Read Uab Meto 1 SAMUEL 14 Bible Online

1 SAMUEL 14 - Uab Meto bible

1 SAMUEL 14

¹Anbi neno mese Nai Yonathan nak neu atoni munif amneki bale manuat nak, “Aum nai, hit atnao teu bale paot atoni Filistin anbi bale nane!” Mes in ka naton fa lasi nane neu in amaf.

²Anbi tabu nane Nai Saul in antoko ma nahafo anbi lin-kase un anbi Migron, ka na'lo fa na'ko Gibea. Ma to le nok Nai Yonathan oni sin 600. (

³Ana' fuat knino le neki Efod nane Nai Ahiya Nai Ahitub anmone, Nai Ikabod in biaf Nai Pinehas anmone, Nai Eli anmone, Ana' fuat knino UISNENO anbi Silo.) To amsa ka nahin fa nak Nai Yonathan in anao na'ko bale nane.

⁴Ma neu he nao antia bale paot atoni Filistin nane, Nai Yonathan mes he nao nok tubu aon bian le fatu putun ma'aika nua le natnana tubu aon bian nane este kanan Bozes ma es te kanan Sene.

⁵Fatu putun le anbi bian a'li anbaina neu Mikhmas, ma abit bian a'ne'u anbaina neu Geba.

⁶Nai Yonathan nak neu atoni munif nane nak, “Aum he hit atnao teu bale paot atoni Filistin ka ma uisneno nane. Oni UISNENO hen bab kit. Natuin UISNENO anfe mnisat, leko he teki atoni namfau ai leko he teki atoni al akle'o.”

⁷Atoni munif nane natae nak, “Sa' le Usi ho he moe, ho ate au utuin.”

⁸“Leko,” Nai Yonathan nak onane, “Leka hit atlak, hit of talil'ok teu atoni-atoni Filistin nane.

⁹Ma leka sin anlelu kit he tasnas ma atpao talantia sin nem neu kit, of hit tabalah atbi nane ma ka nabe'i fa he hit atlak.

¹⁰Mes leka sin anlelu kit het nao teu sin, hit of atnao teu bale nane, natuin nane in atakan nak UISNENO nana'at nalali sin neu kit.”

¹¹Leka sin nua sin nalil'ok neu atoni Filistin anbi bale paot nane, atoni-atoni Filistin sin nak: “Miet nai, anmui atoni-atoni Ibrani le sin anpoi na'ko ale bola' bale sin natolo' anbine!”

¹²Nalali te sin nak neu Nai Yonathan ma in ate nak, “Amsae aim nai he hai miton neu ki sa'-sa' es!” Oke te Nai Yonathan in nak neu in atoni munif nane nak, “Mutuin kau nai, natuin UISNENO nana'at nalali sin neu Israel.”

¹³Nai Yonathan an akanama ansae neu sin, ma atoni munif nane natuin in. Leka Nai Yonathan anbol, onane te Nai Yonathan antepo sin talantia sin anbel anbi Nai Yonathan matan, ma atoni munif nane in namate le anbi Nai Yonathan kotin.

¹⁴Anbi makenat ahunut nane, Nai Yonathan ma atoni munif nane sin namate atoni oni bo'nua anbi bale le menuan meter natun nua am bo'nim.

¹⁵Lasi nane neki lasi skeken neu atoni Filistin anbi sin um-ume ma anbi mnela hufui. Ale to Filistin ok-oke nok ale apaot le anpao bale paot ma ale pukan-pukan atoni asikat sin namtau; ma nesi na'ko nane pah antainunu ma lasi taisibu anbol nok matani.

¹⁶Nai Saul in to meo apaot anbi Gibea anbi pah Benyamin, sin nit atoni Filistin naen neum neman nok amtaus anae le'uf.

¹⁷Onane te Nai Saul in nak neu in to meo sin nak, “Amso'i ale to meo ma amtae neu sekau es ka esan.” Ma sin nanaoba plenat nane oke te sin napeni nak Nai Yonathan ma atoni munif amneki bale manuat sin ka esan fa.

¹⁸“Meki Efod nane nem neu i,” Nai Saul nak neu Ana' fuat knino Nai Ahia. (Anbi neno nane Nai Ahia neki Efod nane neu atoni Israel sin matan.)

