Read Uab Meto YOSUA 12 Bible Online

YOSUA 12 - Uab Meto bible

YOSUA 12

¹Pah neno saen Yordan, na'ko Nonof Noe Arnon ansae piut neu Nonof Yordan antia Tubu Hermon neno aon bian a'li, atoni Israel nasik nalali ma antoko nalali. Kesel nua esle' sin nia ma anbe'u sin.

²Es kanan Nai Sihon, kesel Amori le antoko anbi Hesybon. In pah nane antia pah Gilead aon bian; esle' na'ko Aroer (anbi Nonof Arnon ninen) ma kot le anbi mnela nane atnanan antia Noe Yabok anbi nakat pah atoni Amon;

³onane amsa anao nok pah Nonof Yordan neno saen, na'ko Nefo Galilea anao neu neno aon bian a'ne'u antia Bet-Yesimot (anbi Tasi Maten neno saen), antia Tubu Pisga haen.

⁴Kesel bian le atoni Israel sin nis ma anbe'u sin esle' Kesel Nai Og na'ko pah Basan, le natua anbi Asytarot ma Edrei. In le nane kesel mese na'ko uf Refaim.

⁵In aplenat nane antia Tubu Hermon, Salkha, ma Basan ok-oke talantia pah Gesur ma Maakha; onane amsa antia pah Gilead aon bian talantia pah Kesel Sihon anbi kot Hesybon.

⁶Nane kesel nua en le Nai Musa nok to Israel sin al-al sin nis ma anbe'u sin. Ale kesel nane sin pah Nai Musa, UISNENO In ate nane, anfe nani neu uf Nai Ruben, Nai Gad ma uf Nai Manasye aon bian, hen fani pah bale bela neu sin.

⁷Ale kesel le Nai Yosua nok to Israel sin nis ma anbe'u sin esle' ale kesel anbi pah aon bian Noe Yordan neno tesan, na'ko Baal-Gad anbi Nonof Libanon antia bale Tubu Monas anbi bian a'ne'u anhaumak Edom. Pah nane Nai Yosua anbati nani neu uf-uf Israel hen fani bale bela neu sin.

⁸Pah nane antia pah neten, pah neten haen neno tesan, Nonof Yordan nok pah neten haen, ale pah abnapaf neno saen, ma pah mnela snaen bian a'ne'u. Pah-pah nane afi pah bale uf Het, Amori, Kanaan, Feris, Hewi ma Yebus sin natua anbine.

⁹Ale kesel le nis ma anbe'u sin, ok-oke kesel bo'tenu mese: esle' ale kesel na'ko kot i: Yerikho, Ai (anhaumak Betel), Yerusalem, Hebron, Yarmut, Lakhis, Eglon, Gezer, Debir, Geder, Horma, Arad, Libna, Adulam, Makeda, Betel, Tapuah, Hefer, Afek, Lasaron, Madon, Hazor, Simron-Meron, Akhsaf, Taanakh, Megido, Kedes, Yokneam (anbi Karmel), Dor (anbi tasi ninen), Goyim (anbi Galilea) ma Tirza.