Read Муқаддас Китоб Uzbek Нахимиё 7 Bible Online

Нахимиё 7 - Муқаддас Китоб Uzbek bible

Нахимиё 7

¹Девор қурилиб, мен дарвозаларнинг қанотларини ўрнаттириб бўлганимдан кейин, Маъбад дарвозабонлари[46], қўшиқчилар ва левилар тайинланди.

²Мен укам[47] Хонинни ва қалъа қўмондони Ханониёни Қуддус устидан ҳокимлар қилиб тайинладим. Ханониё содиқ одам бўлиб, бошқаларга қараганда Худодан қўрқарди.

³Мен уларга шундай деб айтдим: “Кун иссиқ пайтида Қуддус дарвозаларини очиқ қолдирманглар[48]. Ўша пайтда навбатчиликда турган соқчилар дарвозаларни беркитиб, қулфлаб қўйсинлар. Қуддус аҳолиси орасидан ҳам қўриқчиларни тайинланглар. Уларнинг баъзилари махсус жойларни, бошқалари эса ўзларининг уйлари атрофини қўриқлашсин.”

⁴Қуддус кенг, катта шаҳар эди. Лекин шаҳарда кўп одам яшамас, ҳали уйлар кўп қурилмаган эди.

⁵Шунда йўлбошчиларни, амалдорларни ва халқни тўплаб, уруғлари бўйича рўйхат тузишни Худойим кўнглимга солди. Мен Яҳудога сургундан биринчи бўлиб қайтиб келганларнинг[49] насабномаси рўйхатини топдим. Насабнома китобида қуйидагилар ёзилган эди:

⁶“Бобил шоҳи Навухадназар асир қилиб олиб кетган яҳудийларнинг[50] бир қисми Қуддусга ва Яҳудо юртидаги ўз шаҳарларига қайтиб келиб, ўрнашдилар. Улар Зарубабел, Ёшуа, Нахимиё, Озариё[51], Рамиё, Нахамонах, Мардохай, Билшон, Миспар, Биғвай, Нихум ва Банах бошчилигида қайтиб келган эдилар. Сургундан қайтиб келган Исроил эркакларининг сони қуйидагича эди:

⁷

⁸Парўш уруғидан — 2172 нафар эркак.

⁹Шафатиё уруғидан — 372 нафар эркак.

¹⁰Орах уруғидан — 652 нафар эркак.

¹¹Пахатмўаб, яъни Ешува ҳамда Йўаб уруғларидан — 2818 нафар эркак.

¹²Элам уруғидан — 1254 нафар эркак.

¹³Затту уруғидан — 845 нафар эркак.

¹⁴Заккай уруғидан — 760 нафар эркак.

¹⁵Биннуй уруғидан — 648 нафар эркак.

¹⁶Бўвай уруғидан — 628 нафар эркак.

¹⁷Озгад уруғидан — 2322 нафар эркак.

¹⁸Одонихам уруғидан — 667 нафар эркак.

¹⁹Биғвай уруғидан — 2067 нафар эркак.

²⁰Адин уруғидан — 655 нафар эркак.

²¹Отер, яъни Ёхизқиё уруғидан — 98 нафар эркак.

²²Хашум уруғидан — 328 нафар эркак.

²³Безай уруғидан — 324 нафар эркак.

²⁴Хориф уруғидан — 112 нафар эркак.

²⁵Гивон уруғидан — 95 нафар эркак.

²⁶Таги Байтлаҳмлик ва Натуфолик — 188 нафар эркак.

²⁷Таги Онотўтлик — 128 нафар эркак.

²⁸Таги Байт — Озмобитлик — 42 нафар эркак.

²⁹Таги Хират — Йўримлик, Хафиралик ва Барўтлик — 743 нафар эркак.

³⁰Таги Рамалик ва Геболик — 621 нафар эркак.

³¹Таги Михмашлик — 122 нафар эркак.

³²Таги Байтиллик ва Айлик — 223 нафар эркак.

³³Таги Наволик — 52 нафар эркак.

³⁴Таги Эламлик — 1254 нафар эркак.

³⁵Таги Харимлик — 320 нафар эркак.

³⁶Таги Ерихолик — 345 нафар эркак.

³⁷Таги Лўдлик, Ҳодидлик ва Онўлик — 721 нафар эркак.

³⁸Таги Санолик — 3930 нафар эркак.

