bela le nane of maeka. Ale a'sosa bibi kase nane sin anpanat kau, ma sin nekan amsa anbe' nak UISNENO fe namolok nok sin nanet natuin au taos ma au mo'et.

¹²Au umolok neu sin ak, “Kalu au usi ki him lomi, amfe neu kau au upa'; kalu kahaf, kaisa.” Oke te sin anfe kau noni muti bo'tenu anfani au upa'. UISNENO nakua a'an neu kau nak, “Mutam noni le nane neu bale pleob noni anbi Au Ume.” Es nane te au utam noni muti bo'tenu nane neu bale pleob noni anbi Ume UISNENO in nanan. Sin naupab neu ka antu' anbi le nane!

¹⁴Nalali onane te au ipu au tias no nua, esle' au kanab ak “Futus,” oke te to Yehuda ma Israel sin nek mese nane anpe'.

¹⁵Oke te UISNENO nakua a'an neu kau nak, “Amoesom amteni amfani atukus, mes haef le i amfani atukus ka alekot.

¹⁶Natuin Au of a'lek ani atukus mese he nati' anpanat Au pukan bibi kase sin, mes in ka nami fa bibi kase le namneku; ma in ka nami fa bibi kase le aseket, ma kan paloli fa bibi kase apapat, ma kan fe fa mnahat neu bibi kase le fe anmoni. Mes in nah anmese sisi na'ko bibi kase apokat afinit ma anbok mu'it nane in atnusan.

¹⁷Sukat neu atukus le ka maota fa nane! In nasaitan nani in pukan bibi kase sin. Makenat of nasopu nani in aplenat. In nukun nane of an ole ma in matan a'ne'u of anfolo.’ ”