Read Upper Grand Valley Dani Lukas 1 Bible Online

Lukas 1 - Upper Grand Valley Dani bible

Lukas 1

¹Teofilus newe. Wene nit ninanggerleka nen kagat lagike etnogo, it wene ebe erlo paga nen kagat larik wagonem inilenggen kasukasik yanggul isalik noko laguka mende nen yoknisasuka ndak-ndak kogo, it akoni amberek inebe mondok dogalegat wene ebe kolal mbaluwogoluk walkilik waguka.

³Esigit diluk walkilik waguka mendeat, an nen, wene eti erlo paga nen dikogo yanggul lo lagagisik nogo nen, kat wene yanggul kikuka mende eti eberogonat yiluk ambanok nen, wene ebe mbilelogo kolal mbalogo koba laʼbi wisigiluk ambasi lagarik mbaligogo yi o. Newe.

⁴

⁵Ap nggok Herodes eti o Yudea agum endaganggok werek oba, ap omanggi endaga Zakharia, ebe ap Abia nen endago mende inom inebe Allah indewerek dogolik, at ake kagako laguka mende welagike. Nen, at age ap Harun nen endago mende endaga Elisabet eti welagike.

⁶It age imbisak eti ninombae Endaganggok nen, “Yigit diluk kagatno, ndigit diluk kagatno,” yiluk, yanggul nisigik, ninasuk wakik, yisike mende etnogo, mondok motogonat kagako lagukama, at Allah nen, “It eti inobabut pano mondok,” yiluk, enggagat ilenggen iyasi lagike.

⁷Mende, at kwe Elisabet eti ebe abirli eyak mondok endak kigidek dogolik, agun imbisagat arat inarlongga agukasik welaguka.

⁸Esigit diluk inarlongga atluk dogolik, ininggi omanggi paga, at Zakharia ebe inom, ap amberek inebe omanggiat mende inom, Allah indewerek dogolik, it nen at Allah ago palekma unggiluk kagasusak erlok agike. Erlok agikemo unggisukasik, obasi pano mende Allah il oba ta kak nen kali kuni unggigin, yiluk omandok senggerlogo walkasuka mende, at Zakharia oba mot agikemo kali kunigiluk Allah ago palekma unggisike.

⁹

¹⁰Esigit diluk unggiluk kali kunggo nggorlek, it akoni inebe dogalegat o silimo nandorlogo sembayan yisi laguka.

¹¹Obasi pano mende etnogo kali kunggonem, ninombae Endaganggok agot, malaikat Allah nen yonggo wusa ʼbiya wirigogo mende omanggi wusa wagikesik obasi pano mende kali kunggo lagukama etnogo ininggi ebengge Zakharia elokoma melagikemo ilenggen kasike.

¹²Ilenggen kalok nen, agut lagikesik nen ayuk agikemo,

¹³at malaikat etnogo nen, “Zakharia! Kayuk agup o. Kat sembayan yisi lagan etnogo, Allah arat asuk kolke o. Kage Elisabet eti eyak abat endasigin o. Endasumo nen endaga Yohanes salino.

¹⁴At eti agoya akla nenat, Allah Agurengge akla mondok nggerlekogo endak latluk, ninombae Endaganggok il oba ebe nggok dogolik, anggur enggen ambusu inom, i kunu-gunu arigogo mende omanggi inom, ninggidek mondok dogolik, akoni Israel mende inebe dogalegat inendainggen ninombae Endaganggok Allah oba panggot diluk dogowagaluk, at nen inobabut kwalinabigin o. At endak lagonem akoni inebe dogalegat inakla arlenggen kasi nggorlek, kat nen, kakla arlenggen kigik, ebe koba kondok yigik, kagasigin o.

¹⁵

¹⁶

¹⁷Allah Agurengge ap Elia eti akla dogolik kagarik noko lagike mende eti at Yohanes eti oba duk yi witluk, elegerlak inombae lak inom, dambukogo ʼbiyigik, wene inasuk koluʼbuk mende it amberek wene kol diluk motogo kagarigogo mende inobabut waganuwagaluk kagarinakik, inebe ninombae Endaganggok akeat dogowagaluk nggarelogo ʼbiyigik, kagasigiluk, at ndak endak latluk esigit diluk kagarik noko dogogin o,” yiluk yogokike.

¹⁸Esigit diluk yogokikemo, at Zakharia nen, malaikat etnogo men yogokike, “An nage nimbisak arat ninarlongga agosikmo, wene yegen eti ninggit diluk kagat lasigin. Eberogonat kagat lasigin yiluk ninggit diluk nilu asigin,” yiluk yisikemo

¹⁹at malaikat etnogo nen, “An Allah il oba mendek dogoligogo mende nendaga Gabriel, eti nebe anat o. Pano wene yi yokisuwagaluk, at Allah nen yonggo laʼbani wagama wagi o.

