Read Upper Grand Valley Dani Wahyu 7 Bible Online

Wahyu 7 - Upper Grand Valley Dani bible

Wahyu 7

¹Esigit diluk nilenggen iyigirik oba nen, omborlik, ap malaikat inebe 4 paga mbogot erlomangge ombongge-wemangge elomangge-yomangge kwiyakne pulka wirigogomangge, kolak ilugun sebelek mende dogolik, kwiyakne 4 paga nen agat obangge pulka wago dogolik ongga aborlogot digik, i laut yenggelekmangge pulka wagik, kagasunogo yiluk ininggi pago werekma lagiyigi o.

²It esigit diluk werek nggorlek, malaikat ninat omanggi o mulinggi dagi wirigogoma etoma nen Allah iluk mondok dogoligogo mende asirlo negen wolok duki wagasik, Allah nen it malaikat inebe 4 paga agat inom, i laut yenggelek inom, weyagat duwagaluk indewerek ʼbiyasike mende yomenogo men yogisasinem kolki,

³“Nit nen, it ninombae Allah anduwanengge mende ninakla enggerlogo Allah asirlo negen inilkawak oba awan ʼbiyigidek werek nggorlek agat inom, i laut yenggelek inom, o erlo inom, weyagat dusak dek o,” yiluk yogiseke.

⁴Esigit diluk yogisekesik nen, akoni Israel nen endago mende inunggulowak endaga dombok taʼbokogonat inakla enggerlogo Allah asirlo negen inilkawak oba ʼbiyilik lagakesik, “Inebe kurli 144.000 paga sirlo negen ʼbiyilik lagoma,” yiluk yisinem kolki o.

⁵Nen, it inilkawak oba sirlo negen ʼbiyega eti inebe, it akoni inunggulowak endaga Yehuda mende 12.000 paga, it akoni inunggulowak endaga Ruben mende 12.000 paga, it akoni inunggulowak endaga Gad mende 12.000 paga, it akoni inunggulowak endaga Asyer mende 12.000 paga, it akoni inunggulowak endaga Naftali mende 12.000 paga, it akoni inunggulowak endaga Manasye mende 12.000 paga, it akoni inunggulowak endaga Simeon mende 12.000 paga, it akoni inunggulowak endaga Lewi mende 12.000 paga, it akoni inunggulowak endaga Isakar mende 12.000 paga, it akoni inunggulowak endaga Zebulon mende 12.000 paga, it akoni inunggulowak endaga Yusuf mende 12.000 paga, it akoni inunggulowak endaga Benyamin mende 12.000 paga, Allah asirlo negen inebe dombok esigit diluk inilkawak paga ʼbiyegasik nen, “Kurli eti kurli paga ʼbiyogoma werek,” yiluk yisinem kolki o.

⁹Esigit diluk kigirik oba nen, yabunggane nilenggen lagiyigi mende, yi akoni ndi akoni inunggulowak endaga dombok, inowado dombok, inaguma dombok, inane dombok, iniyom nggut uwandek yugu mende, akoni nen endai wako dogolik, yaʼbengga senggerlogo ininggimo waganigogi eti kak, ongga mende ininggimo wolok, Allah nggok dogoligogo mende obalikmo etoma Domba Eyak imbisak dogoligogoma inilka paga nandorlek inebe kurli yi paga yiluk, ininggi wenasusak mondok erlok dek dogolik, inane nggokogo men yisi lagaka,

¹⁰“Yi wu, ya wu, ............................... oi Ninombae Allah nggok kobalikmo dogoligogo mende, oi Domba Eyak kimbisak, .................... oi Ndil ninabigogo mende erlo, ..................... oi Kirat werek,” .................................. oi yiluk endai wako lagaka iyigi o.

¹¹Eti kak, Allah nggok dogoligogo mende obalikmo ebe ndurlem werek nggorlek, it ap inarluwendek yomenogo inom, it Allah nen winamet diyasikemo iniluk dogoligogi mende amberek inebe 4 yomenogo inom, eragalilungge dagakogo werek nggorlek, it malaikat inebe taʼbokogonat inabel sikmangge dagakogo dogolik, ineloke sogum Allah apma unggiluk pogorako lagaka.

¹²Esigit diluk pogorako dogolik, men yisi lagaka, “Ebeat asuwak yu kak, Amin, ..................... oi Ninombae Allah karligat nggok, .................. oi Yi wene ndi wene kilu mondok dogolik, ........... oi Kat kobatne paga paknisek werekma, .............. oi Keyagi watkakik, pogot kakik, ................... oi Kalon palkik, nggogot dagagik, .................. oi Kagako mondok dogogun eti, ...................... oi Ebeat asuwak yu kak, Amin,” .................... oi yiluk endai wako lagaka iyigi.

¹³Esigit diluk yisi nggorlek, it ap inarluwendek yomenogo omanggi nen nendema waganggo dogolik, “It akoni iniyom nggut uwandek mende yugu yoma sani? Nen, o nggoma nen wagaka?” yiluk nendema wagangge.

¹⁴Nendema esigit diluk waganggonem, an nen, “Newe, an nonggodek. Kat karligat kilu werek o,” yiluk yogokimo, at nen, men yokneke, “It akoni yoma agat oba werekma akoni amberek nen yi aik ndi aik dogalegat kagarinakonem, Allah nen ndil inakikemo, iniyom Domba Eyak amep oba arat nggut mondok sobalega mende o.

¹⁵It esigit diluk kagakasikmo nogo nen, Allah nggok dogoligogo mende obalikmo ebe werekma ilka paga mendek dogolik, at ago palekma at ake dinggagane kibanggone kagako mondok werekma, at nggok dogoligogo mende obalikmo werek etnogo nen, mo aik nen akoni inasunogo yiluk, orliya paligogi eti kak, at ebe nen it salogo pagisek dogogin o.

¹⁶Esigit diluk ʼbiyamo werekma, Domba Eyak etnogo Allah nggok dogoligogo mende obalikmo ebe ndumo dogolik, akoni nen wam pagisek dogoligogi eti kak, it inanggorlem mondok dogolik, i akoni inebe inilugurinabigogo mende nowagaluk, i elesimo wogisek lagik, Allah nen inil ambusu kokik, kagako dogogun eti paga, kimbiri inom, i inom, abu ago dogogun mondok dek o. Nen, mo nen inom, kindu nen inom, aik nen yagalinako dogogin mondok degat o,” yiluk yokneke.