Read Urarina Fedoroacha Letoai Leinjiin 3 Bible Online

Fedoroacha Letoai Leinjiin 3 - Urarina bible

Fedoroacha Letoai Leinjiin 3

¹Aihana jaun inara lanaauru ere tonoraain neeuche enecuru. Aihute inara ichao cajeecha coaraain, acaauru rai erenaa latelanaala, nii Cana Coaunera beratenojoin erenaa coitucuhin esenetaain neeuruhine esenetana jerelanaala nenacaauru inara lanaauru,

²esinae rauhijiriin caohachaain neein, nii baaso ichaelanaala inara suujua acateein ichaohichene coaracuruhane.

³Esinae rauhijiriin caohachaain nenaa jeriquichene, nii nitajenaa inaaurera rucuhele oro caje ichanohichuru, cajione caohachaauru, naaonjoainuri que coacuelanaala,

⁴inara suujua aina cutaain esinae rauhijiriin Jesocurisito suujue que coacuhin neeuchete raotojoeein neeiche. Caohachaain Cana Coaunera notaracaae nihacanete jataain nelate.

⁵Nii rijijieein techu nerejetocure cana inoaensihuru benecuru- jeriha Cana Coaunerane rijijieein ichaonacaauru. Nitohaneein jeriha Cana Coaunerane esenetaauruhane jaunte, jeriha acaauru lanaaurune rijijieein acaauru ere tonoraain neeurelu nii acaauru benecuru.

⁶Nitohanihane jaun techu: “Canu curuaanaa,” narejete lana Abaraaun rai Sara, nere tonoraain aca jerihane rijijieein nihane jaun. Nii aihalu Sarane rijijieein casilanaala coejelanaala neeichenete, rauhijiriin coujuriu nii Abaraaun aina Sara nefoerateneein nenaa rijijieein neriquicheein.

⁷Jana inara acaauru lananequichene, jeriha inara sinijeraaurune rijijieein jiniiquiin ita suujua rijijieein neeuche. Coa ene neeuruhane amihaneeon amurijiriin, inara sinijeraauruhacha ichanenu teein nihache. Inara rijijieein acaauru caohachane quete, nitohaneein acaauru rai ichaonaa teein nelu Cana Coaunera. Aineeichenete Cana Coaunera bajaain neeichene, inara ere tonoraenereein Cana Coaunera. Satiin Cana Coaunera ranojoineein nenacaauruhacha ichanenu

⁸Aihana jaun ita suujua rijijieein neein ita janojera rijijieein ita belaain, leeochaauru coroatajaneein, nii leeochaauru amurijiriin nenaa coacuelanaala neeuche.

⁹Jiaonriha tonaain baasoneein inara que ereein neinihane, nii tonaain que baasoneein ereeichene. Niheichu inara nocoeje chanuheranihane, coa inara netonai nocoeje chanuhache. Nitohanenaa coacuelanaala acaauru rai caohacha ichacuche. Nitohaneein inara rai caohacha ichaane coina inara raain nihalu Cana Coaunerane rijijieein.

¹⁰Nii coinate:“Chunocoha nichao colalajiinraoti ichaonaa que ichaonaa jerihane,namute cacha que baasoneein erelanaala,nii casajenelanaala,

¹¹baasoneein ichaonacaauru aina nelanaala,caohachaacha ichaainraotojoeein ichaohane jaanuhacha ariinacaacha sacuhine.

¹²Cana Coauneratecaohachaain suujua coaraain ichaonacaauru beraichaneein nihane jaun,bajaauruhane aonaain ne.Nete laen baaso ichajeein ichaonacaauru quejaoleconaa rijijieein ne,” naa Cana Coaunera Quiricha inoaensi cuhane.

¹³Nitohaneein itolere bana caohacha nejesinaacha que coacuhin neeichene, nerihei inara rai baaso ichara.

¹⁴Nete laen caohacha ichaquichene coreniha necairichanaa coaraquichene nihanatiin rachoojoeein nerausiaejeein neriquicheein. Jiaonriha nii chuni que casiin nesooneein neeichene.

¹⁵Nesoonenaa coacuelanaala raujiaaincha inara suujua cuhane Cana Curuaanaa Jesocurisito coacuhin bajaebajaecuche. Chaen letona jatoroaain neeuche chunocoha inara caje, “Chatohanihana nii jaaecoichene jaan,” naain bajaa inara cajene, raotojoeein belaain beeuchete coitucuhin neeine.

¹⁶Nete acaauru amurijiriin nenaa coacuelanaala, acaauru que inara suujua acateein acaauru rai beeichene caohachae. Nitohaneein coujuriu Jesocurisito esenetaeraneein caohacha nejesina ichaain neeuchete nocoejecurumiin inara que baasoneein erenacaauru.

¹⁷Baaso ichacaachene coreniha necairichanaa coaracaachene amuritoeriintejia nenacaaeneein caohachae caohacha ichacaachene coreniha necairichanaa coaracaachene, nitohaneei jeriha Cana Coaunerane jaun.

¹⁸Nii rijieein techu Jesocurisito netonai lesajeeincha cana osa coreniha cairichanojoineein ohin nelu. Coatiha niqui nii chatohanai baaso ichaain osa que nesaruhin niheilu aca, nete erenaa tonoraelanaala baasoneein ichaonacaauru coreniha necairichaain nelu, rai Inaca Cana Coaunera rene cana amaane coina. Joaenreein cacha rijijieeinte niqui ohin nelu rai jaberoco. Nete aca Cana Coaunera suujuenihane jaun oo caje ichanaain enanetojoeein ichaohin ne.

¹⁹Nitohaneeinte suujue nejesinaneein cuhin, acau tabai itajenojoineein moconajaera casetecanohineein nitajenacaauru suujue relaelu. Acaaurute bote nainaa Nohene reentiaain esenetaauruhane cohaca Cana Coaunerane sainejeein, esenetaaurenihane jaun nitajeeurelu. Acaauru tabaauru esenetaeraauruhachate, itolereneein fosanejeein acau tabai caje nichoteeurelu.

²¹Nii acaute cana osa jianeein ichaohacachene coina baotisanojoinichaane jaa cojunacaneein nenaanelu. Nii aina cuaainte, inae ichoteratenojoineein nihacache cana netonai. Coatiha raujiaain culuonojoiniha cana jaberocone coina baotisanojoi nihaacache. Acate raujiaain cana jaberoco coulocohin, oo caje ichanaai dedeeu cuhin Cana Coaunera raotono nichajai que neein, itolere anjeraauru amurijiriin, cocoainanacaihuru amurijiriin nihane coina nenaa Jesocurisito aina cuaain, aina nenaa coina cana suujue coulooca Cana Coaunerane jaan neein ne.