Read Uab Meto YOSUA 14 Bible Online

YOSUA 14 - Uab Meto bible

YOSUA 14

¹Lasi i on lasi nu'un an matom nok le anbati pah Kanaan anbi neno tesan Noe Yordan le anbati nani neu nonot Israel. Le anbati pah nane neu nonot Israel esle' Ana' Fuat Knino Nai Eleazar, Nai Yosua Nai Nun anmone, ma nakaf-nakaf ume nanan anbi uf-uf nonot Israel.

²Fun onle UISNENO naplenat nani neu Nai Musa, pah-pah neno tesan Noe Yordan le natetab nalali neu uf sio am batis nonot Israel, mes anbati nani sin natuin lasi mnosu sulat.

³Pah anbi neno saen Noe Yordan Nai Musa anfe nalali neu uf nua am batis bian nane. (Mes antui nani anbi i nak Nai Yusuf anhenu anbation anbi uf nua: Uf Manasye ma uf Efraim.) Neu uf Nai Lewi Nai Musa kan fen fa sin nain. Al anfe neu sin kot-kot neu bale he sin natua, nok in amnela sin neu sin mu'it bijae ma bibi kase.

⁵Onle nane nonot Israel anbati pah nane anmatom nok sa' le UISNENO naplenat nani neu Nai Musa.

⁶Anbi neno mese atoni-atoni na'ko uf Yehuda sin nem neu Nai Yosua anbi Gilgal. Es na'ko sin es Nai Kaleb Nai Yefune anmone atoni Kenas, in na'uab nak, “Yosua! Ho muhin neu sa' le UISNENO nakua nalali In a'an neu Nai Musa, haef Uisneno nane, anbi Kades-Barnea neu ko ma neu kau.

⁷Au ton bo'ha leka Nai Musa, UISNENO In ate nane, ansonu kau na'ko Kades-Barnea on atnu'us neu he utnu' pah nane. Ma au fani aum eune eki lasi tonas amneot.

⁸Atoni-atoni le sin nok kau, anmone to Israel ma sin namtau. Mes au u'ki ubalah utuin au UISNENO.

⁹Ma es nane te, Nai Musa antao lasi manba'an nak bale le au talin au haek anbin namneo-namneo of anfe nani neu kau ma au anhenu hen fani bale bela talantia nabal-bal.

¹⁰Tabu le i ton bo'ha am nim na'ko tabu UISNENO naton lasi nane neu Nai Musa. Lasi nane anbol leka nonot Israel fe anfun mnela snaen. Ma onle UISNENO anba'an nalali, UISNENO amsa In naneo ma nahafo kau talantia au fe moni ubalah antia neno i. Amkiso. tabu le i au ton bo'fanu am nim,

¹¹mes au fe ube'i ma matani on afi tabu Nai Musa ansonu kau. Au fe mu'i nenuf be'it ma matani he maken ai he mepu sa' am sa'.

¹²Es nane te, amfe neu kau pah neten i nai le afi UISNENO anmo'e nalali lasi manba'an neu kau anbi tabu au ma ale atoni-atoni le nok kau hai meki amfani ma meki lasi tonas. Anbi tabu nane ho meknom amnen, nak anbi pah nane anmu'i uf le atoni anaek ma mnanu le antek sin uf Enak. Sin natua anbi kot anaek le mabaki lape. Oni UISNENO anbab kau, talantia nabe'i au li'u sin, onle UISNENO In naton.”

¹³Onane te Nai Yosua anfe tetus neu Nai Kaleb Nai Yefune anmone, oke te anfe kot Hebron neu Nai Kaleb anfani in paoh bale bela.

¹⁴Talantia neno i kot nane le anfani bale bela sanut mofut Nai Kaleb Nai Yefune anmone, atoni Kades nane, natuin in na'ki ma natuin UISNENO, Israel sin Uisneno.

¹⁵Afi ahunut antek Hebron nak kot Arba. (Arba nane atoni anaet anbi uf Enak.) Es nane te pah nane napeni tainine ma aomina natuin nasnas na'ko makenat.