¹⁹Leka Nai Saul fe namolok nok Ana' fuat knino nane, slutuf anbi um-ume atoni Filistin nane ansae nasek'-sek'on talantia Nai Saul nak neu Ana' fuat knino nane nak, “Hit kat mu'i fa sona anteni neu he toti fainekat na'ko UISNENO!”

²⁰Oke te Nai Saul nak neu amnoktin sin anao ok-oke neu bale makenat. Anbi nane sin nit anmu'i taisibu anbi atoni Filistin; sin anmakenan anmafani nanan es nok es ma anmamatenin es nok es.

²¹Atoni-atoni Ibrani le sin natua anbi pah Filistin, ma le sin nek buanok to meo Filistin, sin anapsok anfani nok Nai Saul ma Nai Yonathan.

²²Onane amsa atoni-atoni Israel le sin natolo' anbi tubu-tubu Efraim, le sin nen nak atoni Filistin sin naen nalali, sin amsa nabua ma anken atoni Filistin nane.

²³Sin anmakenan anao nok lanan talantia anfini Bet-Awen. UISNENO nafetin Israel anbi neno nane.

²⁴Anbi neno nane atoni-atoni Israel anbi olet anae le'uf natuin sin namnah, natuin Nai Saul ansup nalali on i, “Sukat neu sekau le in anbukae sa' es anbi neno i nahun na'ko au fe ka seunbanin fa au musu sin.” Es nane te katit fa es amsa le hen bukae anbi neno nane.

²⁵Oke te sin al-al sin nem antia nasi mese ma sin nit oni hau amfau le'uf anbi nane,

²⁶mes katit fa es amsa hen bukae sa'-sa' es na'ko oni hau nane, natuin sin namtau he napeni sukat le Nai Saul ansukat nalali.

²⁷Mes Nai Yonathan in ka nahin fa neu in amaf ansali to neki sukat nane; es nane te in naiti in auni le in neki, ma napau oni, oke te in naiti oni nane ma in anbukae. In anaben in matan anmeu ma napeni matani.

²⁸Nalali te to meo mese na'ko ale to meo nane nak neu Nai Yonathan nak, “Hai al-al kai oke ka mibe'i amteni fa natuin hai mimnah. Mes Usi ho ama ansali kai neki sukat nak, ‘Sukat neu sekau le in anbukae anbi neno i.’ ”

²⁹Mes Nai Yonathan natae nak, “Au ama in mo'et nane lo matani kun neu kit! Amkiso, au matak anmeu natuin leka au bukae oni hau akle'o.

³⁰Leka onle nafetin to he sin anbukae bukae le sin nasik nani na'ko musu le sin nis ma anbe'u nalali sin, mes hit tamate atoni Filistin namfau nesi anteni!

³¹Anbi neno nane atoni Israel sin nis ma anbe'u atoni Filistin leka sin anmaken na'ko lanan Mikhmas antia Ayalon. Mes oke te sin anhae anmate,

³²ma sin nasikan ale sa' le sin antet nani na'ko musu; sin antet nan bibi kase ma bijae ma anlolo sin anbi bale nane amsa, ma sin anbukae nani sisi nane le fe mate nok in na'.

³³Oke te sin naton lasi nane neu Nai Saul nak, “Usi, to nasanab nalali neu UISNENO natuin sin anbukae sisi mate nok in na'. Nai Saul in anbai nak, “Hi ka aki'at ki fa! Amfole fatu naek mese nem neu i!”

³⁴Nalali te in nak anteni neu atoni-atoni le neki hanaf nane nak, “Amnao misan'om neu ale to ma amlelu sin he neki sin bijae ma sin a'bibi nem neu i, he nati' anlolo sin anbi fatu i ma sin anbukae nani anbi i; nok nane te sin kan bukae Farisi mate nok in na' ma ka nasanab anteni fa neu UISNENO. Fai nane amsa to ok-oke sin neki mu'it le sin nasik nani ma anlolo anbi nane.

³⁵Nai Saul nahakeb baki fuat neu UISNENO; i baki fuat ahun-hunut le nahakeb nani neu Uisneno.

