Read ھازىرقى زامان ئۇيغۇرچە تەرجىمىسىUyghurche Muqeddes Kitab Jemiyiti- زەبۇر 75 Bible Online

زەبۇر 75 - ھازىرقى زامان ئۇيغۇرچە تەرجىمىسىUyghurche Muqeddes Kitab Jemiyiti- bible

زەبۇر 75

¹ئاساف يازغان مۇناجات بولۇپ، «ھالاك قىلمىغايسەن» دېگەن ئاھاڭدا ئېيتىلسۇن دەپ، نەغمىچىلەر بېشىغا تاپشۇرۇلغان. [1] ساڭا شۈكۈر ئېيتىمىز ئى خۇدا، شۈكۈر ئېيتىمىز، چۈنكى سەن يېقىنسەن بىزگە، بايان قىلىمىز كارامەتلىرىڭنى ھەمىشە.

²خۇدا ئېيتار: «مەن بېكىتكەن ۋاقىتتا، سورىقىمنى ئادالەتتە سورايمەن.

³تۇرسىمۇ گەر يەر-زېمىنلار تەۋرىنىپ، ئۆزۈمدۇرمەن قويغۇچىسى ئاڭا تۈۋرۈك ئورنىتىپ.» سېلاھ

⁴مەن دەيمەن ماختانچاققا: «ماختانما»، پاسىقلارغا: «مەغرۇرلىنىپ غادايما،

⁵ئۆز كۈچۈڭدىن كۆرەڭلەپ، تۇمشۇقۇڭنى ئۈشلاپ، پو ئاتما.»

⁶چۈنكى يۈكسىلىش كېلەر پەقەتلا خۇدادىن، كەلمەيدۇ، شەرق، غەرب ياكى جەنۇب، شىمالدىن. [1]

⁷بەرھەق، پەرۋەردىگار بىردىنبىر سوتچىدۇر، ئۇ بىرىنى ئەزىز قىلىسا، بىرىنى خار قىلار.

⁸چۈنكى پەرۋەردىگارنىڭ قولىدا بىر قەدەھ بولار، ئۇنىڭغا ئاچچىق، كۆپۈكلۈك شاراب تولغان بولار. قاچانكى خۇدا ئۇنى تۆكسە زېمىنغا، پاسىقلار دۇغلىرىنى قوشۇپ ئىچىۋالار.

⁹ياقۇپلارنى تاللىغان خۇدا ھەققىدە مەن مەڭگۈ گۇۋاھلىق بېرىمەن، ھەم ئۇنىڭ نامىغا مۇناجاتلار ئېيتىمەن.

¹⁰خورىكى چوڭ ماختانچاقلارنىڭ خورىكىنى كېسىۋېتىمەن. [2] بىراق ئادىل-ھەققانىيلارنى شان-شەرەپكە ئېرىشتۈرىمەن.