Read Муқаддас Китоб Uzbek Забур 94 Bible Online

Забур 94 - Муқаддас Китоб Uzbek bible

Забур 94

¹Келинглар, севинч ила Эгамизни куйлайлик, Нажотимиз Қоясига шодлик ила ҳайқирайлик.

²Шукрона айтиб, Унинг ҳузурига борайлик, Унга қўшиқлар айтиб, шодликдан ҳайқирайлик.

³Зотан, Эгамиз улуғ Худодир, Жамики худолар устидан улуғ Шоҳдир.

⁴Заминнинг энг чуқур жойлари Унинг қўлидадир, Тоғларнинг чўққилари ҳам Уникидир.

⁵Уникидир Ўзи яратган денгиз ҳам, Қўли барпо қилган қуруқ ер ҳам.

⁶Келинглар, таъзим қилиб, сажда этайлик, Яратган Эгамиз олдида тиз чўкайлик.

⁷У Худойимиздир, биз Унинг яйловидаги халқмиз, Биз Унинг қўл остидаги қўйлармиз. Эгамиз шундай дейди: “Қанийди, бугун Менинг овозимга қулоқ солсангиз!

⁸Оталарингиз каби тош юрак бўлманглар. Маривада, саҳродаги Массахда[267] улар қилган ишни қилманглар.

⁹Оталарингиз Менинг ишларимни кўрса ҳам, У ерда Мени синаб кўрдилар.

¹⁰Қирқ йил у наслдан нафратланиб[268], Шундай дедим: «Бу халқ Мендан юз ўгиради, Амрларимга бўйсунишдан бош тортади.»

¹¹Шу боис ғазабланиб, онт ичдим: «Улар фароғат диёримга кирмайди», дедим[269].”