Read Муқаддас Китоб Uzbek 1 Солномалар 24 Bible Online

1 Солномалар 24 - Муқаддас Китоб Uzbek bible

1 Солномалар 24

¹Ҳорун насли хизмат учун гуруҳ — гуруҳларга бўлинди. Ҳоруннинг Надов, Абиҳу, Элазар ва Итамар исмли тўрт ўғли бор эди.

²Лекин Надов билан Абиҳу оталаридан олдин, ўғил кўрмасдан вафот этганлари учун, Элазар билан Итамар руҳоний бўлдилар.

³Шоҳ Довуд Ҳорун наслини, бажарадиган вазифаларига кўра, гуруҳларга бўлди. Унга бу ишда Элазар наслидан бўлган Зодўх ва Итамар наслидан бўлган Охималек ёрдам бердилар.

⁴Элазар наслидаги уруғбошиларнинг сони Итамар наслиникига қараганда кўпроқ бўлгани учун, Элазар насли 16 гуруҳга, Итамар насли эса 8 гуруҳга бўлинди.

⁵Маъбадда Худога хизмат қиладиган малакали раҳнамоларнинг баъзилари Элазар наслидан, бошқалари эса Итамар наслидан эдилар. Шу сабабдан тарафкашликка йўл қўймаслик учун бажарадиган вазифалари уларга қуръа бўйича[208] бўлиб берилди.

⁶Элазар ва Итамар насллари учун навбатма — навбат қуръа ташланди. Левилардан бўлган котиб Натанил ўғли Шамаё қуръа натижаларини қайд этиб турди. Шоҳ, унинг аъёнлари, руҳоний Зодўх, Абуатар ўғли Охималек ҳамда руҳоний ва леви хонадонларининг уруғбошилари бунга шоҳид бўлдилар.

⁷Биринчи қуръа Ёҳайиривга тушди. Иккинчи қуръа Ёдаёга тушди.

⁸Учинчи қуръа Харимга тушди. Тўртинчи қуръа Сайўримга тушди.

⁹Бешинчи қуръа Малкиёга тушди. Олтинчи қуръа Миёминга тушди.

¹⁰Еттинчи қуръа Хаккўзга тушди. Саккизинчи қуръа Абиёга тушди.

¹¹Тўққизинчи қуръа Ешувага тушди. Ўнинчи қуръа Шаханиёга тушди.

¹²Ўн биринчи қуръа Элиашабга тушди. Ўн иккинчи қуръа Яхимга тушди.

¹³Ўн учинчи қуръа Хуппага тушди. Ўн тўртинчи қуръа Эшебовга тушди.

¹⁴Ўн бешинчи қуръа Билдахга тушди. Ўн олтинчи қуръа Иммарга тушди.

¹⁵Ўн еттинчи қуръа Хазирга тушди. Ўн саккизинчи қуръа Хапизезга тушди.

¹⁶Ўн тўққизинчи қуръа Патихиёга тушди. Йигирманчи қуръа Ёхизқиёлга тушди.

¹⁷Йигирма биринчи қуръа Ёхинга тушди. Йигирма иккинчи қуръа Гамулга тушди.

¹⁸Йигирма учинчи қуръа Далоёга тушди. Йигирма тўртинчи қуръа Мазиёга тушди.

¹⁹Ҳар бир гуруҳ Эгамиз уйидаги ўз вазифасини уларнинг бобокалони Ҳорун томонидан белгиланган кўрсатмалар асосида бажариши лозим эди. Бу кўрсатмаларни Ҳорунга Исроил халқининг Худоси — Эгамиз берган эди.

²⁰Левидан бино бўлган бошқа уруғбошилар қуйидагилар эди: Имром наслидан — Шавувол[209], Шавувол наслидан — Ёхидаё,

²¹Рахавиё наслидан — йўлбошчи Ишшиё,

²²Изхор наслидан — Шалумит[210], Шалумит наслидан — Яхат,

²³Хеврон наслидан — тўнғичи Ёриё, иккинчиси — Эмориё[211], учинчиси — Яхазиёл ва тўртинчиси — Ёхамом,

²⁴Узиёл наслидан — Михо, Михо наслидан — Шомир,

²⁵Михонинг укаси — Ишшиё, Ишшиё наслидан — Закариё,

²⁶Марори наслидан — Махли, Муши ва Язиё, Язиё наслидан — Шўҳам, Заккур ва Ибри,

²⁸Махли наслидан — Элазар ва Киш. Элазарнинг ўғиллари йўқ эди. Киш наслидан — Ярахмал[212],

³⁰Муши наслидан — Махли, Эдер ва Яримўт. Леви насли, уруғлари бўйича, ана шулардан иборат эди.

³¹Улар ҳам Ҳорун насли сингари, қуръа ташлаб, бажарадиган вазифаларини аниқлаб олган эдилар. Шоҳ Довуд, Зодўх, Охималек, руҳоний ва леви хонадонларининг уруғбошилари бунга шоҳид эдилар. Катта ўғил хонадони, кичик ўғил хонадони қатори, қуръа ташлади.