Read Uab Meto YOSUA 16 Bible Online

YOSUA 16 - Uab Meto bible

YOSUA 16

¹Nakat-nakat pah le anlek nani neu Nai Yusuf sufan, na'ko Noe Yordan anhaumak Yerikho, oe mata-oe mata Yerikho aon neno saen talantia mnela snaen. Na'ko Yerikho, nakat nane ansae antia Betel anbi pah neten.

²Na'ko Betel, nakat nane an ali Lus, anao anfini Atarot, bale atoni Arki natua anbine.

³Na'ko bale nane nakat nane an ali neu neno Tesan neu bale atoni Yaflet, antia Bet-Horon-Hilir, anfini anao neu Gezer, oke te namsopu anbi Tasi Tnana.

⁴Nane pah le anfe nani neu uf Manasye ma Efraim, Nai Yusuf sufa, hen fani sin pah bale bela.

⁵Le i ale nakat na'ko pah le anfe nani neu uf Efraim in ume nanan sin. Anbi neno saen, sin pah in nakat na'ko Atarot-Adar antia Bet-Horon-Fafon,

⁶oke te an ali Tasi Tnana. Mikhmetat anbi bian a'li. Anbi neno saen, nakat-nakat nane anbeo neu Taanat-Silo, oke te anfini na'ko neno saen an ali Yanoah.

⁷Na'ko bale nane nakat nane ansanu anao neu Atarot ma Naharat, oke te anfini anao nok Yerikho ma nasopu anbi Noe Yordan.

⁸Anbi neno tesan, nakat Efraim nane na'ko Tapuah anao antia Noe ana' Kana, oke te namsopu anbi Tasi Tnana. Nane pah le anfe nani neu uf Efraim in ume nanan sin hen fani pah bale bela,

⁹nok kot ana fauk ma kuan le anbi Nai Manasye in pah.

¹⁰Mes uf Efraim kan li'u fa atoni Kanaan na'ko pah Gezer. Es nane te antia neno i atoni Kanaan fe natua nabala anbi Gezer nabua no atoni Efraim, mes naseke sin anmepu on ate neu atoni Efraim.