Read Uab Meto ULANGAN 13 Bible Online

ULANGAN 13 - Uab Meto bible

ULANGAN 13

¹Leka atoni mafefa knino moel mese ai atoni ananait mese anba'an neu ki lasi ataka ai lasi sanmakat mese

²nok tenab he nati' hi miluli mibes ma miusi neu uisneno teta le hi ka mihin mani fa, maski sa' le in anba'an le nane namneo-namneo anbol,

³kais him simo mani. Hi UISNENO anpake atoni nane hen su' ki, hen kiso ki ai namneo-namneo him nek mimnau UISNENO nok hi nekam ok-oke ai kahaf.

⁴Atoni onle nane so mes namate nani, natuin he nasekeb ki na'ko lanan le hi UISNENO naplenat neu ki. In atoni amle'ut kun natuin anlenu ki hem laban hi UISNENO le nafetin ki na'ko Mesir, bale le an aten ki anbine. Es nane te mes namate in, he nati' naneku nani lasi amle'ut nane. Mes hi nati' mituin hi UISNENO ma mimtau misman neu In; mituin In nai ma amtao ma anmoe ale In plenat sin. Hi mi'ki piut nai ma miusi neu In.

⁶Leka hi bia ai hi anmone ai hi anfeto, ai hi fenai le ho amnek ai ho sob leko ka hen fuli ki nok atol-tolo' he mibes neu uisneno teta le hi ka mihin mani fa ma le hi na'if sin ka nahin nani fa, ale uisneno teta na'ko uf-uf le sin natua anhaumak ki ma na'lo ki,

⁸kais amnen in ma kais amfe hi aom he in anfuli nani. Kais hi amnek ai mineo ma mihafo atoni nane.

⁹Hi mes ampoli in meki fatu talantia in anmate. Ho esle' mes ampoli muhunun in, oke te to ok-oke anpoli natuin. Mes hi mimate atoni asanat nane, natuin in hen fuli ki he mi'lo mi'ko hi UISNENO le nafetin ki na'ko lasi aten anbi Mesir.

¹¹Onane te to Israel ok-oke of sin anen neu amates nane ma oke te sin namtau, talantia katit fa es amsa hen tao ma anmo'e lasi amle'ut nane anteni.

¹²Leka hi of mitua ambi kot-kot le hi UISNENO anfe neu ki, oni him nen uab

¹³nak atoni amle'ut fauk-fauk na'ko hi nonot nasekeb nalali tuafen anbi kot he nabes neu ale uisneno teta le hi ka mihin mani fa.

¹⁴Leka hi amnen hanaf sum-suma, hi mitoti nai nok amnutu. Kais lasi amle'ut nane namneo-namneo anbol,

¹⁵onane te tuafen kot nane ok-oke nok ale sin mu'it mes hi mimate mani sin. Kot nane mes hi mile'un mani ok-oke.

¹⁶Ale bale ma amaus na'ko tuafen kot nane ok-oke mes him nibun mibuab sin ma amtupu' sin anbi mnela, oke te kot nok ale in bale ma amaus mes motu mani sin on fua tulu neu hi UISNENO. Nalali te ale nane ok-oke mes hi misaitan mani hen fani fatu tutnae ma ka nabe'i fa he nahakeb anteni.

¹⁷Bale'-bale' sukat nane ka nabe'i fa hi mipan neu hi aom, mes nati' hi mile'un mani ok-oke. Onane te to'as UISNENO of namne ma In of nalile In nek mamun neu ki. In of namnau ki ma anmo'e ki amfani uf anaek mese onle In anba'an nalali neu hi na'if sin,

¹⁸al nati' hi mituin ale In aplenat le au utiaba neu ki anbi neno i, ma amtao ma anmo'e ale sa' le In anlomi nani.”