Read Муқаддас Китоб Uzbek Забур 82 Bible Online

Забур 82 - Муқаддас Китоб Uzbek bible

Забур 82

¹Осиф[222] саноси. Қўшиқ.

²Эй Худо, сукут сақламагин, Жимжит бўлма, эй Худо, жим турмагин.

³Душманларинг шовқин — сурон солмоқда, Ғанимларинг исён қилмоқда.

⁴Айёрлик билан улар халқингга фитна қилади, Сен ардоқлаганларга қарши қасд қилади.

⁵Улар айтар: “Қани, ўша халқнинг илдизини қуритайлик, То абад унутилсин Исроилнинг номи.”

⁶Эдомликлар ва Исмоил авлодлари, Мўабликлар[223] ва Ҳожар насллари[224], Габол[225], Оммон ва Омолек[226] халқлари, Тир халқи билан Филистия[227] Тил бириктириб, фитна қилади, Сенга қарши иттифоқ тузади.

⁹Лут насли[228] билан иттифоқ тузиб, Оссурия ҳам уларга қўшилган эди.

¹⁰Мидиёнларни жазолаганингдай[229] уларни жазола, Хишон дарёсида Сисаро, Ёбинни қирганингдай[230] жазола.

¹¹Улар Эн — Дўрда ҳалок бўлгандилар, Ерга ташланган гўнгдай бўлгандилар.

¹²Орив ва Заёвдай[231] қилиб, уларнинг йўлбошчиларини ўлдир, Барча шаҳзодаларини Зевах ва Залмунодай[232] қилгин.

¹³Ахир, улар: “Худонинг ўтлоқларини Ўзимизники қилиб олайлик”, дедилар.

¹⁴Эй Худойим, уларни хазондай совургин, Шамолдаги сомондай уларни учиргин.

¹⁵Ўрмонни аланга ёндиргандай, Уларни бўронларинг ила таъқиб қил. Тепаликларни олов билан куйдиргандай Уларни довулларинг ила даҳшатга сол.

¹⁷Юзларини шармандаликдан қизартир, Токи улар, эй Эгам, Сенга интилсин.

¹⁸Улар доим шарманда бўлиб, қўрқувга тушсин, Бадном бўлиб, йўқ бўлиб кетсин.

¹⁹Улар билсин Эгамиз Сен эканингни, Ер юзида буюк ҳукмдор ёлғиз Сен эканингни.