Read Муқаддас Китоб Uzbek Забур 7 Bible Online

Забур 7 - Муқаддас Китоб Uzbek bible

Забур 7

¹Бенямин қабиласидан бўлган Кушнинг қилмишлари туфайли Довуднинг Эгамизга айтган марсияси.

²Сенда паноҳ топаман, эй Эгам Худо, Пайимга тушганлардан халос эт, қутқар мени.

³Йўқса, улар мени шердай ғажиб ташлайди, Бурда — бурда қилади, ҳеч ким мени қутқаролмайди.

⁴Эй Эгам Худо! Агарда кимгадир ноҳақлик қилган бўлсам, Дўстимни душманига сотган бўлсам мабодо, Ғанимимни сабабсиз талаган бўлсам, Ҳа, агарда у ишларни қилган бўлсам,

⁶Душманларим таъқиб қилсин, тутсин мени, Танамни тупроққа қорсин, Жасадимни ерга ташласин.

⁷Қани, ғазабингни сочгин, эй Эгам! Қўзғал ёвларимнинг қаҳрига қарши! Кўриб, адолат қилгин!

⁸Халқларни атрофингга тўплагин, Баланддаги тахтингда ўтириб, Улар устидан ҳукмронлик қилгин.

⁹Эй Эгам, олий Ҳакам Ўзингсан, Сен халқларни ҳукм қиласан. Эй юксалган Эгам, Ҳукм пайтида юзимни ёруғ қил, Биласан — ку, солиҳман, бегуноҳман.

¹⁰Фосиқларнинг ёвузлиги барҳам топсин, Солиҳлар барқарор бўлсин. Онгу юракларни синагувчи Сенсан, Эй одил Худо!

¹¹Менинг қалқонимдир юксалган Худо, Покдилларга У нажот беради.

¹²Адолатли ҳакамдир Худо, Қабиҳга У доим ғазабини сочади.

¹³Агар инсон тавба қилмаса, Худо қиличини чархлайди, Камонини тайёр қилиб туради.

¹⁴Қирғин қуролларини шай қилиб қўйган, Оловли ўқларини тайёрлаб қўйган.

¹⁵Ана, қабиҳлар қабиҳликдан уруғ орттиради, Дарду балолардан ҳомиладор бўлади, Охир — оқибатда ёлғонни туғади.

¹⁶Улар чуқур қазийдилар, Аммо чоҳга ўзлари қулайдилар.

¹⁷Уларнинг дарду балоси ўзига қайтади, Зўравонлиги ўзларининг бошига етади.

¹⁸Эгамизга, адолатинг учун шукур, дейман. Эгамиз — Худойи Таолога ҳамду санолар куйлайман.