Read Муқаддас Китоб Uzbek 1 Солномалар 2 Bible Online

1 Солномалар 2 - Муқаддас Китоб Uzbek bible

1 Солномалар 2

¹Ёқубнинг[22] ўғиллари қуйидагилардир: Рубен, Шимўн, Леви, Яҳудо, Иссахор, Забулун,

²Дан, Юсуф, Бенямин, Нафтали, Гад ва Ошер.

³Яҳудонинг Ғур, Ўнан ва Шело деган ўғиллари бор эди. Бу учала ўғилни унга Канъонлик Ботшува[23] туғиб берганди. Яҳудонинг тўнғич ўғли Ғур Эгамизнинг олдида қабиҳ ишлар қилгани учун, Эгамиз унинг жонини олди.

⁴Яҳудонинг келини Тамара ҳам Яҳудога Параз ва Зерах деган ўғилларни туғиб берди. Яҳудонинг ҳаммаси бўлиб беш ўғли бор эди.

⁵Параздан Хазрон ва Хомул исмли икки ўғил туғилди.

⁶Зерахнинг бешта ўғли бўлиб, уларнинг исмлари Зимри, Этхан, Хаман, Қолкўл ва Дардах[24] эди.

⁷Зерах авлодидан бўлган Карми исмли бир одамнинг Охун[25] деган ўғли бор эди. Охун Эгамизга бағишланган нарсаларнинг бир нечтасини олиб, Исроил халқига кулфат келтирганди.

⁸Этханнинг ўғли Озариё эди.

⁹Хазроннинг учта ўғли бўлиб, исмлари Ярахмал, Рам ва Холиб[26] эди.

¹⁰Рамдан Оминадав туғилди, Оминадав Яҳудо йўлбошчиси Нахшўннинг отаси эди.

¹¹Нахшўндан Салмўн туғилди, Салмўндан Бўаз туғилди,

¹²Бўаздан Обид туғилди ва Обиддан Эссай туғилди.

¹³Эссайнинг етти ўғли бўлиб, тўнғичи — Элиёб, иккинчиси — Абунадав, учинчиси — Шимо,

¹⁴тўртинчиси — Натанил, бешинчиси — Раддай,

¹⁵олтинчиси — Озим, еттинчиси Довуд эди[27].

¹⁶Уларнинг Зеруя ва Обигайл деган сингиллари бор эди. Зеруянинг учта ўғли бўлиб, уларнинг исмлари Абушай, Йўаб ва Осойил эди.

¹⁷Обигайл Исмоил қавмидан бўлган Этер билан турмуш қуриб, Эмосани туғди.

¹⁸Хазрон ўғли Холибнинг Озиба ва Ярийўт деган хотинлари бор эди. Озиба Холибга уч ўғил: Ешер, Шўвав ва Ардунни туғиб берди.

¹⁹Озиба оламдан ўтгач, Холиб Эфратага уйланди. Эфрата унга Хурни туғиб берди.

²⁰Хурдан Ури туғилди, Уридан Базалил туғилди.

²¹Хазрон олтмиш ёшга кирганда Мохирнинг қизи — Гиладнинг синглисига уйланди. У Хазронга Сахув исмли ўғил туғиб берди.

²²Сахувдан Ёвир туғилди. У Гиладдаги йигирма учта шаҳар устидан ҳукмронлик қиларди.

²³Кейинчалик Гашур ва Орам халқлари Ёвир шаҳарларини[28], шунингдек, Қанот шаҳри ва атрофидаги олтмишта қишлоқни қўлга киритишди. Бу ерларда яшаётган халқ Гиладнинг отаси Мохирнинг уруғидан эди.

²⁴Хазрон вафот этгандан кейин, ўғли Холиб отасининг бева қолган Эфрата исмли хотинига уйланган эди. Улар Ашхур исмли ўғил кўрдилар[29]. Ашхур Тахува шаҳрига асос солди[30].

²⁵Хазроннинг тўнғич ўғли Ярахмалдан бино бўлган ўғиллар қуйидагилардир: тўнғич ўғли Рам, сўнгра Бунах, Орен, Озим ва Охиёдир.

²⁶Ярахмалнинг Отара исмли бошқа хотини ҳам бор эди. Отара Ўнамни туғди.

²⁷Ярахмалнинг тўнғич ўғли Рамдан Маз, Ёмин ва Эхер бино бўлди.

²⁸Ўнамнинг Шаммай ва Ёдо деган ўғиллари бор эди. Шаммай Надов ва Абушур исмли ўғиллар кўрди.