³⁶Oke te Nai Saul nak neu in to meo sin nak, “Aim nai he hit atnao het laban atoni Filistin anbi fai i oke te hit atet tan sin sa'-sa' talantia noka ma tamate sin ok-oke.” Sin natae nak, “Leko Usi ho moe sa' le Usi ho mutenab leko.” Ma Ana' fuat knino natae nak, “Aim he hit atoni fe fainekat na'ko Uisneno.”

³⁷Oke te Nai Saul natoti Uisneno nak, “Nabe'i ka au he laban atoni Filistin? Ho of muna'at sin neu Israel sin niman ka?” Mes anbi neno nane Uisneno ka natae fa Nai Saul.

³⁸Es nane te Nai Saul nak neu ale anakaf to nak, “Aim meu i ok-oke ma amtae nai sanat sa' ka esle' hit atmoe anbi neno i.

³⁹Au manba'an natuin UISNENO amonit, le anfe lasi mnisat neu Israel, nak atoni le nasanab of in anmate, maski Nai Yonathan au anmone.” Mes es ka nabe'i fa he natae in.

⁴⁰Oke te Nai Saul nak neu to Israel ok-oke nak, “Hi al-al ki oke amhake anbi aon bian i.” Sin natae nak, “So Usi ho moe sa' le Usi ho mutenab leko.”

⁴¹Nalali te Nai Saul in onen toti nak, “UISNENO, atoni Israel, nansa' neno i Ho ka mutae ka fa? Koi UISNENO, mutae kau nai anao nok fatu-fatu knino i. Leka sanat nane anbi kau ai anbi Nai Yonathan, mutae kau anao nok fatu Urim, mes leka sanat nane anbi Ho to Israel, mutae kau anao nok fatu Tumim. Ma han taes UISNENO anlek ma anlulu neu Nai Yonathan ma Nai Saul; nok nane te naton nak to ka nasanab fa.

⁴²Oke te Nai Saul nak, “Koi UISNENO, amlek nai he au ka ai he Nai Yonathan.” Ma naton nak Nai Yonathan es nasanab.

⁴³Oke te Nai Saul nak neu Nai Yonathan nak, “Sa' es ho moe mulali ka?” Nai Yonathan natae nak, “Au bukae ulali oni hau akle'o le au aiti eki au tias in tunan; au lomi neu he mate.”

⁴⁴Oke te Nai Saul nak neune nak, “So nati' Uisneno ankas kau leka ka namate ko fa, Nai Yonathan!”

⁴⁵Mes to nak neu Nai Saul nak, “Mes he tamate Nai Yonathan ka? Le in es neki lasi mnisat anaek neu kit ka? Hai manba'an natuin UISNENO amonit, ka nabe'i fa Nai Yonathan in anakan funu nono mese amsa hen mofu neu afu. Natuin UISNENO anbab in, es nane te in napeni nalali lasi mnisat anbi neno i.” Onle nane to nafetin Nai Yonathan na'ko lasi maten.

⁴⁶Oke te atoni Filistin sin anfani neu sin pah natuin Nai Saul kan li'u fa sin anteni.

⁴⁷Leka Nai Saul anfani Kesel Israel, in anmaken anfun natef anbi me-me anlaban ale musu Israel, atoni Moab, atoni Amon, atoni Edom, ale kesel pah Zoba ma atoni Filistin. Anbi ma in anmaken, in napeni lasi mnisat piut.

⁴⁸In anmaken nok matain le'uf kun ma nis ma anbe'u atoni Amalek, ma nafetin Israel na'ko atoni asikat sin.

⁴⁹Nai Saul in anmone sin esle' Nai Yonathan, Nai Yiswi, ma Nai Malkisua. In anfeto nael kanan bi Merab ma in anfeto kliko kanan bi Mikhal.

⁵⁰In fenai kanan bi Ahinoam, Nai Ahimaas anfeto; ma in meo naek kanan Nai Abner Nai Ner anmone, Nai Saul in babaf.

⁵¹Nai Saul in amaf Nai Kish, ma Nai Abner amaf es Nai Ner nane anah-anah Nai Abiel.

⁵²Nai Saul anbi in amonin in anmaken piut nok matani anlaban atoni Filistin. Es nane te, leka Nai Saul in nit atoni abe'it ma ka amtaus fa in naiti sin anfani in to meo.