Read Uab Meto MALEAKHI 4 Bible Online

MALEAKHI 4 - Uab Meto bible

MALEAKHI 4

¹UISNENO Akuasat Afinit nakua a'an nak, “Leka antia in neno ale atoni neka naeb ma atoni amaufinut of notu sin onle ane ta'u. Anbi neno nane of notu nani sin, ma na'ko sin of kan mu'i fa in nesin.

²Mes neu ki le hi mi'ki neu Kau, of hi mifetnom natuin Au kuasat ma of anpin onle manas, ma in pinan nane of neki palolit. Hi of mifetnom ma mimlil onle bijae ana' le fe napoitan na'ko o'of.

³Au of uklil'ok anbi neno nane, ma of him li'u miaenab ale atoni-atoni amaufinut, talante sin onle afu skuku le him teli ma mihapun.

⁴Mimnau Au ate Nai Musa in noina-noina sin, mimnau in plenat-plenat sin ma In lekat lulut le Au fe ani neune anbi Tubu Sinai he nati' ale Au to Israel sin natuin nani.

⁵Mes nahun na'ko neno naek ma matani le Au lek ani nane antia, of Au sonu neu ki Mafefa knino Nai Elia.

⁶In of nameseb amaf-amaf ma anah-anah sin nekan anfani mese, he nati' kais Au aum he ule'un ateni hi pah le i.”