Read Uab Meto 1 SAMUEL 27 Bible Online

1 SAMUEL 27 - Uab Meto bible

1 SAMUEL 27

¹Nai Daud natenab anbi in nekan nak, “Maski onme amsa anbi neno mese Nai Saul of namate kau, katit fa lanan bian neu kau, somak kalu au aen eu atoni Filistin sin pah. Nok nane te Nai Saul of ka nami kau fa anbi Israel, ma au amsa of upeni aomina.”

²Oke te Nai Daud ma in amnokten sin natun ne sin anfen ma sin anao neu Nai Akhis Nai Moah anmone, kesel kot Gat.

³Ma Nai Daud nok in amnokten sin natua nabalah anbi Gat, es-es te nok sin ume nanan. Nai Daud in nok in fenainu nua sin bi Ahinoam bife na'ko Yizreel, ma bi Abigail bife banu na'ko Nai Nabal, bife na'ko Karmel.

⁴Leka Nai Saul in nen nak Nai Daud naen nafetnon anbi Gat, Nai Saul ka nami anteni fa Nai Daud hen heke in.

⁵Oke te Nai Daud nak neu Nai Akhis nak, “Kalu Usi hom nek ho ate kau, amfe neu kau kot ana mese anbi bale pesbia mese, he au utua bine, talantia ho ate ka utua ok ko fa Usi anbi kot ainaf i.”

⁶Oke te Nai Akhis anfe kot Ziklag neu Nai Daud, ma natuin lasi nane te Ziklag anfani Kesel Yehuda sin in-ini talantia neno i.

⁷Nai Daud natua anbi pah Filistin ton mese ma funan ha.

⁸Anbi neno Nai Daud nok in amnokten natua anbi Ziklag foenanat sin anfen ma anao ma anlaban atoni Gesur, atoni Girzi, ma atoni Amalek; fun uf-uf nane pah nane sin tuaken. Nai Daud nateku pah nane talantia pah Sur, ma anfini antia Mesir amsa.

⁹In namate atoni ma bife ma nasik nan ale sin bibi kase, bijae, bikase luke mnanu, bikase paha snaen ma ale bale pake. Oke te in neki anfani nem neu Nai Akhis.

¹⁰Leka Nai Akhis natoti in nak, “Neno i hom nao ma muteku anbi me ka?” Onane te Nai Daud natonan Nai Akhis nak in anao neu pah Yehuda bian a'ne'u ai in anao neu pah atoni Yerahmeel ai in anao neu bale atoni Keni le sin natua anbine.

¹¹Katit fa atoni mese amsa anbi bale-bale le in nateku sin nane la nafetin sin hen moni, he nati' es kais na'ko bale nane naen ma anao neu Gat ma naton lasi sa' le namneo-namneo Nai Daud ma in amnokten anmoe nalali. Onle nane Nai Daud le in anmoe anbi neno in natua anbi pah Filistin.

¹²Mes Nai Akhis in ka natenab fa sa'-sa' neu Nai Daud natuin in natenab anbi in nekan nak, “In to anbi in pah kan lomi fa in, talantia in naseke'on anfani au ate anbi in monin ok-oke.”