²⁹Абушурнинг Абуҳайил деган хотини бўлиб, улар Ахбон ва Мўлид деган ўғиллар кўрди.

³⁰Надовдан Салед ва Опайим деган ўғиллар бино бўлди. Салед бефарзанд ўтиб кетди.

³¹Опайим — Йишининг отаси, Йиши — Шашоннинг отаси, Шашон Охлайнинг[31] отаси эди.

³²Шаммайнинг укаси Ёдонинг Этер ва Йўнатан исмли иккита ўғли бор эди. Этер бефарзанд ўтиб кетди.

³³Йўнатаннинг Палаф ва Зозо исмли иккита ўғли бор эди. Мана шуларнинг ҳаммаси Ярахмалнинг насли эди.

³⁴Шашоннинг ўғли бўлмай, фақат қизлари бор эди, холос. Шашоннинг Ярхо исмли бир Мисрлик қули ҳам бор эди.

³⁵Шашон қизини ўзининг қули Ярхога узатди. Улар ўғил кўришди ва исмини Аттай қўйишди.

³⁶Аттайдан Натан туғилди, Натандан Забад туғилди,

³⁷Забаддан Эфлол туғилди, Эфлолдан Обид туғилди,

³⁸Обиддан Ёҳу туғилди, Ёҳудан Озариё туғилди,

³⁹Озариёдан Халез туғилди, Халездан Эласах туғилди,

⁴⁰Эласахдан Сисмай туғилди, Сисмайдан Шаллум туғилди,

⁴¹Шаллумдан Ёхамиё туғилди, Ёхамиёдан Элишама туғилди.

⁴²Ярахмалнинг укаси Холиб икки ўғил кўрди, тўнғичининг исми Мешо ва кенжасининг исми Моришо эди. Мешодан Зиф туғилди, Моришодан Хеврон туғилди.

⁴³Хеврон Кўрах, Таппух, Раҳем ва Шема исмли ўғиллар кўрди.

⁴⁴Шемадан Рахам туғилди, Рахамдан Ёрихим туғилди. Шеманинг акаси Раҳем Шаммай исмли ўғил кўрди.

⁴⁵Шаммайдан Моюн туғилди. Моюндан Байтзур туғилди.

⁴⁶Холибнинг Эфах исмли чўриси[32] унга Хоронни, Мўзони ва Газезни туғиб берди. Хорон ҳам Газез исмли бир ўғил кўрди.

⁴⁷Эфахнинг отаси Ёҳдойнинг Рахем, Йўтом, Гешон, Палат ва Шаф деган ўғиллари ҳам бор эди.

⁴⁸Холибнинг Махо исмли бошқа бир чўриси[33] унга Шабар ва Тирхано исмли ўғиллар туғиб берди.

⁴⁹Кейинроқ улар Шаф ва Шаво исмли яна икки ўғил кўришди. Шаф Мадманно шаҳрига, Шаво эса Махбинах ва Гивиё шаҳарларига асос солди[34]. Холибнинг Ахса исмли бир қизи ҳам бор эди.

⁵⁰Мана шуларнинг ҳаммаси Холибнинг насли эди. Эфратанинг Холибдан туғилган тўнғич ўғли Хур уч ўғил кўрди. Биринчисининг исми Шўвал бўлиб, у Хират — Йўрим шаҳрига асос солди.

⁵¹Иккинчисининг исми Салмо бўлиб, у Байтлаҳм шаҳрига асос солди. Учинчисининг исми Хореф бўлиб, у Байт — Гадер шаҳрига асос солди.

⁵²Хират — Йўримнинг асосчиси Шўвалдан Ҳору халқи ва Монахат шаҳрининг ярим аҳолиси бино бўлди.

⁵³Хират — Йўрим аҳолиси Йитар уруғи, Фут уруғи, Шумот уруғи ва Мишрой уруғларидан ташкил топган эди. Зорох ва Эштойўл шаҳарларининг аҳолиси ҳам шу уруғлардан келиб чиққан.

⁵⁴Натуфо, Отрўт — Байт — Йўаб ва Зорох шаҳарларининг аҳолиси ҳамда Монахат шаҳрининг ярим аҳолиси Байтлаҳмнинг асосчиси Салмо наслидан ташкил топган эди.

⁵⁵Ябиз шаҳрида истиқомат қилган котибларнинг уруғлари[35] ҳам Салмо наслидан келиб чиққан бўлиб, улар Тиротликлар, Шиматликлар ва Сухотликлар деган ном билан юритиларди. Булар Хайин халқидан бўлган Хаммат исмли бир одамнинг авлодлари эдилар. Хаммат Рахав уруғининг бобокалони эди[36].