²⁰Esigit diluk wagarik wene yokigi mende, eberogonat ambigidek eti paga, kagat lasusak mot-mot oba kagat lasigin eti awan kagat lagidek werek nggorlek, kane mondok mbalogo wusalok kane yigidek ndetnokogo dogoluk nen, yabunggane wene eti taʼbokogonat kagat lagonem nen, kane kuwak yigin o,” yiluk yogokike.

²¹Esigit diluk yogoko nggorlek, it akoni o silimo sembayan yisi welaguka yomenogo nen, “Zakharia etnogo silimo mondok duki wagidek Allah ago palekma mondok puk werek eti ninayuk a!” yiluk esigit diluk yisinem,

²²Zakharia ebe duki wagikesik nen, wenenggak omanggi mondok yogisigidek puk agikemo, it yomenogo nen, “Ap yi Allah ago palekma nen aʼbingganggo omanggi keke kigi,” yiluk didisuka. Esigit diluk yisinem, at etnogo ane omanggi mondok yigidek, we inggi mbilinat yisi lagike.

²³Allah ake kagasuwagaluk it yomenogo nen Zakharia yogokuka etnogo, arat kagakikesik nen, uma lagike.

²⁴Aguma lagikesik ininggi mbererlagat welagukasik nen, age Elisabet etnogo elege aburla agike. Aburla agikemo, “Nombae Endaganggok eti an naʼbuwa nen akoni ninom nenggarli negen kasi lagi etnogo dek asuwagaluk kagat nake kigi o,” yiluk, sikman dukigidek uma limago mondok werek nggorlek, sut 5 paga ndagalkike.

²⁵

²⁶Kwe Elisabet etnogo eyak aburla werek nggorlek, sut 6 oba ndagalkikemo, Allah nen malaikat mbogot oba yonggo laʼbiya wirigogo mende omanggi Gabriel etnogo Galilea etomangge, o unggul endaga Nazaret, etoma korlak endaga Maria, ap Yusuf Daud omba mende eti imbisak wene warek werekma oba laʼbi wagike.

²⁷

²⁸Laʼbi wagikemo, at malaikat korlak etnogo oba wagikesik nen, men yogokike, “Maria niru o! Allah nen pano mondok mende wokisigiluk kimbisak werek o,” yiluk esigit diluk yogokikemo

²⁹at korlak Maria etnogo asuk kol diluk, ayuk nen owak del kasi dogolik, “Keyagi warogo yokneke eti ninggit diluk yokneke,” yiluk akla nen ebekike.

³⁰Esigit diluk ebeko lagikemo, at malaikat etnogo nen, “Maria, niru o. Kayuk agup o. At Allah nen kebe kaʼbuwa kekesik oba kondok yeke o.

³¹Lakan, kat keyak aburla atluk abat endasigin. Endatluk nen, endaga Yesus salino.

³²Nen, elege eti arluwe atluk nggok agonem, akoni nen, Allah Endaganggok dogoligogo etnogo aʼbut kigi o, yiluk yisi dogogun. At akomba Daud eti endaganggok dogolik, akoni at nen pagisek welagike etnogo obalikmo, ninombae Endaganggok nen, at eta at mendigin o.

³³Yakub nen endago mende yomenogo inewe Endaganggok at etiat apma ane kolek mondok dogogun o. Esigit diluk pagisek dogolik ebe puk agidek Endaganggok mondok dogogin o,” yiluk esigit diluk yisikemo,

³⁴at korlak Maria nen, “An ap ninom noge yigidekma, kat yokneken eti ninggit diluk kagat lasigin,” yiluk esigit diluk yisikemo,

³⁵at malaikat etnogo nen, “Allah Agurengge koba duk yi witluk nen, nggunakma unggiligogi kak, ninombae Allah Endaganggok obatneyak eti apma ʼbagagin o. ʼBagumo, keyak Allah arligat aʼbut endasumo nen, akoni nen, At eti Allah aʼbut, yiluk yisi dogogun o.

³⁶Nen, lakan, kat kewe Elisabet etnogo ebe arlongga aga mende, eyak abat aburla agama o. It akoni amberek nen, Kwe eti ebe abirli o, yiluk, abok yiligogi etogo eyak aburla agasik sut 6 oba ndagalkemo yokigi o.

