Read ھازىرقى زامان ئۇيغۇرچە تەرجىمىسىUyghurche Muqeddes Kitab Jemiyiti- يۇنۇس 2 Bible Online

يۇنۇس 2 - ھازىرقى زامان ئۇيغۇرچە تەرجىمىسىUyghurche Muqeddes Kitab Jemiyiti- bible

يۇنۇس 2

¹يۇنۇس بېلىقنىڭ قورسىقىدا ئۆز خۇداسى بولغان پەرۋەردىگارغا مۇنداق دۇئا قىلدى:

²نالە قىلدىم پەرۋەردىگارغا كۈلپەتتە قالغىنىمدا، قۇلاق سالدى ئۇ ماڭا. پەرياد چەكتىم چوڭقۇر يېرىدىن ئۆلۈكلەر دىيارىنىڭ، قۇلاق سالدىڭ نالەمگە سەن مېنىڭ.

³سەن تاشلىدىڭ مېنى تېگىگە چوڭقۇر دېڭىزنىڭ، قورشىۋالدى مېنى كۈچلۈك سۇلار، بېسىپ ئۆتتى ئۈستۈمدىن دولقۇنلىرىڭ، ئۆركەشلىرىڭ.

⁴مۇنداق دېدىم شۇ پەيتتە: تاشلىنىپ كەتتىم مەن سېنىڭ نەزىرىڭدىن، كۆرىمەن يەنە مۇقەددەس ئىبادەتخاناڭنى لېكىن.

⁵جېنىمنى ئالغۇدەك قورشىۋالدى مېنى سۇلار، ئورىۋالدى ئۆركەشلەر، چىرمىۋالدى بېشىمنى دېڭىزدىكى ئوت-چۆپلەر.

⁶چۆكۈپ كەتتىم دېڭىزدىكى تاغلارنىڭ ئۇللىرىغا، چىقىش يوللىرى مەڭگۈگە ئېتىلگەن جايغا. لېكىن ئى پەرۋەردىگار، خۇدايىم، قۇتقۇزۇۋالدىڭ جېنىمنى ئۆلۈكلەر دىيارىدىن ئۆزۈڭ.

⁷چىقىپ كېتەي دېگەندە جېنىم، ئى پەرۋەردىگار، سېنى ياد ئەتتىم. يەتتى دۇئايىم ساڭا، سېنىڭ مۇقەددەس ئىبادەتخاناڭغا.

⁸ئەرزىمەس بۇتلارغا چوقۇنىدىغانلار پەرۋەردىگارنىڭ مېھىر-مۇھەببىتىنى تەرك ئېتەر.

⁹لېكىن مەن بولسام سۇنارمەن ساڭا، شۈكۈرلەر بىلەن قۇربانلىقلار. ۋاپا قىلارمەن قىلغان قەسەملىرىمگە، چۈنكى نىجاتلىق كېلەر پەرۋەردىگاردىنلا.

¹⁰شۇنىڭ بىلەن پەرۋەردىگار ھېلىقى بېلىققا بۇيرۇق قىلغانىدى. بېلىق يۇنۇسنى قۇرۇقلۇققا قۇسۇپ چىقاردى.