Read Муқаддас Китоб Uzbek 1 Солномалар 13 Bible Online

1 Солномалар 13 - Муқаддас Китоб Uzbek bible

1 Солномалар 13

¹Довуд ҳар бир лашкарбошиси — мингбоши ва юзбошилари билан маслаҳатлашди.

²Сўнг бутун Исроил жамоасига деди: “Шоҳ Шоул даврида биз Худойимизнинг Аҳд сандиғига эътиборсиз бўлиб келдик[139]. Келинглар, Аҳд сандиғини қайтариб олиб келайлик. Бутун Исроил бўйлаб хабар жўнатиб юртдаги жамики қариндош — уруғларимизни шу ерга йиғайлик, ўз шаҳарларида яшайдиган руҳонийлару левилар ҳам олдимизга йиғилиб келишсин. Агар сиз бунга рози бўлсангиз ва бу Эгамиз Худонинг иродаси бўлса, шуни қилайлик.”

⁴Бутун жамоага бу таклиф маъқул тушиб, ҳамма таклифга рози бўлди.

⁵Шундай қилиб, Довуд Худонинг Сандиғини Хират — Йўримдан[140] Қуддусга олиб келиш учун бутун юртдаги — Мисрдаги Шихор дарёсидан тортиб, то шимолдаги Лево — Хомат шаҳрига[141] қадар бўлган жойлардаги жамики Исроил халқини тўплади.

⁶Улар биргаликда Худонинг Аҳд сандиғини олиб келиш учун Яҳудодаги Баалах, яъни Хират — Йўрим шаҳрига йўл олишди. Аҳд сандиғи икки каруб[142] орасида тахт қурган Эгамизнинг номи билан аталган эди.

⁷Худонинг Сандиғи Абунадавнинг уйида эди. Сандиқ янги арава устига ортилгач, Уззох билан Охё[143] аравани ҳайдаб кетишди.

⁸Довуд ва жамики Исроил халқи Худонинг ҳузурида берилиб ўйин — кулги қилаётган эдилар. Улар лира, арфа, чилдирма, зил ва карнайлар чалиб, қўшиқлар билан бу воқеани байрам қилаётган эдилар.

⁹Улар Нохун[144] деган одамнинг хирмонига етганларида, ҳўкизлар қоқилиб кетди. Уззох Сандиқни ушлаб қолмоқчи бўлиб қўлини узатди.

¹⁰Лекин Уззох Аҳд сандиғига қўл узатгани учун[145], Эгамиз ундан ғазабланди. Уззохни уриб, жонини олди. Уззох ўша ерда — Худонинг олдида жон берди.

¹¹Эгамиз Уззохни нобуд қилгани учун Довуд қаттиқ ғазабланди. Ўша кундан буён шу жой “Параз — Уззох”[146] деб айтилади.

¹²Довуд ўша куни Худодан қўрқиб: “Қандай қилиб Худонинг Сандиғини ўзим билан олиб кела олар эканман?” деб ўйлади.

¹³У Сандиқни ўзи билан Довуд қалъасига олиб бормай, уни Гатлик[147] Обидадомнинг уйига ташлаб кетди.

¹⁴Худонинг Сандиғи у ерда уч ой турди. Обидадомнинг хонадонига ва жамики мол — мулкига Эгамиз барака берди.