Read Uab Meto YOSUA 19 Bible Online

YOSUA 19 - Uab Meto bible

YOSUA 19

¹Batis hae nua nane anbati pah neu ume nanan anbi uf Simeon. Nakat sin pah antam neu nakat uf Yehuda sin pah.

²Anfe neu sin kot bo'es am tenu le i nok kuan-kuan le anhaumak bale nane esle': Bersyeba, Syeba, Molada, Hazar-Sual, Bala, Ezem, Eltolad, Betul, Horma, Ziklag, Bet-Hamarkabot, Hazar-Susa, Bet-Lebaot, ma Saruhen.

⁴

⁵

⁶

⁷Onane amsa kot ha en i nok kuan-kuan le anhaumak bale nane esle': Ain, Rimon, Eter, ma Asan.

⁸Nok ale kuan-kuan anfun natef kot-kot nane amsa antam ok-oke antia Baalat-Beer na'ko uf Simeon hen fani sin pah bale bela.

⁹Natuin pah uf Yehuda anmeunua nae le'uf, es nane te pah nane in bian anfe nani neu uf Simeon.

¹⁰Batis hae tenu nane anbati pah neu ume nanan anbi uf Zebulon. Nakat le anfe nani neu sin antia Sarid.

¹¹Na'ko Sarid nakat neno tesan an ali neu Marala, oke te anao nok Dabeset ma noe ana' anbi neno saen Yokneam.

¹²Nakat nane ansae na'ko Sarid an ali neu Khislot-Tabor, anao piut neu Dobrat, oke te ansae neu Yafia.

¹³Na'ko bale nane nakat nane anao anfini neu neno saen neu Gat-Hefer ma Et-Kazin, oke te anbeo neu Nea an ali neu Rimon.

¹⁴Anbi bian a'li nakat pah nane anbeo neu Hanaton ma namsopu anbi Nonof Yiftah-El.

¹⁵Anbi pah uf Zebulon nane antam amsa: Katat, Nahalal, Simron, Yidala ma Betlehem. Sin pah nane sin kot bo'es am nua nok kuan-kuan le anhaumak anbi nane.

¹⁶Kot-kot nok kuan-kuan nane anbi pah le anfe neu ale ume nanan anbi uf Zebulon hen fani sin pah bale bela.

¹⁷Batis hae ha nane anbati pah neu ume nanan uf Isakhar.

¹⁸Anbi sin pah antam: Yizreel, Khesulot, Sunem,

¹⁹Hafaraim, Sion, Anaharat,

²⁰Rabit, Kisyon, Ebes,

²¹Remet, En-Ganim, En-Hada, ma Bet-Pazes.

²²Sin pah nakat nane anao nok Tabor, Sahazima, Bet-Semes, oke te namsopu anbi Noe Yordan. Sin pah nane kot bo'es am ne nok kuan-kuan le anhaumak anbi nane.

²³Kot-kot ma kuan-kuan nane anbi pah le anfe nani neu ale ume nanan uf Isakhar hen fani sin pah bale bela.

²⁴Batis hae nim nane anbati pah neu ume nanan uf Asyer.

²⁵Sin pah nane natam bale: Helkat, Hali, Beten, Akhsaf,

²⁶Alamelekh, Amad, ma Misal. Sin pah nakat anbi neno tesan anao nok Tubu Karmel ma Noe Libnat.

²⁷Na'ko bale nane sin nakat nane anbeo anao neu neno saen neu Bet-Dagon, oke te anao nok nakat Zebulon ma Nonof Yiftah-El an ali bian a'li neu Bet-Emek ma Nehiel. Oke te nakat nane anao anfini anteni an ali bian a'li Kabul,

²⁸Ebron, Rehob, Hamon, ma Kana, antia Sidon.

²⁹Na'ko nane nakat nane anbeo neu Rama anao piut antia kot Tirus, nane kot le mabaki lape; oke te nakat nane anbeo anteni neu Hosa oke te namsopu anbi Tasi Tnana. Anbi nakat-nakat nane natam: Mahalab, Akhzib,

³⁰Uma, Afek, ma Rehob. Sin pah ok-oke natam nan kot bo'nua am nua ma nok anteni kuan-kuan le anbi nane.

³¹Kot-kot nok in kuan-kuan sin le anbi pah nane anfe neu ale ume nanan anbi uf Asyer hen fani sin pah bale bela.

³²Batis hae ne nane anbati pah neu ume nanan anbi uf Naftali.

³³Sin pah nakat nane na'ko Helef, antia hau no' naek anbi Zaananim, anao piut neu Adami-Nekeb, oke anao neu Yabneel, antia Lakum, oke te namsopu anbi Noe Yordan.

³⁴Na'ko bale nane nakat anli'on an ali bian a'li neu Aznot-Tabor, ma na'ko nane anao neu Hukok. Anbi bian a'ne'u, pah nane anmu'i nakat nok pah Zebulon, anbi bian a'li nok Asyer, ma anbi neno saen nok Noe Yordan.

³⁵Kot-kot le mabaki lape esle': Zidim, Zer, Hamat, Rakat, Kineret,

³⁶Adama, Rama, Hazor,

³⁷Kedes, Edrei, En-Hazor,

³⁸Yiron, Migdal-El, Horem, Bet-Anat, ma Bet-Semes. Sin pah ok-oke natam nan kot bo'es am sio nok ale kuan-kuan le anhaumak anbi nane.

³⁹Kot-kot nok in kuan-kuan sin le anbi pah nane anfe nani sin neu ale ume toko anbi uf Naftali hen fani sin pah bale bela.

⁴⁰Batis hae hitu nane anbati pah neu ume nanan anbi uf Dan.

⁴¹Sin pah nane natam nan Zora, Esytaol, Ir-Semes,

⁴²Saalabin, Ayalon, Yitla,

⁴³Elon, Timna, Ekron,

⁴⁴Elteke, Gibeton, Baalat,

⁴⁵Yehud, Beneberak, Gat-Rimon,

⁴⁶Me-Yarkon, Rakon, ma pah anhaumak Yope amsa.

⁴⁷Atoni-atoni uf Dan sin naneku nalali sin pah bia, es nane te sin anao neu Lesem ma anken nape' kot nane. Sin nasik nan kot nane, namate nani kot nane tuaken, ma sin antoko kot nane. Sin natua anbi nane ma sin nabaina kanaf kot Lesem nane anfani kot Dan, natuin sin amaf kanan.

⁴⁸Kot-kot nane nok in kuan-kuan sin le anbi pah nane anfe nani neu ume toko anbi uf Dan hen fani sin pah bale bela.

⁴⁹Leka to Israel anbati nalali nain anbi pah nane, sin anfe neu Nai Yosua Nai Nun anmone pah bale bela hen fani in-ini.

⁵⁰Onle UISNENO naplenat nani, sin anfe neu Nai Yosua kot le in antoti, esle': Timnat-Serah anbi neten Efraim. Nai Yosua nahakeb nafani kot nane, oke te in natua anbi nane.

⁵¹Onle nane Ana' Fuat Knino Nai Eleazar, Nai Yosua Nai Nun anmone ma ale anakaf to anbi uf-uf nonot Israel sin anbati nain anbi pah nane nok anhelan sulat antoti lekat lulut na'ko UISNENO. Sin antao ma anmo'e lasi nane anbi Silo anbi Um-ume UISNENO anbi eno matan. Onane sin nasopu lasi bati pah nane.