³⁹Сургундан қайтиб келган руҳонийларнинг сони қуйидагича эди: Ёшуа наслидан, аниқроғи Ёдиё уруғидан — 973 нафар эркак.

⁴⁰Иммар уруғидан — 1052 нафар эркак.

⁴¹Пашхур уруғидан — 1247 нафар эркак.

⁴²Харим уруғидан — 1017 нафар эркак.

⁴³Сургундан қайтиб келган левилар уруғларининг сони қуйидагича эди: Хўдаво наслидан бўлган Ешува, аниқроғи Кадмил уруғларидан — 74 нафар эркак.

⁴⁴Осиф уруғидан бўлган қўшиқчилар — 148 нафар эркак.

⁴⁵Шаллум, Отер, Талмўн, Оққув, Хатита ва Шўвай уруғларидан бўлган Маъбад дарвозабонлари — 138 нафар эркак.

⁴⁶Сургундан қайтиб келган Маъбад хизматкорларининг уруғлари қуйидагилар эди: Зихо, Хасуфа, Таббайўт,

⁴⁷Керош, Сиё, Падўн,

⁴⁸Лавон, Хагава, Шалмай,

⁴⁹Ханон, Гиддол, Гахар,

⁵⁰Раё, Ратан, Накудо,

⁵¹Ғаззом, Уззо, Посиёх,

⁵²Бесай, Муним, Нафусим,

⁵³Бобуҳ, Хакуфа, Хорхур,

⁵⁴Базулат, Махидо, Харша,

⁵⁵Боркис, Сисаро, Тамах,

⁵⁶Назиё, Хатифа.

⁵⁷Сулаймон қаролларининг[52] сургундан қайтиб келган уруғлари қуйидагилар эди: Сўтай, Сўфарат, Паридах,

⁵⁸Ялох, Дархун, Гиддол,

⁵⁹Шафатиё, Хаттил, Пахаратҳаззавойим, Омон.

⁶⁰Маъбад хизматкорлари ва Сулаймоннинг қароллари уруғларидан бўлганларнинг жами 392 киши эди.

⁶¹Қуйидагилар Тел — Малах, Тел — Харша, Харуб, Адўн ва Иммар шаҳарларидан келган эдилар: Далоё, Тўвиё ва Накудо уруғлари — 642 киши. Лекин булар ўзларининг уруғбошиси Исроил наслига мансублигини исботлай олмасдилар.

⁶²

⁶³Қуйидаги руҳонийлар уруғлари ҳам ўз насабномасини топа олмадилар: Хаваё, Хаккўз ва Борзулай уруғлари. (Борзулайнинг бобоси Гиладлик Борзулай деган одамнинг қизига уйланган бўлиб, бу уруғ ўша аёлнинг уруғи номи билан юритилар эди.) Шу сабабдан улар хизмат қилишга нопок ҳисобланиб, руҳонийликка қабул қилинмадилар.

⁶⁴

⁶⁵Яҳудо ҳокими[53] уларга шундай деди: «Бирорта руҳоний Худодан Урим ва Туммим[54] орқали руҳоний эканлигингизни сўраб, тасдиқламагунча, сизлар назрларнинг руҳонийларга тегишли улушидан тановул қилмайсизлар.»

⁶⁶Бу жамоа жами 42.360[55] кишидан иборат эди.

⁶⁷Булардан ташқари, қул ва чўрилари — 7337 киши, қул ва чўри қўшиқчилар 245 киши эди.

⁶⁸Жамоанинг 736 та оти, 245 та хачири,

⁶⁹435 та туяси, 6720 та эшаги бор эди.

⁷⁰Баъзи уруғбошилар қурилиш ишлари учун инъомлар бердилар. Ҳоким ҳам хазинага 1000 олтин танга[56], 50 та тоғорача ва руҳонийлар учун 530 та кўйлак берди.

⁷¹Баъзи уруғбошилар иншоот қурилиши учун хазинага 20.000 олтин танга[57], 80 пуд[58] кумуш бердилар.

⁷²Қолган халқ жами 20.000 олтин танга, 75 пуд[59] кумуш ва руҳонийлар учун 67 та кўйлак бердилар.

⁷³Шундай қилиб, руҳонийлар, левилар, Маъбад дарвозабонлари, қўшиқчилар, Маъбад хизматкорлари ва халқнинг қолганлари ўз шаҳарларига бориб жойлашдилар.”