³⁷At Allah nen yi mende ndi mende kagasusak kai, dek o. Erlok kagasusak arlek,” yiluk yogokikemo

³⁸at Maria nen, “E o. An ninombae Endaganggok anduwanenggeat o. Kat nen yegen eti ndak-ndagat kagat nabuwak o,” yiluk yisikemo, at malaikat yonggo wagike mende etnogo Maria togot diluk lagike.

³⁹Malaikat etnogo lagikemo, at korlak Maria inggi mbererlagat welagikesik nen, o Yudea wusasikesik nen, ndom oba etoma dagisikesik,

⁴⁰ap Zakharia etnogo aguma unggi lagikesik, kwe Elisabet etnogo keyagi wakike.

⁴¹Maria nen keyagi wakonem Elisabet asuk kolko nggorlek eranogoat, eyak aburla welagike mende etnogo aborlok yisike. Aborlok yisi nggorlek, Allah Agurengge, kwe Elisabet akla nggerlekogo unggisike.

⁴²Unggisikemo, at kwe Elisabet etnogo ane nggokogonat, men yisike, “Kumi inebe dogalegat werek nggorlegat, Allah nen, Pano mende karat wokigik, keyak aburla eti panot digik kagakemo.

⁴³Nen, kat kebe an newe Endaganggok agoya nen ʼbitniya wagan yi nayuk o!

⁴⁴Kat nen keyagi watnakonem nasuk kolko nggorlegat, elege aburla mende nen akla arlenggen kasi dogolik aborlok yeke o.

⁴⁵Nombae Endaganggok nen abok yokokike mende, ebeat asigin o, yiluk, kendainggen Allah oba panggot degen eti kakla arlenggen nggogat kigin o,” yiluk yogokike.

⁴⁶Esigit diluk yogokikemo, at korlak Maria nen, “Nombae Endaganggok eti an nakla nen pogorarigogo o.

⁴⁷Allah nen ndil nake mende etnogo nen yigit diluk kagat nakemo nakla arlenggen nggogat kiligogo o.

⁴⁸An at anduwanengge mende eti inapma negen werekma ilenggen niyeke o. Kurli yogondak nen, akoni taʼbokogonat nen, Allah nen, pano mende wogokemo, yiluk yisi dogogun o.

⁴⁹At obatneyak mende nenat, nggok mende kagat nake o. At enggaerek arligat endaga werek dogowak o.

⁵⁰Akoni taʼbokogonat, paganeat nen endak laguka mende inom, ngget endak lagaka mende inom, yabunggane endak lasugun mende inom, at ebe inayuk werekma inaʼbuwarek nen pano kagarinako dogogin o.

⁵¹At inggi obatneyak eti paga, akoni inakla nen inenggaerek inanggengge ʼbakiligogi mende eti mondok mukogo sirlik-mbirlikogo wula ʼbiyeke o.

⁵²Akoni nggokndek inendaganggok dogoligogi mende eti sebelogo ʼbiyasi dogolik, it inendaga dek mende eti mendiyigik,

⁵³akoni inakla abu dogoligogo mende eti pano mende inaʼitogo wogisasi dogolik, it ininggi werek inamende dogalegat pago mende eti omanggi wogisigidek werlegat laʼbiyasike.

⁵⁴Paganeat ninombae Abraham inom, at nen endago mende taʼbokogonat inom, mondogat panorinabigiluk abok yogisasike etnogo ndak-ndak, at agoromi ap Israel mende inoba ebetluk inaʼbuwarek nen yamagiya waga yi o,” yiluk yisike.

⁵⁵

⁵⁶Esigit diluk yisikesik nen, at korlak Maria etnogo sut kenagan negen, kwe Elisabet imbisak welagikesik nen, yabunggane aguma iyogoba wagike.

⁵⁷At korlak Maria wagikemo nen, kwe Elisabet etnogo eyak endasusak korogat agikemo, eyak abat endakasike.

⁵⁸Endakasikemo, it akoni inom welaguka mende inom, at ewe agot yomenogo inom, “Ninombae Endaganggok eti nen mondok aʼbuwa kekesik nen kagake kigi o,” yiluk yisukasik nen, at enggaerek inom inakla arlenggen kasuka.

⁵⁹Inakla arlenggen kasukasik, elege eti endak lagikesik oba nen ininggi 7 paga welagukasik nen kubulukngge, elege etnogo owado enggarlimo mende mbaluwagaluk wolok waguka. Wagukasik nen, Elege yi ombae endaga ndak-ndagat endaga Zakharia saluwok, yiluk yisuka mende,

⁶⁰agoya nen, “Dek o. Endaga Yohanes salugun o,” yiluk yogisasike.

