Read Муқаддас Китоб Uzbek 1 Солномалар 14 Bible Online

1 Солномалар 14 - Муқаддас Китоб Uzbek bible

1 Солномалар 14

¹Тир[148] шоҳи Хирам Довуд ҳузурига элчилар юборди. Улар билан Довудга саройининг қурилиши учун садр ёғочларини жўнатди, тош терувчилар ва дурадгорларни йўллади.

²Довуд энди билдики, Эгамиз уни Исроил устидан шоҳ қилиб тайинлаган экан, Ўз халқининг ҳақи — ҳурмати учун унинг шоҳлигини ниҳоятда юксалтирган экан.

³Довуд Қуддусда яна хотинлар олди, улар Довудга янада кўп ўғил — қизлар туғиб беришди.

⁴Довуднинг Қуддусда туғилган фарзандлари қуйидагилар эди: Шаммува, Шўвав, Натан, Сулаймон,

⁵Йибхар, Элишува, Элфалат,

⁶Нўгах, Нафах, Ёфия,

⁷Элишама, Элёдах[149] ва Элифалет.

⁸Филистлар: “Довудга мой суртилибди. У бутун Исроил халқи устидан шоҳ бўлибди” деган хабарни эшитишди. Шундан кейин барча Филист лашкари Довудни қидириб жангга отландилар. Бундан хабар топган Довуд ҳам ўз лашкари билан уларга қарши жангга отланди.

⁹Филистлар келиб, Рафа водийсини[150] талон — тарож қила бошладилар.

¹⁰Довуд Худодан: — Филистларга ҳужум қилайми? Уларни қўлимга берасанми? — деб сўради[151]. — Ҳужум қил! — деб жавоб берди Эгамиз Довудга. — Уларни қўлингга бераман.

¹¹Шундай қилиб, Довуд Баал — Перазимга бориб, у ерда Филистларни тор — мор қилди. Кейин шундай деди: — Сув тўғондан тошиб, далани босгани сингари, Худо ғанимларимни босиб, менинг қўлим билан уларни улоқтириб юборди. Шу сабабдан бу ерга “Баал — Перазим”[152] деган ном берилди.

¹²Филистлар ўша ерда худоларининг тасвирларини ташлаб қочган эдилар, Довуд уларни ёндириб юборишни буюрди.

¹³Кўп ўтмай Филистлар водийга қайтиб келиб, у ерларни яна талон — тарож қила бошладилар.

¹⁴Довуд тағин Худонинг хоҳиш — иродасини сўради. Худо эса унга шундай жавоб берди: — Сен уларнинг олд томонидан ҳужум қилма. Уларни айланиб ўтгин — да, мумиё дарахтлари томондан яқинлашиб бор.

¹⁵Мумиё дарахтлари тепасида Менинг қадамим товушларини эшитганинг заҳоти уларга ҳужум қил. Ўшанда Мен Филист лашкарини йўқ қилиш учун сенинг қаршингдан чиққан бўламан.

¹⁶Довуд Худо амр берганидай қилиб, Гивондан Гезер шаҳригача бўлган жойларда Филистлар лашкарини тор — мор қилди.

¹⁷Довуднинг донғи ҳамма юртларга таралди. Эгамиз ҳамма халқларни ундан қўрқадиган қилиб қўйди.