Read Uab Meto ZAKHARIA 4 Bible Online

ZAKHARIA 4 - Uab Meto bible

ZAKHARIA 4

¹Ahake neno le namolok nalali nok kau in nem anteni ma nafena kau onle nafena atoni na'ko tupas.

²In natan kau nak, “Ho mit sa' ka?” Au utae ak, “Paku haef mese le anmo'e na'ko mnatu.” Au utae ak, “Anbi in fafon nane anmu'i bale neu in mina, ma anfun natef in anmu'i paku hitu le es-es anmu'i bale neu abas hitu sin balan.

³Anbi kabenan a'li ma a'ne'u na'ko paku haef nane nahakeb hau bub fua mina nua.”

⁴Nalali te au utan Ahake neno nane ak, “Ale blua-blua nane anfani taka neu sa' ka, Usif?”

⁵“Ho ka muhin fa ka?” In natan neu kau onane. “Kahaf Usif,” au utae onane.

¹⁰Ahake neno nane nak neu kau nak, “Paku hitu es nane esle' mataf hitu na'ko UISNENO le anpanat pah pinan fun natef.”

¹¹Nalali te au utan neune anteni ak, “Hau bub fua mina nua en le anbi kabenan a'li ma a'ne'u na'ko paku haef nane in otan sa' ka?

¹²Ma tlaef nua na'ko hau bub fua mina saitun le anbi besi mnatu le napoitan mina bub fua mina saitun nane in otan sa' ka?”

¹³Ma in natae kau nak, “Ho ka muhin fa ka?” Au utae ak, “Au ka uhin fa Usif.”

¹⁴In namolok nak, “Nane atoni nua en le UISNENO Akuasat Afinit anbeti nalali sin le anlek ma anlulu sin he nati' antuthae In.” Fef ba'an UISNENO neu Nai Zerubabel Ahake neno nane anlenu kau he utiab neu Nai Zerubabel fef ba'an na'ko UISNENO, “Ka nok fa be'it matani meo pa'e ma ka nok fa ho be'im ma ho matanim anmes of ho mupeni, mes alnok Au Smanan Knino. Ekat le in a'naen on Tubu amsa of naaibon na'ko ho matam. Ho of mufena mufani Au Ume, ma in of nasopu nani lasi fena le nane. Ma anbi tabu hom tao mani fatu sukit anbi in balan atoni-atoni sin of anhunun nak, ‘Namneo in amasat kun!” Nalali te fef bian anteni na'ko UISNENO. In nak, “Nai Zerubabel antao ma anfatan nalali Au Ume, ma in of nasopu nani lasi fena le nane. Leka lasi nane anbol onane te, Au to of nahin nak Au es alelu ko Zakharia neu sin. Anmu'i le nanebet lasi le i. Mes of sin nit Nai Zerubabel nanaob anteni lasi fena neu Au Ume, ma sin of anmalinan.”