Read Uab Meto ULANGAN 24 Bible Online

ULANGAN 24 - Uab Meto bible

ULANGAN 24

¹“Taleta onle atoni mese anmafe nok li'feto mese ma namuni te atoni nane kan lomi anteni fa li'feto nane natuin in napeni sa'-sa' esle' neki lasi mae neu in. Oke te atoni nane nana'at sulat lasi manpolin neu in ma anli'u in na'ko in ume.

²Namuni te bife nane anmamone anteni nok atoni bian.

³Mes ka lo fa onane te atoni nane kan lomi anteni fa in, oke te atoni nane nana'at sulat lasi manpolin neu bife nane ma anli'u anteni in. Ai oni in mone hae nua nane anmate.

⁴Anbi lasi nono nua en nane mone unu ka nabe'i fa he anmafe anteni nok bife nane; atoni nane mes ankiso in on bife le namle'u nalali. Leka in anmafe nok bife nane amsa, taos mo'et nane anfani si'ut mese neu hi UISNENO. Hi ka nabe'i fa he hi amtao ma anmo'e sanat amle'ut nane anbi pah le hi UISNENO anfe neu ki.”

⁵“Atoni mese le fe anmafe nalali ka nabe'i fa hem lenu in hen tam solalus he anmaken ai anmepu mepu bian anteni. Mes mifetin in na'ko ale mepu nan ton mese a'lon he nati' in naloitan nabalab in ume toko ma anhalin in fenai nekan.

⁶Leka atoni bian natus ki sa'-sa' es kais hi maiti in fatu fole le atoni nane anpake hen fole in ane kase. Natuin hi maiti fatu fole nane, hi misik man bale le in ume nanan anpake he anlut sin amonin.

⁷Atoni le naen neki atoni mese na'ko in nonot, oke te antao ma anmo'e in on ate ai nasosa in, mes namate atoni nane. Nok nane te hi mineku lasi amle'ut nane.

⁸Leka anmu'i men poko le neki amle'ut, anmo'e mituin nok lek-leko sa' le Ana' fuat knino Nai Lewi nanoina neu ki; mituin ale lekat lulut le au fe neu sin.

⁹Mimnau sa' le hi UISNENO anmo'e neu bi Miryam anbi lanan leka hi ampoi mi'ko Mesir.

¹⁰Leka hi bia hi benu natus sa'-sa' neu ki, kais hi amtam meu in ume he maiti in sobalu hen fani bale pasmat.

¹¹Ampao ambi mone ma mautu he in neknon neki nem neu ki.

¹²Leka atoni nane atoni amamu'it, ka nabe'i fa ho mutau sobalu nane nan fai mese a'lon,

¹³mes ho amfe mufani sobalu nane neu in anbi fai nane, he nati' in anpake neu hen tup. In of antoti alekot ma hi UISNENO of anlomi nan ki.

¹⁴Kais minisi atoni amamu'it ma anukat le anmepu ki he mepu, leko hi atoni, ai hi nonot ai atoni anao amnemat le natua nabua nok ki anbi hi kot mese.

¹⁵Neno-neno leka neno fe kan tes fa hi mes ambaen in upa' neu mepu neno nane; in nafnekan noni nane natuin in nekan ansinmak nani. Leka hi kam baen fa, in of ansakoi neu UISNENO antom neu ki, ma hi of misanab.

¹⁶Kais mimate amnasi sin natuin lasi amle'ut le sin anah antao ma anmo'e. Atoni mese-mese al nabe'i namate in natuin lasi amle'ut le in antao ma anmo'e nani.

¹⁷Kais hi misik atoni anao amnemat sin sa'-sa' ma anmanat sin sa'-sa' ma kais hi maiti bale pake bife banu hen fani bale pasmat.

¹⁸Hi mimnau nai nak afi hi amsa amfani ate anbi Mesir ma hi UISNENO nafetin ki na'kone; es nane te au fe lekat lulut i neu ki.

¹⁹Leka hi amnibun mibuab hi pah in afan kais hi amfani he maiti hi aen kase le fe nabala anbi hi lene. Ane kase nane hi mimaika neu atoni anao amnemat, li'anmanat ma bife banu, he nati' hi UISNENO anfe tetus neu ale hi mepu.

²⁰Leka hae mese hi amseu milali hi bub fua mina in fuan ma hi tua min kase in fuan, kais hi meki amfani amteni neu he amnibun mibuab le fe nabala anbi lene. Nane mes hi mimaika neu atoni anao amnemat, li'anmanat ma ale bife banu.

²²Hi mes mimnau mak nahunu hi amsa ate ki ambi pah Mesir: es nanate au fe neu fekat nane.