Read Uab Meto ZAKHARIA 2 Bible Online

ZAKHARIA 2 - Uab Meto bible

ZAKHARIA 2

¹Anbi mnitas mese anteni au it atoni mese le in na' tani lukut.

²Au utan ak, “Ho hem nao neu me ka? “Au he su' Yerusalem,” in natae onane, “au he uhin kot nane in amnanun ma in menuan fauk.”

³Nalali te au it ahake neno le namolok nalali neu kau nane in nao mat, ma ahake neno mese anao ma antef in.

⁴Ahake neno ahunut nane nak neu ahake no nua nane nak, “Amnao nai lab neu atoni munif nane, ma muton neu in neu Yerusalem nane of nahenu nok mansian ma mu'it talante of ka mifena fa baki lape anfun natef.

⁵UISNENO anta'en nalali nak In anmes kun of anfani baki lape ai le anfun natef kot nane he nati' namafo in ma In of namaika anbi nane nok kuasat ma nok In apinat.”

⁶UISNENO nakua a'an neu In to nak, “Au usitab ulali ki anbi neno in kabenan anfun natef. Mes anbi tabu le i hoi atoni-atoni mapolin, maen misaitan Babel ma amfani aim neu Yerusalem.

⁸Sekau es anmaken nok ki, in anken in le Au nek ani.” Es nane te UISNENO Akuasat Afinit anlenu kau he ubeno In fef ba'an le i neu ale uf-uf le nasik nan In to,

⁹“Of UISNENO In neknon ma anmaken nok ki! Ma hi ate-ate sin of of nasik nan ki. Leka lasi nane anbol hi of mihin mak UISNENO Akuasat Afinit es anlenu kau.”

¹⁰UISNENO nakua a'an nak, “Amsi ma ampules nai nok malinat hoi to Yerusalem! Au of umaika anbi hi atnanam!”

¹¹Anbi tabu nane uf-uf namfau anfani nem neu UISNENO he nati' anfani on In to. In of namaika anbi hi atnanam, ma hi of mihin neu UISNENO ansonu nalali kau neu ki.

¹²Haef le i Yehuda of anfani on UISNENO in-ini anbi In pah le aknino, ma Yerusalem of anfani kot le In anekan nesin.

¹³So hi mibala nai anbi UISNENO In matan! Natuin In nanoebon nem nalali na'ko In sonaf anbi neno tunan.