Read Муқаддас Китоб Uzbek Ибтидо 36 Bible Online

Ибтидо 36 - Муқаддас Китоб Uzbek bible

Ибтидо 36

¹Эсовнинг насл — насаби тарихи қуйидагичадир (у Эдом исми билан таниқли):

²Эсов Канъонлик қизларга уйланган эди. Биринчи хотинининг исми Оида бўлиб, Хет халқидан Элўн деганнинг қизи эди. Иккинчисиники Охолибом бўлиб, Хив халқидан Анаҳ деганнинг қизи эди. Бобосининг исми Зибўн эди.

³Учинчи хотинининг исми Босимат бўлиб, Исмоилнинг қизи эди. Қизнинг Наваёт деган акаси бор эди.

⁴Оида Эсовга Элифазни, Босимат Рувелни,

⁵Охолибом эса Ёуш, Ялом ва Кўрахни туғиб берди. Эсовнинг Канъон юртида туғилган ўғиллари ана шулардир.

⁶Сўнгра Эсов хотинларини, болаларини, хонадонидаги ҳамма одамларини, подасию сурувларини, Канъон юртида топган жамики бойликларини олиб, укаси Ёқубдан узоқроқ ерга кўчиб кетди.

⁷Икковининг подалари ва сурувлари бениҳоя кўп бўлганидан, ер торлик қилиб қолган эди.

⁸Шунинг учун Эсов, яъни Эдом, Сеир тоғларига[277] бориб ўрнашди.

⁹Сеир тоғларидаги Эдом халқининг ота — бобоси Эсовнинг насл — насаби мана булардир:

¹⁰Эсовнинг хотинлари Оида ва Босимат туққан ўғиллари қуйидагилардир: Оида Элифазни туғди, Босимат Рувелни туғди.

¹¹Элифаз беш ўғил кўрди: Темон, Ўмар, Зафў, Гатам ва Ханаз.

¹²Элифазнинг чўриси[278] Тимна ҳам унга ўғил туғиб, исмини Омолек қўйди. Эсовнинг хотини Оиданинг набиралари ана шулар эди.

¹³Рувел тўрт ўғил кўрди: Нахат, Зерах, Шаммох ва Миззо. Булар Эсовнинг хотини Босиматнинг набиралари эди.

¹⁴Эсовнинг учинчи хотини Анаҳнинг қизи Охолибом унга уч ўғил туғиб берди. Ўғилларининг исми Ёуш, Ялом ва Кўрах эди.

¹⁵Эсовнинг ўғиллари ва набиралари қуйидаги уруғларнинг йўлбошчилари бўлдилар: Эсовнинг тўнғич ўғли Элифазнинг ўғиллари қуйидаги уруғларнинг йўлбошчилари бўлдилар: Темон, Ўмар, Зафў, Ханаз,

¹⁶Кўрах, Гатам ва Омолек уруғлари. Эдом юртидаги бу уруғлар Эсовнинг хотини Оидадан келиб чиққан эди.

¹⁷Эсов ўғли Рувелнинг ўғиллари қуйидаги уруғларнинг йўлбошчилари бўлдилар: Нахат, Зерах, Шаммох ва Миззо уруғлари. Эдом юртидаги бу уруғлар Эсовнинг хотини Босиматдан пайдо бўлган эди.

¹⁸Эсовнинг хотини Охолибомнинг ўғиллари қуйидаги уруғларнинг йўлбошчилари бўлдилар: Ёуш, Ялом ва Кўрах уруғлари. Охолибомнинг отаси Анаҳ эди.

¹⁹Эсов, яъни Эдомдан келиб чиққан уруғларнинг ҳаммаси ана шулардир.

²⁰Эдом юртининг туб аҳолиси қабилаларга бўлинган эди. Бу қабилаларнинг ота — бобоси Сеир деган одам бўлиб, у Хорим халқидан эди. Сеирнинг қуйидаги насллари уруғларга асос солди: Лўтон, Шўвал, Зибўн, Анаҳ, Дишон, Эзер ва Дишан.

²²Лўтоннинг ўғиллари исми Хўри ва Хўмам[279] эди. Лўтоннинг Тимна деган синглиси ҳам бор эди.

²³Шўвалнинг ўғиллари исми Элиён[280], Монахат, Эбал, Шафо ва Ўнам эди.

²⁴Зибўннинг ўғиллари исми Оё ва Анаҳ эди. Анаҳ отаси Зибўннинг эшакларини боқиб юрганда, саҳрода иссиқ булоқлар[281] топган эди.

²⁵Анаҳнинг Дишон деган ўғли ва Охолибом деган қизи бор эди.

²⁶Дишоннинг ўғиллари исми Хамдон, Эшбон, Йитрон ва Херон эди.

²⁷Эзернинг ўғиллари исми Билхан, Завон ва Оқон эди.

²⁸Дишаннинг ўғиллари исми Уз ва Орон эди.

²⁹Шундай қилиб, қуйидагилар Хорим халқи уруғларининг йўлбошчилари бўлди: Лўтон, Шўвал, Зибўн, Анаҳ,

³⁰Дишон, Эзер ва Дишан. Хорим халқининг уруғлари Сеир юртида яшаган уруғ йўлбошчилари номи билан юритилган.

³¹Ҳали Исроилда шоҳлар бўлмасдан олдин ҳам, Эдомда шоҳлар ҳукмронлик қилган эди. Бу шоҳлар қуйидагилардир:

³²Бавўр ўғли Белах, у Динхаба шаҳридан эди.

³³Белах вафот этгач, унинг ўрнига Зерах ўғли Йўвов шоҳ бўлди. У Бозрах шаҳридан эди.

³⁴Йўвов вафот этгандан кейин, унинг ўрнига Хушом шоҳ бўлди. У Темон юртидан эди.

³⁵Хушом вафот этгач, унинг ўрнига Бадад ўғли Ҳадад шоҳ бўлди. У Обит шаҳридан эди. Ҳадад Мўаб юртида Мидиён лашкарини қириб ташлаган эди.

³⁶Ҳадад вафот этгандан кейин, унинг ўрнига Самло шоҳ бўлди. У Масрихо шаҳридан эди.

³⁷Самло вафот этгандан кейин, унинг ўрнига Шовул шоҳ бўлди. У Фурот дарёси[282] бўйидаги Рехобўт шаҳридан эди.

³⁸Шовул вафот этгандан кейин, унинг ўрнига Ахбор ўғли Баалханон шоҳ бўлди.

³⁹Баалханон вафот этгандан кейин, унинг ўрнига Ҳадад[283] шоҳ бўлди. У Поғу шаҳридан эди. Ҳададнинг хотини Махитавал эди, Махитавалнинг отаси — Матрид, бобоси Мезахаб эди.

⁴⁰Эсов уруғларининг йўлбошчилари номлари қуйидагичадир: Тимно, Элво, Етет,

⁴¹Охолибом, Элох, Пинон,

⁴²Ханаз, Темон, Мивзар,

⁴³Махдиёл ва Иром. Эдом халқининг ота — бобоси Эсов уруғларининг номлари ана шулардир. Ҳар бир уруғ ўзи эгаллаган ҳудудга ўзининг номини берган.