Read Uab Meto 1 TESALONIKA 4 Bible Online

1 TESALONIKA 4 - Uab Meto bible

1 TESALONIKA 4

¹Oke te, bae benu alki, so hi mituin hai heta antom lasi hi he moni onme hem halin Uisneno nekan. Namneo leku i hi moni milali onle nane. Mes leku i nok kuasat Usif Yesus, haim toit matani neu ki he nati' him hataniom amteni anbi lasi nane.

²Fun hi mihin milali ale lekat le haim fe ki natuin kuasat Usif Yesus.

³Uisneno In lomin on i, nati' hi mikniono'om, him panat hi aom na'ko lasi kake.

⁴Atoni mes-mese napeni bife mese hen fani in fe ma anmoni nokan anbi knino ma amneot.

⁵Ka natuin fa nek sinmakat pah pinan, onle atoni le ka nahinef Uisneno.

⁶Anbi lasi i, kais atoni anmo'e sanat neu in baef neki mo'et amle'ut. Fun Uisneno of anseunbanin ale lasi nane, onle afi hai miton milali neu ki.

⁷Uisneno anboin kit, ka neu fa het mo'e lasi amolemut mes het mo'e lasi aknino.

⁸Es nane te, atoni le antite fainekat i in kan tite fa atoni pah pinan mes in tite Uisneno le In anfe Ini Smanan Knino neu ki.

⁹Au ka tui ki fa antom lasi manekat es nok es, fun hi minoni milali lasi manekat es nok es na'ko Uisneno.

¹⁰Lasi nane hi mo'e milali neu hi bae benu alsin, anbi Makedonia ok-oke. Mes haim fainek ki, bae benu alki, he nati' hi mo'e nesi anteni na'ko le nane.

¹¹Moni nok nek tainine neki kan tola neu ki, him pantom bi ale lasi. Ma hi mepu meki hi niman, onle afi haim ba'an milali ki.

¹²Kalu hi moni onane hi kam futnom neu sekau amsa, ma ale atoni le kan nafnek fa neu Neno Anan, of antola ki.

¹³Bae benu alki, haim lomi he nati' hi mihin namneo antom ale atoni le anmaet nalali, he nati' kais him kul on atoni le kan mu'if afnekat.

¹⁴Kalu hit nekak nateb, nak Yesus anmate ma anfen anfani, hit nekak nateb amsa, nak ale atoni le anmate anbi Yesus, Uisneno of nabuab sin nok In.

¹⁵Hai am etu ki lasi i meki hit Usif In a'an; leka hit Usif nanoebon anfani nem, hit le fe atmoni, of ka tahunun fa ale atoni le anmate nahunun kit.

¹⁶Fun hit Usif of ansanu na'ko neno tunan neki taka. Ahake neno tunan sini nakaf of anhunun ma Uisneno In to'is nahan. Oke te ale atoni le anmate anbi Neno Anan of sin fen nahunun.

¹⁷Nalali te, hit le fe atmoni of nait kit nok sin anbi nope het senu hit Usif anbi aileti ai neno tnanan. Onane te hit tamaika tok Usi talan te nabal-bal.

¹⁸Es nane te so hi mafainekan es nok es meki ale a'at i.