⁶¹Esigit diluk yogisasikemo, it yomenogo nen, “Kewe kagot inendaga esigit diluk dekma, endaga Yohanes salken eti nenaluk salken,” yiluk, esigit diluk yisukasik

⁶²elege etnogo ombae Zakharia etnogo ininggi mbilin yogoko dogolik, “Endaga nggi salusak?” yiluk,

⁶³esigit diluk endema waganggukama, at Zakharia nen, “Nggit mende kolal mbaligogo mende eti omanggi woknitni,” yiluk inggi mbilin yisikemo wogokukama, “At endaga Yohanes o,” yiluk, kolal mbalkike. Kolal mbalkikemo akoni dogalegat yomenogo nen, “Nayuk o!” yiluk pogorakuka.

⁶⁴Pogorako nggorlek eranogoat, Zakharia etnogo ane mondok kuwak yiluk nen, ane yisi dogolik, Allah keyagi wako lagike.

⁶⁵Esigit diluk kagakikemo, it akoni inom welaguka mende yomenogo inayuk mondok aguka. Inayuk atluk, wene kagat lagike mende etnogo abok o Yudea ndom obangge etoma mondok mbilin-mbalintogo yogisilik lagukama wene eti nggok arik lagike.

⁶⁶Esigit diluk kagat lagikemo inasuk kolkukasik, “Allah nen obatnerogo nggogot dekemo kigi,” yiluk inilenggen kalok, inakla ebeko dogolik, “Elege werek yi arluwe atluk, ninggit diluk kagat lasigin,” yiluk yisi laguka.

⁶⁷At Yohanes ombae Zakharia etnogo Allah Agurengge akla nggerlekogo unggisikemo Allah wene yisi dogolik, men yisike,

⁶⁸“Nit akoni Israel mende eti ninombae Endaganggok Allah nen ilenggen niya wagasik ndil ninakemo eti paga, arat pogorako doguwok o.

⁶⁹Ndil ninabuwagaluk at anduwanengge Daud nen endago mende obatne werek mende mendekemo werek yi o.

⁷⁰Esigit diluk kagake eti it ap muk paganeat mende Allah nenat enggaerek ake mikogo ʼbiyasikemo wene yogisasi laguka mende nen yogisasi dogolik,

⁷¹It akoni amberek ninom wim mbalek mende ininggimo nen ndil ninakik, it akoni taʼbokogonat ninebe mondok inaʼit niyiligogi mende ininggimo nen ndilogo ʼbinanggik, kagasigin o, yiluk, yisi laguka etnogo ndak-ndagat kagat lagike.

⁷²At nen ninakombalak eti inaʼbuwa nen panorinabigin yiluk abok yisike etnogo ebe kagarinakik, Esigit diluk kagat kinabigin yiluk, wene enggaerek nen abok yogisasike etnogo ebe kagakik, kagasigin o, yiluk, nakla eberek dogogin o, yiluk yogisasike. Esigit diluk kagasigin o, yiluk kumbuk mbalogo ninombae Abraham yogokike kak kagasi waga yi.

⁷³

⁷⁴It akoni ninom wim mbalek mende ininggimo nen ndilogo, ninayuk agidek niniluk dogolik, Allah ilenggen werek nggorlek nit weyak kagakidek, at akeat motogo kagakik, kagako dogowagaluk kagasi waga yi.

⁷⁵

⁷⁶Nen, kat naʼbut yi nen, ninewe Endaganggok wisiginmongge kolak yako dogowagaluk, kat alebagik yonggo lago dogolik, akoni yi weyak ndi weyak kagarigogi mende Allah nen, wene inoba mende sagalogo deget diyalok ndilinabigin eti wene kat nen yanggul isamo inilu asigin eti paga, kat kabok yisi dogolik, Nggok ombo paga dogoligogo mende ane yogisilik liligogo etnogo ebe yi o, yiluk, yisi dogogun.

⁷⁷

⁷⁸Ninombae Allah eti ninebe ninaʼbuwa dinaniluk nen, o mo kuben yago wirigogo kak, mo ombo etoma nen ninoba laʼbi wago dogolik,

⁷⁹O amummo dogolik watlasusak eti ninayuk, yiluk ambiligogi etnogo o liya kagarogo ʼbiyigik, ninobake mbalek ninayuk werekma, Kolak yi paga kinendainggen kambukogo lani yiluk, yoknisigik, yigin o,” yiluk Zakharia nen yisike.

⁸⁰Nen, at aʼbut etnogo ebe arluwe atluk endainggen mondok korle agikesik, akoni Israel mende awan inoba lagidek dogolik, o limo akoni mondok dekma etoma welagike.